Aesaea 54:2 - Pijin Bible

² “Yufala mas mekem haostent blong yufala fo kamap bikfala moa. An yufala mas mekem olketa rop blong hem fo longfala moa, an hamarem daon olketa stik fo holemtaet olketa rop ya, mekem hemi strong moa.

Pijin Deuterocanon

² “Yufala mas mekem haostent blong yufala fo kamap bikfala moa. An yufala mas mekem olketa rop blong hem fo longfala moa, an hamarem daon olketa stik fo holemtaet olketa rop ya, mekem hemi strong moa.

Aesaea 54:2 Iomraidhean Croise

Jenesis 26:22

Oraet, hemi muvum ples blong hem lelebet moa from ples ya, nao olketa wakaman blong hem olketa digim narafala wel moa, an long taem ya, olketa no raoa moa nao. So hemi kolem wel ya “Rehobot” o “Bikfala ples.” An hemi tok olsem, “Distaem Yawe hemi givim bikfala ples ya long yumi, an bae olketa waka blong yumi long ples ya hemi save gohed gud.”

Eksodas 35:18

An olketa rop blong Tambu Haostent an blong fens blong hem, an olketa samting wea yu hamarem go insaet long graon fo taengem olketa rop.

Eksodas 39:40

Olketa kaleko fo fens raonem Tambu Haostent ya wetem olketa pos blong fens ya an olketa botom blong olketa, an kaleko fo satem doa blong fens ya, an olketa rop blong Tambu Haostent an blong fens blong hem, an olketa samting wea olketa hamarem go insaet long graon fo taengem olketa rop. Olketa narafala samting moa fo yusim long Tambu Haostent fo Mitim God.

Aesaea 26:15

Yawe. Yu bin mekem kantri blong mifala ya fo bikfala moa, an yu muvum spialaen blong evri saet long lan ya fo go farawe moa. Dastawe nao mifala mekhae long nem blong yu.

Aesaea 33:20

Yufala lukim Jerusalem. Hemi ples wea yumi gohed fo holem olketa fist fo mekem wosip. Hemi wanfala gudfala sefples fo stap long hem long piis. Bae hemi olsem wanfala haostent wea no eniwan save pulumaot olketa stik wea hemi holem rop long haostent ya, an rop ya hemi no save brek.

Jeremaea 10:20

Haostent blong mi hemi foldaon finis, an olketa rop fo holemtaet brek tu. Olketa pikinini blong mi i lus, an bae mi no lukim olketa moa. No eniwan hemi stap fo putumap moa haostent ya blong mi.”

Maeka 7:11

Olketa pipol blong Jerusalem. Hemi kolsap kasem taem nao fo bildimbaek moa bikfala wolston blong disfala taon. Long datfala taem, bae lan blong yufala hemi bikfala moa.