Aesaea 50:2 - Pijin Bible

² ?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Pijin Deuterocanon

² ?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Aesaea 50:2 Iomraidhean Croise

Jenesis 18:14

Mi nao Yawe ya. ?Yutufala tingse hemi had tumas fo mi mekem enisamting olsem? Mi talem finis, bihaen long meknaen mans long semtaem olsem neks yia, bae mi kambaek fo lukim yutufala moa, an long taem ya, Sera bae hemi garem finis wanfala pikinini boe.”

2 Kronikols 32:15

!Yufala no letem Hesekaea fo laea long yufala olsem! !Yufala no letem hem fo mekem yufala go krangge! !Yufala mas no bilivim hem! !No eni god blong eni kantri hemi bin sevem olketa pipol blong hem from paoa blong mifala! !Mi talem stret long yufala, god blong yufala hemi no save sevem yufala!’”

Sams 106:9

Hemi tok nomoa long Red Si, nao ples ya hemi kamap drae, an hemi lidim olketa pipol blong hem fo katkros go long narasaet.

Sams 107:33

Yawe hemi mekem olketa riva i barava drae, an hemi mekem olketa springwata fo no ran moa, so lan ya hemi kamap drae eria nao.

Eksodas 14:21

Long taem ya, Mosis hemi liftimap han blong hem antap long solwata, an long datfala naet Yawe hemi mekem ist win hemi blou strong, an hemi divaedem solwata ya long tufala haf. Win ya hemi gohed fo blou strong olsem, mekem ples long midol long tufala haf long solwata ya hemi kamap barava drae.

Eksodas 14:29

Bat olketa blong Israel bin wakabaot go nomoa long drae graon long midol long tufala wol ya long solwata, wea i stap long tufala saet blong olketa.

Eksodas 7:18

Nao olketa fis long riva ya bae i dae, an wata ya bae hemi barava smel nogud. An olketa pipol blong yu bae i no save dringim wata ya.”

Eksodas 7:21

Olketa fis long wata ya i dae evriwan, an smel blong wata ya hemi mekem evri pipol long Ijip fo no dringim nao. An long evri ples long kantri ya wea hemi garem wata, blad nomoa hemi stap long hem.

Provebs 1:24

Mi bin gohed fo kolem yufala, bat yufala nating save lisin. Mi askem yufala fo kam, bat yufala les.

Aesaea 11:15

Bae Yawe hemi mekem Red Si fo kamap barava drae, an bae hemi mekem hot win fo blou long Yufretis Riva, go-go hemi barava drae. Bae hemi divaedem riva ya long sevenfala smolfala haf mekem hem isi fo olketa pipol save wakabaot akros long hem.

Aesaea 19:5

(Profet) Long taem ya, bae Nael Riva hemi ran smolfala go-go hemi barava drae.

Aesaea 23:11

Yawe hemi liftimap han blong hem antap long solwata, an hemi spoelem samfala kingdom an hemi haemapem olketa narafala. Hemi tokstrong mekem olketa enemi i kam fo spoelem olketa taon an olketa strongfala sefples long Fonisia.

Aesaea 36:20

!No eni god blong olketa kantri ya save sevem olketa from mi! ?So hao nao Yawe save sevem Jerusalem from paoa blong mi?”

Aesaea 41:28

“Taem mi lukraon, no eniwan long olketa god ya hemi talem enisamting. Ya, no eniwan long olketa save ansarem olketa kuestin wea mi bin askem.

Aesaea 42:15

Bae mi spoelem finis olketa maonten an olketa hil, an bae mi mekem olketa gras an olketa tri fo dae evriwan. Bae mi mekem olketa riva fo kamap drae graon. Ya, bae mi mekem olketa pul fo kamap barava drae.

Aesaea 43:16

(Profet) Yawe nao bin mekem rod fo gotru bikfala si ya, an hemi letem strongfala ami wetem evri hos an kaat blong olketa fo faet, fo go long rod ya. Hemi mekem olketa fo dae, olsem kandol wea hemi dae an no save laet moa. Yawe hu hemi garem paoa fo duim olketa samting ya, hem nao hemi tok olsem,

Aesaea 44:27

Mi save tok nomoa, an dip si an olketa riva tu i kamap drae nao.

Aesaea 51:10

Yu nao yu divaedem si fo kamap drae. An yu nao yu mekem rod botom long si ya. Hem nao olketa pipol wea yu bin mekem olketa fri, save katkros go fo narasaet long drae graon.

Aesaea 54:6

Distaem yufala olsem wanfala yang woman wea hasban blong hem hemi divosim hem, an hemi barava sore tumas. Bat mi Yawe nao bae mi kolem yufala fo kambaek moa long mi.

Aesaea 59:1

(Profet) !Olketa pipol blong mi! Yufala mas no tingse wea Yawe hemi no garem paoa fo sevem yufala, o hemi no herem yufala taem yufala krae go long hem fo hemi helpem yufala.

Aesaea 59:16

Hemi sapraes tumas fo lukim dat no eniwan nao save helpem olketa pipol wea olketa narafala pipol i bin mekem olketa safa. So, bikos Yawe hemi falom olowe nomoa stretfala wei blong hem fo kipim olketa promis blong hem, hemi yusim paoa blong hem fo sevem olketa pipol wea narafala pipol i mekem olketa safa.

Aesaea 64:6

Mifala evriwan nao i sin. Nomata olketa stretfala samting wea mifala duim, oltaem hemi barava nogud nomoa olsem ravis. From diswan nao, mifala olsem nomoa drae lif wea win hemi bloum go.

Aesaea 65:12

Bat bae mi nao mi mekem nogud samting fo hapen long yufala. Bae olketa enemi i kilim yufala dae long faet, bikos taem mi kolem yufala, yufala nating ansarem mi. An taem mi tok long yufala, yufala nating lisin long mi. Oltaem nomoa yufala les fo obeim mi, an yufala gohed nomoa fo duim olketa ravis samting.”

Aesaea 66:4

So, bae mi mekem olketa bikfala trabol wea yufala fraetem tumas fo kasem yufala, bikos taem mi kolem yufala, yufala nating ansarem mi. An taem mi tok long yufala, yufala nating lisin long mi. Oltaem nomoa yufala les fo obeim mi, an yufala gohed nomoa fo duim olketa ravis samting.

Jeremaea 14:9

?Waswe nao yu olsem man wea hemi sek long enemi blong hem, o wanfala soldia wea hemi no garem paoa fo sevem olketa man? Yawe, mifala i spesol pipol blong yu nomoa, an mifala savegud dat yu stap wetem mifala. !Plis, yu no lusim mifala!’”

Jeremaea 35:14

Jonadab, san blong Rekab, hemi tokstrong long olketa pikinini blong hem fo olketa no dringim waen. Nao olketa wetem evriwan wea i bon kam long laen blong hem i gohed nomoa fo obeim toktok ya. Kam kasem tude, olketa long laen ya i no dringim waen, bikos olfala grani blong olketa bin tokstrong long olketa fo no duim. Bat yufala ya, oltaem mi gohed fo talemaot toktok blong mi long yufala, bat yufala no save obeim mi.

Jeremaea 35:15

Plande taem mi bin sendem kam olketa profet hu i wakaman blong mi. Olketa bin gohed fo kam long yufala an talemaot toktok blong mi. Olketa gohed fo tok olsem long yufala, ‘Evriwan long yufala mas lusim olketa ravis wei blong yufala, an falom olketa wei wea hemi stret. Yufala mas no mekem wosip long olketa narafala god. Sapos yufala gohed fo duim olsem, bae yufala save gohed fo stap gudfala long disfala lan wea mi bin givim long olketa olo blong yufala bifoa an long yufala tu.’ Bat oltaem yufala les fo lisin long toktok blong mi, an les fo obeim mi.

Jeremaea 5:1

Yawe hemi tok moa olsem, “Yufala wakabaot go long olketa rod blong Jerusalem, an long evri ples wea olketa pipol save hipap long hem. Sapos yufala faendem wanfala man nomoa hu hemi save tok tru an duim olketa samting long stretfala wei, bae mi fogivim yufala.

Jeremaea 7:13

Long taem wea yufala bin gohed fo duim olketa ravis samting ya, mi bin traem fo toktok long yufala, bat yufala les tumas fo lisin long mi. Mi bin gohed fo kol kam long yufala, bat yufala no ansa nomoa.

Jeremaea 7:27

“Jeremaea. Nomata yu talemaot olketa toktok blong mi long olketa, bat bae olketa les fo lisin long yu. An nomata yu kolem olketa, bae olketa no save ansarem yu.

Jeremaea 8:6

Oltaem mi gohed fo lisingud long yufala, bat yufala gohed fo laea nomoa, yufala kanduit talem tru toktok. No eniwan long yufala hemi save sensim nogud tingting blong hem an askem hem seleva olsem, ‘?Hao nao mi save duim diskaen ravis samting?’ Oltaem nomoa, yufala evriwan gohed fo falom olketa ravis wei, olsem hos wea hemi resis go fo faet.

Daniel 3:15

Oraet, taem yutrifala herem moa saon blong olketa samting ya fo mekem miusik, yutrifala mas baodaon fo wosipim kaving ya. ?Waswe, yutrifala redi nao fo baodaon an wosipim disfala kaving wea mi bin mekem? Sapos yutrifala no laekem, bae olketa torowem yutrifala insaet long disfala bikfala boks wea faea hemi laet bikfala insaet. ?Waswe, yutrifala tingse eni god hemi save sevem yutrifala from paoa blong mi?”

Daniel 3:29

From diswan, tokstrong blong mi hemi olsem nao: Sapos eniwan hemi tok agensim God blong trifala ya, nomata watkaen kantri, o kala, o langguis, bae mi mas pisisim hem dae, an bae mi mas brekemdaon haos blong hem. Bikos no eni narafala god moa hemi save sevem pipol olsem disfala God hu hemi sevem trifala ya.”

Daniel 6:20

Hemi wari tumas long Daniel, an taem hemi kam kolsap long hol ya hemi singaot go long hem olsem, “!Daniel! Yu wakaman blong God hu hemi laef olowe. ?Waswe, God blong yu hemi sevem yu nomoa from olketa laeon ya?”

Daniel 6:27

God ya save sevem man, an hemi gohed fo mekem olketa saen an mirakol long heven an long disfala wol. Hemi sevem Daniel from olketa laeon.”

Hosia 11:2

Bat evri taem mi kolem olketa fo kam long mi, olketa les an go farawe nomoa from mi. Olketa gohed nomoa fo mekem sakrifaes long laea god ya Baal, an bonem insens go long olketa narafala god tu.

Hosia 11:7

Olketa bikhed tumas. Oltaem nomoa olketa les long mi. Nomata olketa luk goap fo kol kam long mi, bat bae mi no helpem olketa.

Neiham 1:4

Hemi save tok long solwata, an hemi kamap drae. Hemi mekem olketa riva tu fo drae. Hemi mekem olketa gudfala graon long Basan hemi drae, an olketa tri long maonten long Kaamel i drae tu. Evri gudfala flaoa long Lebanon tu, hemi mekem olketa dae.

Habakuk 3:8

Lod Yawe. ?Taem yu bin stopem olketa riva an divaedem si, waswe, yu bin kros long olketa ya? !Nomoa nao! Bat yu bin kam olsem soldia long kaat blong hem fo faet, fo helpem olketa pipol blong yu fo win.

Nambas 11:23

Bat Yawe hemi tok olsem, “?Waswe, yu tingse mi wik an mi no save duim? !Bae yu lukim!”

Gudnius abaotem Jisas Kraes wea Mak hemi raetem 4:39

Nao taem ya nomoa, Jisas hemi stanap an tokstrong long win ya olsem, “!Yu mas stop nao!” An hemi sei moa long olketa wev ya, “!Yufala mas kuaet nao!” An taem ya nomoa, win ya hemi stop an wata ya barava kuaet fogud nao.

Gudnius abaotem Jisas Kraes wea Jon hemi raetem 1:11

Hemi kam stap long kantri blong hem, bat olketa wantok blong hem olketa nating hapi wetem hem.

Gudnius abaotem Jisas Kraes wea Jon hemi raetem 3:19

Hao God hemi jajem man hemi olsem, disfala laet hemi kam finis long disfala wol nao, bat olketa pipol nao i no laekem. Olketa laekem nomoa samting insaet long dak ples, bikos evrisamting wea olketa duim hemi ravis tumas.

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.