Aesaea 58:4 - Pijin Bible

⁴ Taem yufala lusim kaikai, yufala save kros kuiktaem tumas. An yufala save gohed nomoa fo raoa an fo faet tu. ?Waswe, yufala tingse diskaen wei fo lusim kaikai wetem kaen tingting olsem bae hemi save mekem mi laek fo lisin long olketa prea blong yufala? Nomoa nao.

Pijin Deuterocanon

⁴ Taem yufala lusim kaikai, yufala save kros kuiktaem tumas. An yufala save gohed nomoa fo raoa an fo faet tu. ?Waswe, yufala tingse diskaen wei fo lusim kaikai wetem kaen tingting olsem bae hemi save mekem mi laek fo lisin long olketa prea blong yufala? Nomoa nao.

Aesaea 58:4 Iomraidhean Croise

Provebs 21:27

God hemi les long sakrifaes blong ravis man. Hemi les moa sapos man mekem taem i garem ravis tingting.

Aesaea 1:15

“Sapos yufala liftimap han blong yufala fo prea kam long mi, bae mi tanem fes blong mi from yufala. Nomata yufala mekem staka prea kam long mi, bae mi no save lisin long yufala bikos yufala gohed fo duim olketa ravis samting olsem wea han blong yufala hemi fulap finis long blad.

Aesaea 3:14

An distaem hemi stat nao fo jajem olketa bikman an olketa lida blong yumi pipol blong hem, wea hemi talemaot olketa samting agensim olketa olsem, “!Olketa! Oltaem nomoa yufala i spoelem olketa pipol blong mi long wei wea yufala gohed nomoa fo fulumapem haos blong yufala wetem olketa samting wea yufala stilim from olketa pua pipol. Hemi olsem wea yufala spoelem olketa plantesin long grep tri blong mi.

Aesaea 3:15

Hemi barava no stret fo yufala spoelem olketa pipol blong mi, an disfala wei wea yufala step long olketa pua pipol, hemi olsem wei wea yufala skuisimaot wata from olketa grep o krasim wit fo mekem flaoa.” Hem nao mesij blong Lod Yawe hu hemi garem evri paoa.

Aesaea 59:2

!Hemi no olsem ya! Olketa sin blong yufala nao hemi mekem yufala fo stap farawe from hem. An olketa ravis wei blong yufala nao hemi satem hem from yufala, dastawe nao hemi no lisin kam long yufala.

Joel 2:12

Yawe nao hemi tok olsem, “Pipol blong Israel. Nomata olketa trabol ya hemi kasem yufala, yufala mas tanem tingting blong yufala from olketa sin blong yufala an kambaek long mi. Yufala mas somaot diswan long wei wea yufala stop fo no kaikai, an yufala mas sore an krae.

Jona 3:7

Hemi sendemaot toktok blong hem go long olketa pipol blong Nineve wea hemi olsem, “Mi nao mi king blong yufala. An mi wetem olketa bikman blong mi, mifala odarem yumi evriwan, olketa pipol wetem olketa buluka an olketa sipsip blong yumi, bae yumi mas no kaikaim o dringim enisamting.

Matiu 23:13

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala nao i stopem pipol fo no go insaet long kingdom long Heven. Yufala seleva no wari fo go insaet an yufala stopem tu olketa hu i traehad fo go insaet.

Gudnius abaotem Jisas Kraes wea Luk hemi raetem 20:47

An olketa save ravem tu evrisamting blong olketa wido woman. An nomata olsem, olketa save mekem longfala prea fo laea long olketa pipol. !Yufala save, panis blong olketa bae hemi bik tumas moa ya!”

Gudnius abaotem Jisas Kraes wea Jon hemi raetem 18:28

Long eli moning, olketa lusim Kaeafas an olketa lidim Jisas go long bikfala haos blong primia blong Rom nao. Taem ya, olketa bikman blong olketa Jiu olketa stap aotsaet nomoa bikos olketa tingse sapos olketa go insaet, bae olketa no klin nao. Olketa wande fo stap klin, mekem olketa save kaikaim disfala kaikai blong Pasova ya.