Aesaea 59:11 - Pijin Bible

¹¹ Mifala fraet tumas, an mifala filnogud tumas tu. Oltaem nomoa, mifala barava laekem yu fo sevem mifala, bat hemi nating hapen.

Pijin Deuterocanon

¹¹ Mifala fraet tumas, an mifala filnogud tumas tu. Oltaem nomoa, mifala barava laekem yu fo sevem mifala, bat hemi nating hapen.

Aesaea 59:11 Iomraidhean Croise

Sams 119:150

Olketa nogud pipol hu i nating save obeim olketa gudfala tising blong yu, olketa kam kolsap nao fo mekem mi safa.

Sams 119:155

Bae yu no sevem olketa nogud pipol ya, bikos olketa no obeim olketa lo blong yu.

Sams 38:8

Mi barava wik fogud an dae blong mi hemi kam kolsap nao. Ya, mi filim bodi blong mi hemi barava soa tumas, hem nao mi krae.

Sams 55:2

Yu lisin kam long mi, an yu ansarem mi. Mi wikdaon finis nao, bikos mi wari tumas.

Sams 85:9

!Hemi tru ya! Hemi redi olowe nomoa fo sevem olketa hu i tinghae long hem, an bae yumi lukim paoa blong hem fo sevem yumi long kantri blong yumi ya.

Aesaea 38:14

Mi krae an krae. Bat krae blong mi hemi wik nomoa, olsem wik voes blong kurukuru. An taem mi luk goap long heven, ae blong mi hemi kamap soa tu. O Masta. !Plis yu helpem mi! Trabol hemi kasem mi nao.

Aesaea 51:20

Yufala gohed fo foldaon olobaot nomoa falom olketa rod long taon, bikos yufala wik tumas. Yufala olsem wanfala dia wea hemi pas insaet long trap. Disfala kros blong Yawe God blong yufala, hemi barava kasem yufala nao.

Aesaea 59:14

Mifala farawe nao from stretfala wei fo jajem pipol, an wanem hemi stret, hemi nating save kam kolsap nao. Man nating save herem nao eni tru toktok, an wei wea man save laea tumas, hem nomoa hemi stap.

Aesaea 59:8

Yufala nating save nomoa long wei blong piis, an yufala no save falom stretfala wei fo jajem pipol. Hemi olsem wea yufala falom nomoa kruket rod, an eniwan hu hemi falom disfala rod hemi no save garem piis.

Aesaea 59:9

Olketa pipol i tok olsem long Yawe, “Distaem, mifala jes save nao wanem hemi stopem yu fo no sevem mifala from paoa blong olketa hu i mekem mifala safa. Mifala laekem tumas fo wakabaot long delaet, bat tudak nomoa hemi stap.

Jeremaea 8:15

Yumi laekem nomoa fo stap gudfala long piis, bat no eni gudfala samting hemi hapen. Yumi laek fo taem hemi kamap wea olketa sik blong yumi hemi finis, bat bikfala trabol nomoa hemi kam kasem yumi, mekem yumi fraet fogud.

Jeremaea 9:1

Hemi moabeta sapos hed blong mi hemi olsem wanfala wel wea hemi fulap long wata, an hemi moabeta sapos ae blong mi hemi olsem wanfala springwata. Den oltaem long de an long naet, mi save krae fo olketa pipol blong mi, wea olketa enemi kilim olketa dae.

Lamentesin 3:17

Mi no save stap moa long piis, an mi fogetem nao wei wea mi save stap gudfala.

Esikiel 7:16

An eniwan wea i laef yet, bae olketa ranawe go antap long olketa maonten, an bae olketa krae long sore fo olketa sin blong olketa, olsem krae blong kurukuru wea i stap long vali.

Hosia 7:14

Olketa prea long mi nomoa long maos blong olketa, bat hemi nating kamaot nomoa long haat blong olketa. Taem olketa gohed fo prea kam long mi, olketa gohed fo krae an torowem olketa seleva daon long graon. Taem olketa prea kam fo mi givim kaikai an waen long olketa, olketa gohed fo katem bodi blong olketa olsem wea olketa hiden pipol i duim. Olsem, olketa gohed fo agensim mi nao ya.

Neiham 2:7

Olketa kasholem kuin an tekemaot olketa kaleko blong hem fo meksem long hem. Olketa karim hem goaot, an olketa wakamere blong hem i krae fogud, olsem kurukuru. Olketa gohed fo hitim sest blong olketa, bikos olketa sore tumas.

Neiham 2:8

Olketa pipol blong Nineve i gohed fo ranawe from taon ya, olsem wata wea hemi ran kamaot from wanfala pul wea hemi brek. An taem olketa bikman i tokstrong long olketa fo stop, no eniwan nao hemi lisin.