Aesaea 62:5 - Pijin Bible

⁵ Bae yufala tekem lan blong yufala, olsem wanfala yang boe hemi tekem wanfala yang gele fo kamap waef blong hem. An long sem wei tu, bae God hemi hapi tumas long yufala.

Pijin Deuterocanon

⁵ Bae yufala tekem lan blong yufala, olsem wanfala yang boe hemi tekem wanfala yang gele fo kamap waef blong hem. An long sem wei tu, bae God hemi hapi tumas long yufala.

Aesaea 62:5 Iomraidhean Croise

Nambawan Singsing 3:11

!Kam, yufala woman blong maonten long Saeon! !Kam lukim King Solomon! Hemi werem kraon blong king wea mami blong hem hemi bin putum long hed blong hem, long de wea hemi marit, an hemi hapi an filgud tumas.

Nambawan Singsing 4:8

!Kam, braed blong mi! Yu kam wetem mi. Bae yumitufala goaot from olketa maonten long Lebanon. Bae yumitufala godaon from antap long maonten long Amana, an from antap long tufala maonten long Senia an Hemon, wea olketa wael animol ya laeon an lepad i stap long hem.

Aesaea 62:4

No eniwan bae hemi talem dat Yawe hemi lusim yufala finis. No eniwan bae hemi talem dat lan blong yufala hemi olsem woman wea hasban blong hem hemi lusim finis. Bat niufala nem wea bae olketa kolem long yufala nao, ‘Yawe hemi hapi long yufala’. Lan blong yufala ya bae olketa kolem olsem, ‘Hemi hapi long marit blong hem.’ Bikos Yawe bae hemi hapi long yufala, an bae hemi gohed fo lukaftarem gudfala long lan blong yufala olsem wea wanfala man hemi lukaftarem gudfala long waef blong hem.

Aesaea 65:19

Oltaem, bae mi hapi tumas long taon ya, an mi hapi tu long olketa pipol hu i stap long hem. No eniwan long ples ya bae hemi sore o krae.

Jeremaea 32:41

Bae mi gohed fo hapi olowe nomoa fo duim gudfala samting long olketa, an tingting blong mi hemi strong tumas fo putum olketa moa long disfala lan ya, mekem olketa grou strong.”

Hosia 2:19

“!O Israel! Bae mi mekem yu fo kamap moa olsem waef blong mi fo evritaem olowe nao. Bae mi somaot long yu wea wei blong mi hemi stret olowe, an oltaem mi falom stretfala wei fo jaj. Bae mi tinghevi long yu olowe, an mi sore long yu.

Hosia 2:21

Hem ya nao mesij blong mi Yawe. Long datfala taem, bae mi herem prea blong olketa pipol blong mi long Israel. An bae mi sendem kam ren fo olketa gaden blong olketa, mekem hemi garem plande kaikai, an plande waen an oel long lan ya Jesreel.

Sefenaea 3:17

Yawe God blong yufala, hemi stap wetem yufala, an paoa blong hem hemi save sevem yufala. Bae hemi hapi tumas long yufala. Lav blong hem bae hemi mekem yufala fo stap kuaet. Bae hemi hapi fogud long yufala, go-go hemi singsing long yufala.?

Malakae 3:12

An bikos ples blong yufala hemi barava gud tumas, pipol blong evri kantri bae i talem dat yufala hapi fogud.? Hem nao toktok blong Yawe, hu hemi garem evri paoa.

Hibrus 12:2

Yumi mas gohed fo lukluk go long Jisas, wea hem nao hemi mekem disfala wei fo yumi save biliv, an hem nao hemi lukaftarem biliv blong yumi go-go kasem en long resis blong yumi. Nomata olketa kilim hem dae long kros, hemi hapi fo tingim disfala laef wea bae hemi kasem bihaen. Hemi no tingim disfala dae blong hem long kros, olsem samting fo filsem long hem. An long distaem ya, hemi sidaon nao long raetsaet blong God fo rul wetem hem.