Aesaea 5:8 - Pijin Bible

⁸ (Profet) !Sore tumas long yufala hu i selfis tumas! Yufala laekem nomoa fo onam plande haos an plande graon mekem olketa narafala pipol no save garem eni ples fo stap long hem, bat bae yufala seleva nomoa i stap long hem. Disfala wei ya hemi barava nogud tumas.

Pijin Deuterocanon

⁸ (Profet) !Sore tumas long yufala hu i selfis tumas! Yufala laekem nomoa fo onam plande haos an plande graon mekem olketa narafala pipol no save garem eni ples fo stap long hem, bat bae yufala seleva nomoa i stap long hem. Disfala wei ya hemi barava nogud tumas.

Aesaea 5:8 Iomraidhean Croise

Stori abaotem Job 15:28

Bat wea, bae hemi stap nomoa long taon wea i bagarap, an long haos wea no eniwan moa i stap long hem, an bae hemi brekdaon.

Stori abaotem Job 20:21

Man olsem, hemi laek fo tekem evrisamting, go-go no enisamting i stap, bat wea, kuiktaem nomoa hapi blong hem bae finis.

Provebs 15:27

Man hemi gridi, hemi mekem trabol kasem famili. Man hemi les fo tekem nila, bae hemi laef.

Esikiel 11:15

“Man blong graon. Yu wetem olketa wantok blong yu an evri narafala pipol blong Israel wea olketa bin fosim yufala fo stap kam long Babilonia, olketa blong yufala hu i stap yet long Jerusalem i gohed fo tingim yufala. Olketa gohed fo tok olsem, ‘Olketa pipol ya i stap farawe tumas from Yawe. Bat yumi ya, Yawe hemi givim finis disfala lan fo yumi.’

Esikiel 33:24

“Man blong graon. Olketa pipol hu i stap long olketa taon ya wea olketa enemi i spoelem finis, i gohed fo tok olsem, ‘Ebraham hemi wanfala man nomoa ya, bat God hemi givim disfala lan long hem. Bat distaem yumi plande fogud, so distaem lan ya hemi mas blong yumi.’

Emos 1:13

Yawe hemi tok olsem, ?Bikos olketa pipol blong Amon i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos taem olketa faet fo tekova long samfala lan moa long Gilead insaet long Israel, olketa kilim dae plande pipol, an bikos long datfala taem tu olketa kasholem olketa babule woman, an katem bele blong olketa mekem olketa dae,

Maeka 2:1

(Profet) !Sore tumas long yufala hu i mekem nomoa olketa ravis plan taem yufala leidaon yet long bed! An long moning, yufala gohed fo duim nao olketa nogud plan blong yufala.

Maeka 2:2

Taem yufala laekem lan blong narafala man, yufala go tekem nomoa. An taem yufala laekem haos blong narafala man, yufala go tekem tu. Long disfala wei, yufala stilim nomoa olketa samting blong olketa pipol, an samtaem yufala stilim famili blong olketa tu.

Habakuk 2:6

(Profet) Olketa pipol blong evri kantri wea Babilonia hemi winim long faet, bae i tingdaonem olketa blong Babilonia an tokspoelem olketa. Bae olketa tok olsem, ?!Sore tumas long yufala hu i gohed fo tekem staka samting wea i no blong yufala! ?Hao long nao bae yufala gohed fo fosim olketa narafala pipol fo givim bikfala seleni long yufala, mekem yufala save kamap ris??

Matiu 23:13

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala nao i stopem pipol fo no go insaet long kingdom long Heven. Yufala seleva no wari fo go insaet an yufala stopem tu olketa hu i traehad fo go insaet.