Aesaea 66:8 - Pijin Bible

⁸ ?Waswe, eniwan hemi herem finis o hemi lukim finis enisamting olsem? ?Eni kantri save kamap niu long wanfala de nomoa? !Nomoa ya! Bat taem Saeon hemi jes stat fo safa nomoa, hemi kamap olsem wanfala niu kantri nao.

Pijin Deuterocanon

⁸ ?Waswe, eniwan hemi herem finis o hemi lukim finis enisamting olsem? ?Eni kantri save kamap niu long wanfala de nomoa? !Nomoa ya! Bat taem Saeon hemi jes stat fo safa nomoa, hemi kamap olsem wanfala niu kantri nao.

Aesaea 66:8 Iomraidhean Croise

Aesaea 64:4

No eniwan hemi lukim yet enitaem o herem yet enitaem, eni narafala God hu hemi olsem yu, wea hemi save duim olketa bikfala samting fo helpem olketa pipol hu i trastem hem.

Jeremaea 18:13

Dastawe nao Yawe, hemi tok olsem, “!Olketa! Go askem evriwan long wol. ?Hu nao hemi herem nius abaotem kaen ravis samting olsem? Samting ya wea olketa blong Israel i duim hemi olsem wanfala yang gele hemi go olobaot falom ravis wei.

Aposol 2:41

Olketa hu i bilivim toktok blong Pita olketa baptaes nao. An long disfala de ya, samting olsem 3,000 pipol nao olketa joenem seksin blong olketa.

Aposol 21:20

Olketa preisim God nao taem olketa herem toktok blong Pol, an bihaen, olketa tok olsem long hem, “Brata, yu save dat plande taosen Jiu nao olketa biliv long Jisas finis, an olketa evriwan ya olketa falom tumas Lo blong Mosis.

Aposol 4:4

Bat plande pipol hu olketa herem toktok blong tufala, olketa barava bilivim nao. An olketa pipol hu i biliv ya, olketa go kasem samting olsem 5,000 distaem.

1 Korin 2:9

Hemi olsem Buktambu hemi talem finis, “Wanem God hemi mekredi long hem fo olketa hu i lavem hem, hemi samting wea no eniwan hemi lukim o herem kam yet. Hemi samting wea no eniwan hemi tingse bae hemi hapen.”