Aesaea 59:5 - Pijin Bible

^5-6 Olketa ravis plan blong yufala, hemi fo spoelem man nomoa ya. Hemi olsem eg blong poesen snek. Taem wanfala eg hemi brek, poesen snek nao hemi kamaot. Bat olketa ravis plan blong yufala ya hemi no save mekem yufala win. Hemi olsem kaleko wea man hemi somap nomoa long string blong spaeda.

Pijin Deuterocanon

^5-6 Olketa ravis plan blong yufala, hemi fo spoelem man nomoa ya. Hemi olsem eg blong poesen snek. Taem wanfala eg hemi brek, poesen snek nao hemi kamaot. Bat olketa ravis plan blong yufala ya hemi no save mekem yufala win. Hemi olsem kaleko wea man hemi somap nomoa long string blong spaeda.

Aesaea 59:5 Iomraidhean Croise

Stori abaotem Job 8:14

Olketa pipol ya i trastem nomoa wanem hemi nating strong nomoa. Hemi save brek isi nomoa olsem string long haos blong spaeda.

Provebs 23:32

Hemi olsem poesen snek i baetem yu, bae yu dae from hem.

Aesaea 14:29

Yawe hemi tok olsem, “!Olketa pipol blong Filistia! !Hemi nogud fo yufala gohed fo hapi olsem! Hemi tru wea stik wea mi bin yusim fo wipim yufala long hem hemi brek nao. !Bat narafala stik hemi stap yet! Hemi olsem wea taem wanfala poesen snek hemi dae, pikinini blong hem hemi laef an hemi poesen snek tu.

Aesaea 34:15

Bae olketa aol i wakem nest blong olketa long ples ya, an bae olketa bonem eg an sidaon antap long hem go-go olketa smolfala aol i kamaot. Ya, bae hemi lukaftarem olketa gudfala andanit long wing blong hem. An bae olketa bikfala igol tu i kam fo stap long ples ya, an bae evriwan i garem merewan fo stap wetem hem.

Matiu 12:34

Yufala ya barava olsem snek ya. Hemi had fo yufala talem eni gud samting ya bikos wei blong yufala hemi ravis tumas. Wanem hemi fulap long maen blong man, hem nao save kamaot long toktok blong hem.

Matiu 3:7

Bat taem Jon hemi lukim dat plande long olketa Farasi an olketa Sadiusi olketa kam long hem from olketa tu i wande fo baptaes, hemi sei long olketa nao, “!Yufala olsem olketa snek ya! ?Waswe, yufala tingse sapos yufala baptaes, bae yufala save ranawe from disfala kros blong God wea bae hemi kam ya?