Aesaea 7:16 - Pijin Bible

¹⁶ Bat bifoa taem ya hemi finis, bae mi spoelem tufala king ya wea yu fraetem tumas, wetem evri pipol blong tufala.

Pijin Deuterocanon

¹⁶ Bat bifoa taem ya hemi finis, bae mi spoelem tufala king ya wea yu fraetem tumas, wetem evri pipol blong tufala.

Aesaea 7:16 Iomraidhean Croise

2 Kings 16:9

An taem king blong Asiria hemi herem mesij ya, hemi sendem ami blong hem godaon long Siria long taon long Damaskas. Olketa faet long taon ya an tekova long hem. Den olketa kilim dae King Resin, an fosim olketa pipol blong Damaskas fo go stap long Kia.

Aesaea 8:14

Bae mi nao mi olsem wanfala sefples fo yufala. Bat bae mi kamap olsem wanfala bikfala ston wea tufala laen ya blong Israel i save bangam lek blong olketa long hem an foldaon. Bae mi olsem tu wanfala trap fo kasholem olketa, an plande pipol long Jerusalem nao bae i foldaon long hem.

Aesaea 8:4

Taem wea pikinini ya hemi no save talem yet, ‘Mami’ o ‘Dadi’, king blong Asiria bae hemi kam faetem olketa pipol blong Damaskas an Samaria. An bae hemi tekem evri gudfala samting blong tufala taon ya wea olketa winim bifoa long faet.”

Aesaea 9:11

Bat Yawe bin mekem olketa enemi blong King Resin fo kamap strong, mekem olketa save faet agensim olketa.

Jeremaea 7:15

An bae mi raosim yufala from disfala ples wea mi stap long hem, long sem wei wea mi bin raosim olketa wantok blong yufala wea i bin stap long kingdom long Israel long not.”

Hosia 5:3

Mi savegud finis nao long disfala ravis wei blong yufala blong Israel. Yufala nating save haed from mi. Yufala nating fitim nao fo wosipim mi, bikos yufala lusim mi finis fo aftarem olketa narafala god.”

Hosia 5:9

De wea bae mi panisim olketa blong Israel bae hemi kam. An long datfala de, bae mi spoelem olketa finis. Mi talem stret long yufala, datfala de ya bae hemi kam.

Jona 4:11

Tri ya wea yu sore long hem, hemi smolfala tumas. Bat disfala taon long Nineve hemi bikfala tumas, an winim 120,000 pipol nao i stap long hem. Tingting blong olketa hemi olsem nomoa smolfala pikinini hu hemi no save yet wanem hemi gud o wanem hemi nogud, an plande animol tu i stap long ples ya. ?Waswe, yu barava tingse hemi no fitim fo mi sore long olketa ya?”

Diutronomi 1:39

“Den Yawe hemi tok moa olsem long yufala long datfala taem, ‘Olketa smolfala pikinini blong yufala i nating fit yet fo luksave long wanem hemi stret an wanem hemi rong, an yufala bin sei wea bae olketa enemi save kilim olketa. Bat wea, olketa nao bae i go insaet long lan ya. Bae mi givim lan long olketa, mekem olketa stap long hem, an onam.