Aesaea 6:9 - Pijin Bible

⁹ Hemi tok olsem long mi, “Yu mas go long olketa pipol ya an talem olketa olsem, ‘Nomata yufala herehere, bae yufala nating heresave nomoa long enisamting, an nomata yufala lukluk, bae yufala nating luksave nomoa long enisamting.’

Pijin Deuterocanon

⁹ Hemi tok olsem long mi, “Yu mas go long olketa pipol ya an talem olketa olsem, ‘Nomata yufala herehere, bae yufala nating heresave nomoa long enisamting, an nomata yufala lukluk, bae yufala nating luksave nomoa long enisamting.’

Aesaea 6:9 Iomraidhean Croise

Provebs 28:5

Olketa man nogud i nating save jaj long stretfala wei, bat olketa hu tinghae long Yawe i savegud long hem.

Aesaea 28:13

Dastawe nao disfala Mesij blong Yawe, bae hemi barava olsem nomoa taem man hemi tisim smolfala pikinini fo talem sem toktok wea hemi gohed fo talem. Hemi sud barava isi fo olketa heresave. Bat nomata olsem, olketa no falom nomoa disfala tising. Dastawe nao olketa foldaon insaet long trap an olketa enemi i holem olketa, an olketa no save ranawe.

Aesaea 29:10

Yawe hemi mekem yufala redi nao fo barava dip slip. Olketa profet nao i olsem ae blong yufala, bat Yawe nao hemi satem disfala ae.

Aesaea 29:13

Yawe hemi tok olsem long mi, “Olketa pipol ya, olketa mekhae nomoa long mi long toktok, bat maen blong olketa hemi barava stap farawe from mi. Wei blong olketa fo mekhae long mi hemi falom nomoa olketa rul blong man.

Aesaea 29:14

Dastawe nao, bae mi duim plande samting wea olketa barava sapraes long hem. Bae mi spoelem waes blong olketa hu i waes, an bae mi finisim tu save blong olketa hu i garem save.”

Aesaea 42:20

Yufala bin lukim finis plande samting, bat yufala nating luksave nomoa long enisamting. Ia blong yufala hemi stap nomoa, bat yufala nating heresave nomoa long enisamting.”

Aesaea 43:8

Yawe hemi tok moa olsem, “Yufala tekem kam olketa pipol blong mi ya, mekem mi kotem olketa. !Olketa garem ae, bat olketa no save luksave long enisamting! !Olketa garem ia, bat olketa no save heresave long enisamting!

Jeremaea 5:21

!Lisin kam gudfala long disfala toktok, yufala krangge pipol hu no save tingting gudfala! Yufala garem ae, bat yufala kanduit luksave long enisamting. Ya, yufala garem ia, bat yufala kanduit heremsave enisamting.

Esikiel 12:2

“Man blong graon. Yu stap long midol long pipol hu i agensim mi. Olketa garem ae, bat les nomoa fo lukluk, an olketa garem ia, bat olketa les nomoa fo lisin, bikos olketa gohed fo agensim mi.

Hosia 1:9

An Yawe hemi tok olsem long Hosia, “Bae yu kolem boe ya, ‘Lo-Ami’, wea hemi minim ‘I no pipol blong mi’, bikos olketa pipol blong Israel i no pipol blong mi, an mi no God wea Mi nao Mi Stap Olowe moa fo olketa.”

Gudnius abaotem Jisas Kraes wea Mak hemi raetem 4:12

Long diskaen wei nao, ‘Nomata olketa lukluk, bae olketa nating luksave nomoa long enisamting. an nomata olketa lisin, bae olketa nating heresave nomoa long enisamting. From diswan nao olketa no save lusim ravis wei blong olketa, an dastawe God hemi no save fogivim olketa tu.’”

Gudnius abaotem Jisas Kraes wea Luk hemi raetem 8:10

Bat Jisas hemi sei, “God hemi bin givim yufala save finis fo luksave long olketa tru samting wea hemi staphaed insaet long kingdom blong God. Bat olketa nara pipol nao mas herem olketa samting ya long tokpiksa nomoa. Long diskaen wei nao, nomata olketa lukluk, bae olketa nating luksave nomoa, an nomata olketa lisin, bae olketa nating heresave nomoa.”

Gudnius abaotem Jisas Kraes wea Jon hemi raetem 12:40

“Mi satem ae blong olketa finis nao, an mi mekem tingting blong olketa fo sat tu. So long distaem, ae blong olketa i no save luksave, an tingting blong olketa i no save minim, an olketa no save kambaek moa long mi, mekem mi save mekem olketa gudbaek moa.”

Leta wea Pol hemi raetem go long sios long Rom 11:8

olsem Buktambu hemi talem, “God hemi mekem maen blong olketa fo no save tingting gud. Kam kasem distaem, ae blong olketa i no save lukluk, an ia blong olketa i no save herehere.”

Diutronomi 29:4

Bat kam kasem distaem, hemi no openem tingting blong yufala, mekem yufala minim olketa samting wea hemi kamap. Hemi no openem ae blong yufala fo luksave long olketa samting ya, an hemi no openem ia blong yufala tu, mekem yufala heremsave.