Aesaea 50:7 - Pijin Bible

⁷ Bat tok nogud blong olketa ya hemi no save spoelem mi, bikos Lod Yawe hemi helpem mi. Mi barava tingting strong fo duim olketa samting ya. An mi save gudfala wea bae mi no save filsem,

Pijin Deuterocanon

⁷ Bat tok nogud blong olketa ya hemi no save spoelem mi, bikos Lod Yawe hemi helpem mi. Mi barava tingting strong fo duim olketa samting ya. An mi save gudfala wea bae mi no save filsem,

Aesaea 50:7 Iomraidhean Croise

Sams 110:1

Yawe hemi tok olsem long King hu hemi masta blong mi, “Yu sidaon long raet saet blong mi, go-go kasem taem wea mi mekem olketa enemi blong yu fo stap andanit long paoa blong yu.”

Sams 54:6

Lod Yawe, bae mi hapi tumas fo ofarem sakrifaes go long yu. Ya, bae mi tengkiu long yu bikos yu nao yu gud tumas.

Aesaea 29:22

Dastawe nao Yawe hu hemi mekem Ebraham fri an hu hemi God blong yumi long laen blong Jekob, hemi tok olsem, “!Olketa pipol blong mi! Bae yufala no save sem moa, an fes blong yufala bae hemi luk hapi moa.

Aesaea 42:1

Yawe hemi tok moa olsem, “!Olketa! Hem ya nao wakaman blong mi, wea mi gohed fo mekem hem strong. Mi bin siusim hem, an mi hapi tumas long hem. Mi putum finis Spirit blong mi long hem, an bae hemi jajem evri kantri long stretfala wei.

Aesaea 45:17

Bat bae yu sevem mifala fo evritaem olowe nao, an bae mifala no save luk krangge o sem.

Aesaea 49:23

Olketa king bae i olsem olketa dadi blong yufala, an olketa kuin bae i olsem olketa mami blong yufala. Bae olketa baodaon long graon frant long yufala, fo som dat olketa mekhae long yufala. Long taem ya nao bae yufala save, wea mi nao Yawe. Olketa pipol hu i dipen long mi fo mi helpem olketa, bae olketa hapi.

Aesaea 49:8

Yawe nao hemi tok moa olsem long olketa pipol blong hem, “Wakaman blong mi. Long taem wea mi bin makem fo sevem yu, bae mi sore long yu an mi helpem yu long krae blong yu. Bae mi gadem yu, mekem no eni trabol hemi kasem yu. Bae mi yusim yu fo olsem wanfala spesol agrimen wetem evri pipol long wol. An bae mi letem yu fo mekem moa ples fo olketa pipol blong mi long lan blong olketa wea hemi nogud tumas distaem.

Aesaea 50:9

Lod Yawe nao bae hemi helpem mi. No eniwan nao save sei wea mi rong. Olketa hu i tok agensim mi bae i lus finis, olsem kaleko wea kokoros hemi kaikaim finis.”

Aesaea 54:4

“!Yufala no fraet! !No eniwan bae hemi mekem yufala fo sem moa! !An no eniwan bae hemi lukdaon moa long yufala! Bae yufala fogetem finis taem wea yufala bin olsem wanfala yang woman hu hemi olobaot nomoa wetem olketa narafala man, o olsem wanfala wido hu hemi stap seleva an hemi barava laekem tumas fo garem hasban.

Jeremaea 1:18

Bae mi mekem yu strong olsem taon wea hemi garem wolston raonem. Bae mi mekem yu strong olsem wanfala pos wea olketa wakem long aean. Ya, bae yu strong olsem wol wea olketa wakem long bras. Bae yu save stanap agensim olketa king wetem olketa bikman blong olketa, an olketa prist wetem olketa pipol blong Jiuda.

Maeka 1:2

!Lisin kam long toktok blong mi, yufala evri pipol long wol! Lod Yawe hemi witnes agensim yufala. Bae hemi tok kamdaon from haos blong hem long heven.

Gudnius abaotem Jisas Kraes wea Luk hemi raetem 9:51

Hemi kolsap kasem taem fo God bae hemi tekem Jisas gobaek moa long heven. Nao Jisas hemi tingting strong fo go long Jerusalem,

Gudnius abaotem Jisas Kraes wea Jon hemi raetem 16:33

Mi talem olketa samting ya long yufala nao, mekem yufala garem piis taem yufala stap tugeta wetem mi. Taem yufala stap long disfala wol, olketa pipol bae i meksave tumas long yufala. Bat yufala mas no fraet, bikos mi winim disfala wol finis nao.”

Leta wea Pol hemi raetem go long sios long Rom 1:16

Mi nating filsem long disfala Gudnius, bikos hem ya nao paoa blong God fo sevem evriwan hu i biliv long hem. Fastaem, olketa Jiu nao i herem, an bihaen nao, olketa pipol hu i no Jiu herem tu.

Hibrus 13:6

Dastawe yumi garem strong biliv wea yumi save sei olsem, “Masta nao hemi helpem mi, bae mi no save fraet. No eniwan save duim eni nogud samting long mi.”

1 Pita 4:1

Taem Kraes hemi stap yet long disfala wol, hemi safa long bodi blong hem. So yufala tu mas garem semkaen tingting wea hemi garem, mekem yufala stap strong. Bikos eniwan hu hemi safa long bodi blong hem, bae hemi no save falom wei blong sin.

1 Pita 4:16

Bat wea, sapos yufala safa bikos yufala i Kristin, yufala mas no filsem long diswan. Hemi gud fo preisim God bikos yufala garem datfala nem ya.