Aesaea 59:2 - Pijin Bible

² !Hemi no olsem ya! Olketa sin blong yufala nao hemi mekem yufala fo stap farawe from hem. An olketa ravis wei blong yufala nao hemi satem hem from yufala, dastawe nao hemi no lisin kam long yufala.

Pijin Deuterocanon

² !Hemi no olsem ya! Olketa sin blong yufala nao hemi mekem yufala fo stap farawe from hem. An olketa ravis wei blong yufala nao hemi satem hem from yufala, dastawe nao hemi no lisin kam long yufala.

Aesaea 59:2 Iomraidhean Croise

Provebs 15:29

Yawe hemi farawe tumas fo herem ravis man, bat hemi herem prea blong stretfala man.

Aesaea 1:15

“Sapos yufala liftimap han blong yufala fo prea kam long mi, bae mi tanem fes blong mi from yufala. Nomata yufala mekem staka prea kam long mi, bae mi no save lisin long yufala bikos yufala gohed fo duim olketa ravis samting olsem wea han blong yufala hemi fulap finis long blad.

Aesaea 50:1

Yawe nao hemi tok moa olsem, “Olketa pipol blong mi. ?Waswe, yufala tingse mi bin les nomoa long yufala, olsem man hu hemi divosim waef blong hem? ?Wea nao olketa pepa fo somaot divos ya? ?Yufala tingse mi bin salem yufala nomoa fo olketa pipol long narafala kantri, olsem man hu hemi salem olketa pikinini blong hem fo waka olsem slev long narafala kantri? !Nomoa nao! Olketa bin fosim yufala fo lusim lan blong yufala an go long narafala kantri bikos yufala bin sin tumas, an mi les long yufala bikos wei blong yufala hemi barava nogud tumas.

Aesaea 57:17

Mi bin kros long yufala bifoa, bikos yufala bin gohed fo sin an gridi tumas. Hem nao mi panisim yufala, an mi lusim yufala. Bat nomata olsem, yufala bikhed tumas an falom nomoa olketa nogud wei blong yufala seleva.

Aesaea 58:4

Taem yufala lusim kaikai, yufala save kros kuiktaem tumas. An yufala save gohed nomoa fo raoa an fo faet tu. ?Waswe, yufala tingse diskaen wei fo lusim kaikai wetem kaen tingting olsem bae hemi save mekem mi laek fo lisin long olketa prea blong yufala? Nomoa nao.

Jeremaea 5:25

Olketa sin blong yufala nao i stopem yufala fo no garem olketa gudfala samting ya.

Lamentesin 1:8

Jerusalem hemi olsem woman wea hemi sin tumas, so hemi barava no klin long ae blong God. Hemi stap neket nomoa, an pipol i barava tingdaonem hem nao. Hemi haedem fes blong hem, an sore an krae, bikos hemi barava sem fogud.

Esikiel 39:29

Bae mi putum spirit blong mi insaet long olketa pipol blong Israel, an bae mi no les moa long olketa. Hem nao mesij blong mi Lod Yawe.”

Maeka 3:4

An long wanfala taem, bae yufala kraeaot go long Yawe fo helpem yufala, bat hemi nating ansarem yufala. An bae hemi nating herem prea blong yufala, bikos yufala falom nomoa olketa ravis wei.

Josua 7:11

!Yufala sin nao ya! Yufala bin brekem finis agrimen wea mi bin mekem wetem yufala, an mi bin talem yufala fo obeim. An yufala stilim finis samfala long olketa samting wea i tambu.

1 Samuel 4:3

Taem olketa blong Israel wea i no dae i kambaek long ples blong olketa, olketa lida blong olketa i tok olsem, “?Waswe nao Yawe hemi letem olketa blong Filistia fo winim yumi tude? Yumi mas go long Saelo, mekem yumi karim kam Tambu Boks blong Spesol Agrimen blong Yawe. Taem Tambu Boks hemi stap wetem yumi, hemi save tekemaot yumi from paoa blong olketa enemi blong yumi.”