Aesaea 52:14 - Pijin Bible

¹⁴ Plande pipol wea i lukim hem, i seke fogud long hem, bikos samting wea hemi kasem hem, hemi barava spoelem bodi blong hem, an hemi nating luk moa olsem man nao.

Pijin Deuterocanon

¹⁴ Plande pipol wea i lukim hem, i seke fogud long hem, bikos samting wea hemi kasem hem, hemi barava spoelem bodi blong hem, an hemi nating luk moa olsem man nao.

Aesaea 52:14 Iomraidhean Croise

Sams 22:15

Strong blong mi hemi finis nao, an tang blong mi hemi drae an hemi pas finis insaet long maos blong mi. An yu bin livim mi fo dae nomoa insaet long dast ya.

Sams 22:17

Mi save lukim nomoa olketa bon blong mi, an olketa enemi blong mi i gohed fo lukstrong long mi, an olketa gohed fo la-laf long mi.

Sams 71:7

Oltaem, laef blong mi hemi wanfala eksampol long plande pipol, bikos yu nao yu strongfala sefples fo mi.

Aesaea 50:6

Taem olketa man i kam fo wipim baeksaet blong mi, mi tekemaot sote blong mi. An taem olketa kam fo tok nogud long mi, an pulumaot biad blong mi an olketa gohed fo spit long ae blong mi, mi nating stopem olketa nomoa.

Matiu 26:67

Bihaen, olketa stat fo spit long fes blong hem an fo ki-kilim hem moa. An samfala man olketa hitim hem long fes blong hem,

Matiu 27:14

Bat Jisas hemi no talem enisamting nomoa, so Paelat hemi barava sapraes fogud nao.

Matiu 7:28

Taem Jisas hemi finisim olketa toktok blong hem, olketa pipol ya olketa sapraes fogud long tising blong hem,

Gudnius abaotem Jisas Kraes wea Mak hemi raetem 10:26

Taem olketa disaepol olketa herem diswan, olketa barava sapraes fogud moa. An olketa sei, “!Maewat! ?Sapos olsem, hu nao bae hemi save kasem tru laef ya?”

Gudnius abaotem Jisas Kraes wea Mak hemi raetem 10:32

Nao taem olketa wakabaot goap long Jerusalem, Jisas hemi wakabaot go fastaem long olketa disaepol blong hem. Olketa disaepol olketa barava sapraes tumas nao long hem. An olketa pipol wea olketa wakabaot kam wetem Jisas tu, olketa fraet. Nao Jisas hemi talem tuelfala disaepol blong hem fo olketa go seleva wetem hem an hemi talem olketa abaotem watkaen samting nao bae hemi kasem hem.

Gudnius abaotem Jisas Kraes wea Mak hemi raetem 5:42

Nao semtaem nomoa, disfala gele wea hemi kasem tuelfala yia finis ya, hemi stanap an stat fo wakabaot go nao. An taem olketa lukim diswan ya, olketa barava sapraes fogud nao.

Gudnius abaotem Jisas Kraes wea Mak hemi raetem 6:51

An hemi go insaet long bot wetem olketa nomoa, an win ya hemi finis nao. Bat olketa disaepol olketa barava sapraes tumas nao,

Gudnius abaotem Jisas Kraes wea Mak hemi raetem 7:37

An evriwan hu i herem nius ya, olketa barava sapraes tumas nao an olketa sei, “!Maewat, evrisamting disfala man hemi duim ya hemi barava gud tumas ya! Nomata olketa hu ia blong olketa i pas fastaem, distaem olketa save herem toktok nao, an olketa pipol wea fastaem olketa no save toktok, distaem olketa save toktok moa.”

Gudnius abaotem Jisas Kraes wea Luk hemi raetem 2:47

An evriwan hu i herem toktok blong hem, olketa barava sapraes tumas long save blong hem an long olketa ansa blong hem.

Gudnius abaotem Jisas Kraes wea Luk hemi raetem 22:64

An olketa taemapem ae blong hem an olketa gohed tu fo askem hem olsem, “?Oraet profet, yu talem long mifala fastaem, hu nao hemi hitim yu?”

Gudnius abaotem Jisas Kraes wea Luk hemi raetem 4:36

Evri pipol barava sapraes tumas nao an olketa tok olsem long midol long olketa seleva, “?Watkaen toktok nao diswan? Hemi toktok olsem man wea hemi garem paoa tumas wea hemi tokstrong long olketa ravis devol olsem ya. !An olketa save goaot falom toktok blong hem tu!”

Gudnius abaotem Jisas Kraes wea Luk hemi raetem 5:26

Nao evri pipol olketa barava sapraes tumas nao, an olketa gohed fo mekhae long God tu. Bat olketa fraet tu an olketa sei, “!Maewat, wanem yumi lukim tude ya, yumi nating lukim bifoa ya!”