Aesaea 7:19 - Pijin Bible

¹⁹ Bae olketa enemi ya i stap evri ples long Israel. Nomata long midol long olketa hil, an long olketa kev, an insaet long olketa gras wea olketa animol i kaikaim, olketa stap long hem tu.

Pijin Deuterocanon

¹⁹ Bae olketa enemi ya i stap evri ples long Israel. Nomata long midol long olketa hil, an long olketa kev, an insaet long olketa gras wea olketa animol i kaikaim, olketa stap long hem tu.

Aesaea 7:19 Iomraidhean Croise

2 Kronikols 33:11

So hemi mekem olketa komanda blong ami blong Asiria fo kam faetem olketa. Olketa kasholem Manase, an putum huk long nous blong hem. Olketa taemapem hem long bras sen, an olketa tekem hem go long Babilon.

Aesaea 2:19

Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Aesaea 2:21

Long taem ya tu bae olketa fraet an ranawe go fo haed insaet long olketa kev long graon an long maonten bikos Yawe hu hemi King, hemi garem evri paoa, an bae hemi somaot paoa blong hem taem hemi kros.

Aesaea 5:6

Bae mi letem olketa nilagras fo grou long ples ya, an bae mi stopem ren fo no foldaon long plantesin ya. Bae mi mekem ples ya fo kamap olsem drae eria.”

Aesaea 55:13

Bae olketa gudfala tri nao i grou long olketa ples wea olketa ropnila i grou long hem distaem. An bae olketa nambawan tri nao i grou long olketa ples wea hemi fulap long nilagras distaem. Olketa samting ya hemi wanfala saen wea bae hemi stap olowe, mekem yufala no fogetem olketa samting wea mi Yawe nao bin duim.”

Aesaea 7:24

Ya, olketa ravis gras nomoa bae i fulap long ples ya. So olketa man mas tekem bou blong olketa fo go handing fo olketa animol fo mit.

Aesaea 7:25

Olketa ravis gras nomoa bae hemi kavaremap evri ples long olketa hil wea yufala mekem gaden long hem distaem. Bae no eniwan hemi laek fo go long ples ya. Olketa buluka an sipsip nomoa bae i stap long hem.”

Jeremaea 16:16

Yawe hemi gohed fo tok olsem, “Mi seleva nao bae mi sendem toktok go long olketa enemi, mekem olketa kam pulum yufala, olsem man hemi pulum fis. An bihaen bae mi sendem samfala enemi moa, mekem olketa lukaotem yufala evriwea long lan, olsem man fo handing hemi lukaotem mit olobaot long olketa maonten an hil, an long olketa hol long ston.

Maeka 7:17

Bae olketa krol long graon olsem snek. An taem olketa kamaot from olketa strongfala sefples blong olketa fo haed, bae olketa fraet an seksek fogud. An bikos olketa fraet olsem, bae olketa sensim tingting blong olketa fo tinghae long yu Yawe God blong mifala.

Sekaraea 10:8

Bae mi kolem kam olketa pipol blong mi fo hipap tugeta. Bae mi sevem olketa, an mekem olketa evriwan fo kamap plande fogud olsem bifoa.

Matiu 7:16

Bat bae yufala save luksave long olketa ya, long olketa samting wea olketa duim. Bikos yumi no save faendem frut blong grep tri o frut blong fig tri long olketa ravis tri olobaot.