Aesaea 57:20 - Pijin Bible

²⁰ Bat olketa ravis pipol i olsem raf si wea hemi no save stap kuaet. Oltaem, taem hemi brek kam long sanbis, hemi gohed fo torowem kam olketa ravis an mad.

Pijin Deuterocanon

²⁰ Bat olketa ravis pipol i olsem raf si wea hemi no save stap kuaet. Oltaem, taem hemi brek kam long sanbis, hemi gohed fo torowem kam olketa ravis an mad.

Aesaea 57:20 Iomraidhean Croise

2 Kings 6:11

Go-go king blong Siria hemi kros tumas, an hemi kolem kam olketa bikman blong hem an hemi tok olsem, “?Hu nao long yufala hemi saetem king blong Israel?”

Aesaea 3:11

!Bat sore tumas long olketa hu i falom ravis wei! Bae Yawe hemi sensimbaek long olketa evri ravis samting wea olketa bin duim.

Aesaea 3:9

Olketa i barava olsem pipol blong bifoa long Sodom. Man save luksave nomoa long fes blong olketa wea olketa no filsem fo sin long ae blong olketa narafala pipol. !Sore tumas long olketa, bikos olketa mekem bikfala trabol long olketa seleva!

Aesaea 48:22

Hem ya toktok blong Yawe. Hemi tok olsem, “Olketa nogud pipol i no save garem piis long laef blong olketa.”

Aesaea 59:8

Yufala nating save nomoa long wei blong piis, an yufala no save falom stretfala wei fo jajem pipol. Hemi olsem wea yufala falom nomoa kruket rod, an eniwan hu hemi falom disfala rod hemi no save garem piis.

Jeremaea 49:23

Hem ya nao mesij wea Yawe hemi talemaot abaotem olketa blong Damaskas. Hemi tok olsem, “Olketa blong tufala taon long Hamat an Apad i herem badnius, nao bae olketa wari an fraet tumas long hem. Olketa filnogud tumas olsem olketa insaet long bot long taem blong biksi.

Jiud 1:12

Taem yufala evriwan gohed fo mekem kaikai tugeta fo somaot dat yufala lavem yufala evriwan tumas, olketa mekem yufala filsem tumas long disfala nogud wei blong olketa. Olketa save tingim olketa seleva nomoa long taem olsem ya. Olketa ya i olsem olketa klaod wea win hemi karim kam nomoa, bat olketa no mekem eni ren fo foldaon. An olketa i olsem olketa tri wea olketa no garem eni frut nomoa, long taem blong olketa. Olketa olsem olketa tri wea olketa wakaman bin pulumaot olketa nomoa an letem olketa fo barava dae nao.

Jiud 1:13

Olketa pipol olsem ya, olowe nomoa yumi save lukim olketa ravis wei blong olketa. Olketa olsem olketa wev long si wea olketa save tekem kam plande ravis samting nomoa olobaot long soa. An olketa olsem olketa sta wea olketa lusim barava ples blong olketa. God hemi makem finis wanfala ples wea hemi tudak tumas, fo olketa stap long hem olowe.