Aesaea 6:2 - Pijin Bible

² Olketa enjel i stap raonem hem. Olketa evriwan ya i garem siksfala wing, tufala fo kavarem fes blong olketa, an tufala fo kavarem bodi blong olketa, an tufala moa fo flae.

Pijin Deuterocanon

² Olketa enjel i stap raonem hem. Olketa evriwan ya i garem siksfala wing, tufala fo kavarem fes blong olketa, an tufala fo kavarem bodi blong olketa, an tufala moa fo flae.

Aesaea 6:2 Iomraidhean Croise

Jenesis 17:3

Nao Ebram hemi baodaon go-go fes blong hem kasem graon, an God hemi tok olsem long hem,

1 Kings 19:13

Taem profet hemi herem, hemi kavaremap fes blong hem long kaleko blong hem, an hemi goaot fo stanap long frant blong kev ya. Den hemi herem dat Yawe hemi tok kam long hem olsem, “?Elaeja, wanem nao yu duim long hia?”

1 Kings 22:19

Bat profet hemi gohed fo tok olsem, “Lisin kam gudfala long Mesij blong Yawe. Long wanfala spesol drim, mi lukim dat Yawe hemi sidaon long tron blong hem long heven. Olketa enjel blong hem i gohed fo stanap long saet blong hem, samfala long raetsaet an samfala long lefsaet.

1 Kings 6:27

Olketa stanemap tufala kaving long enjel ya insaet long Barava Tambu Rum. Nao en blong wing blong tufala enjel i tasim wol blong rum ya, an nara en blong wing blong tufala enjel i tugeta long midol.

1 Kings 8:7

Nao wing blong tufala enjel ya i ovarem Tambu Boks an tufala spesol stik fo karim hem.

Nehemaea 9:6

Yu nomoa yu Yawe. Yu nomoa mekem heven wetem evrisamting long hem, an wol wetem evrisamting long hem, an si wetem evrisamting long hem. Yu nomoa givim laef long olketa evriwan. An olketa long heven i gohed fo mekem wosip long yu.

Stori abaotem Job 1:6

Wanfala de, taem olketa long heven i kam stanap frant long Yawe, Seitan tu hemi stap long ples ya wetem olketa.

Stori abaotem Job 15:15

Nomata olketa enjel long heven, God hemi no trastem olketa nomoa. Ya, olketa i no klin long ae blong hem.

Stori abaotem Job 4:18

Nomata olketa enjel long heven wea i wakaman blong God, hemi no save trastem olketa tu bikos hemi save dat olketa i no stret.

Sams 103:20

Yufala olketa enjel, yufala strong an garem paoa. Oltaem yufala gohed fo obeim olketa toktok blong Yawe, an yufala gohed fo lisin long olketa samting wea hemi talem. !Yufala ya, yufala mas gohed fo preisim Yawe!

Sams 104:4

Yu yusim win olsem olketa enjel fo karim toktok blong yu, an yu yusim laetning olsem olketa wakaman blong yu.

Sams 18:10

Hemi sidaon antap long wanfala enjel fo flae kam, nao hemi flae kuiktaem kam wetem win taem hemi blou kam.

Sams 89:7

Yu nao yu God wea evri enjel long heven mas fraetem yu an mekhae long yu. Ya, yu nao yu hae tumas winim olketa evriwan. Dastawe nao olketa barava mekhae long yu.

Eksodas 25:20

Bae yu mas mekem wea tufala enjel ya i gohed fo fesim tufala, an wea tufala lukluk godaon long kava ya. An yu mas mekem wea wing blong tufala i spredaot fo go long tufala, mekem wing blong tufala i kavaremap antap long boks ya.

Eksodas 3:6

Mi nao God blong olketa grani blong yu long bifoa, God blong Ebraham, an Aesak, an Jekob.” So Mosis hemi kavaremap fes blong hem, bikos hemi fraet fo luk go long God.

Eksodas 37:9

An hemi mekem tu wea tufala enjel ya i gohed fo fesim tufala, an wea tufala luk godaon long kava ya. An hemi mekem wea wing blong tufala i spredaot go long tufala, mekem wing blong tufala ya i kavaremap antap long boks ya.

Aesaea 6:6

Wanfala long olketa enjel ya hemi go long olta an hemi pikimap wanfala hot sakol long samting fo holem faea an hemi flae kam wetem long mi.

Esikiel 1:11

Olketa evriwan i stretem tufala wing blong olketa long antap, mekem en blong tufala wing blong wanfala hemi tasim en long wing blong narawan. Olketa kavarem bodi blong olketa long nara tufala wing moa wea olketa garem.

Esikiel 1:24

Taem olketa flae, mi herem noes long wing blong olketa hemi here olsem noes blong bikfala wev taem hemi brek antap long rif. An hemi olsem tu noes blong bikfala ami taem olketa faet, an hemi olsem tu voes blong God hu hemi garem evri paoa. Taem olketa stanap kuaet, olketa daonem wing blong olketa.

Esikiel 1:4

Taem mi luk go, mi lukim wanfala bikfala klaod blong saekloun hemi gohed fo kamdaon from not. Bikfala laetning hemi laet kamaot from klaod ya, an skae raonem hemi barava braet fogud. An long ples wea laetning ya hemi gohed fo laet kam long hem, wanfala samting hemi saen tumas kam long hem olsem bras wea hemi saen fogud.

Esikiel 1:6

Bat evriwan long olketa hemi garem fofala fes an fofala wing.

Esikiel 1:9

Evriwan long fofala ya, hemi stretem tufala wing blong hem fo tasim go en long wing blong narawan long tufala saet long hem, wea hemi mekem fofala kona long wanfala skuea. Taem olketa muv go long eni saet, olketa muv olsem wanfala samting nomoa, an no eniwan long olketa hemi tane fo muv long saet wea olketa go long hem.

Esikiel 10:16

an taem olketa goap, evri wil ya i goap wetem olketa tu. An taem olketa stretem wing blong olketa fo flae, olketa wil ya i gohed fo stap saet long olketa.

Esikiel 10:21

Olketa evriwan i garem fofala fes, an fofala wing, an andanit long olketa wing ya olketa garem samting wea hemi luk olsem han blong man.

Daniel 7:10

An faea wea hemi gohed fo kamaot long tron ya, hemi gohed fo ran olsem wanfala riva. Plande taosen pipol wea no eniwan save kaondem i stanap frant long hem, olketa redi fo duim wanem hemi laekem. Taem olketa jaj i sidaon, olketa openem nao olketa kot buk.

Daniel 9:21

Taem mi gohed fo prea yet, enjel Gebriel hu mi bin lukim insaet long fas spesol drim blong mi, hemi flae kamdaon long ples ya wea mi stap long hem. Long taem ya, hemi kolsap long barava taem fo mekem sakrifaes long ivining.

Sekaraea 3:4

Enjel ya hemi tok olsem long olketa wea i stanap raonem hem, ?Yufala tekemaot doti kaleko ya an torowem.? An hemi tok olsem long Josua, ?!Lukim! Mi tekemaot olketa sin blong yu finis. Distaem bae mi givim olketa nambawan kaleko fo yu werem.?

Gudnius abaotem Jisas Kraes wea Luk hemi raetem 1:10

An taem ya evri pipol olketa hipap long aotsaet, an olketa gohed fo prea long taem wea Sekaraea hemi bonem disfala insens ya.

Hibrus 1:7

Nao God hemi tokabaotem olketa enjel olsem, “Mi mekem olketa enjel fo waka olsem win, an mi mekem olketa wakaman blong mi fo waka olsem faea.”

Revelesin 14:6

Nao mi lukim nara enjel moa wea hemi flae antap long skae, an hemi garem Gudnius wea hemi no save finis enitaem. Waka blong hem nao fo talemaot Gudnius ya long evri pipol long wol, olketa long deferen traeb an laen an langguis an kantri.

Revelesin 4:8

Nao fofala animol ya olketa evriwan garem siksfala wing, an olketa garem plande ae wea i stap evriwea long bodi blong olketa, nomata andanit long olketa wing tu. Olowe nomoa long de an naet, olketa no save res bat olketa gohed fo singsing olsem, “God Masta blong yumi, hemi holi tumas an hemi garem evri paoa. Hemi stap olowe bifoa an hemi stap distaem, an bae hemi kambaek moa.”

Revelesin 7:11

Nao olketa enjel stanap raonem disfala tron wetem olketa bikman an fofala animol ya. Olketa nildaon long graon long frant long tron, an olketa gohed fo wosipim God

Revelesin 8:13

Bihaen mi luk go moa, an mi herem wanfala igol wea hemi flae antap tumas, hemi gohed fo singaot bikfala olsem, “!Sore tumas! !Sore tumas! Sore tumas long olketa pipol long wol, bikos taem nara trifala enjel moa olketa bloum trampet blong olketa, bae hemi barava nogud tumas long olketa ya.”