Aesaea 5:20 - Pijin Bible

²⁰ !Sore tumas long yufala hu i talem dat olketa nogud samting hemi gud an olketa gudfala samting hemi nogud! Tingting blong yufala hemi nogud tumas nao. !Yufala tingse tudak hemi laet an laet hemi tudak, an yufala tingse olketa suit samting hemi saoa an olketa saoa samting hemi suit!

Pijin Deuterocanon

²⁰ !Sore tumas long yufala hu i talem dat olketa nogud samting hemi gud an olketa gudfala samting hemi nogud! Tingting blong yufala hemi nogud tumas nao. !Yufala tingse tudak hemi laet an laet hemi tudak, an yufala tingse olketa suit samting hemi saoa an olketa saoa samting hemi suit!

Aesaea 5:20 Iomraidhean Croise

Stori abaotem Job 17:12

Olketa fren blong mi i talem dat mi stap long delaet, taem hemi tudak nomoa. Olketa talem dat delaet hemi kolsap kam nao, bat mi lukim daknes nomoa.

Eksodas 23:7

An yufala mas no laea agensim narafala man long kot. An yufala mas no kilim dae man fo panisim hem sapos hemi stretfala man wea hemi no duim eni rong samting, bikos wei ya hemi barava nogud tumas, an bae mi no save fogivim olketa hu i duim olsem.

Provebs 17:15

Sapos jaj hemi letem man nogud hemi gofri, o mekem gudfala man hemi panis, Yawe hemi les long tufala wei ya.

Provebs 4:17

Wei nogud an wei fo faet nao i olsem kaikai an dring blong olketa.

Aesaea 24:9

Hem nao mi nating lukim eni man hemi dringim waen an singsing olsem bifoa. An taem olketa dringim bia, hemi saoa tumas long olketa nao.

Aesaea 29:21

olsem olketa hu i talem laea toktok agensim olketa narafala pipol long kot, an olketa hu i laea mekem stretfala man save lus long kot, olketa ya nao bae Yawe hemi barava panisim olketa.

Aesaea 30:10

Oltaem olketa pipol ya i save tok olsem long olketa profet blong mi, ‘!Yufala profet mas stop fo lukim olketa spesol drim! !Yufala mas stop fo somaot disfala stretfala wei long mifala! !Yufala mas talemaot nomoa wanem mifala laek fo herem! Ya, mifala laek fo herem nomoa olketa naes toktok.

Aesaea 32:5

Bae pipol i no tinghae moa long olketa krangge pipol an no mekhae moa long olketa man fo laea.

Esikiel 13:19

Yufala gohed nomoa fo spoelem nem blong mi long ae blong olketa pipol blong mi, an yufala tekem lelebet kaikai nomoa fo pei blong yufala. Yufala gohed fo laea long olketa pipol blong mi, nao olketa gohed fo bilivim yufala nomoa. Hemi olsem wea yufala kilim dae olketa hu mas no dae, an olketa hu i mas dae, yufala kipim olketa laef nomoa.

Emos 5:7

!Yufala hu i spoelem olketa stretfala wei blong pipol an sensim long olketa barava ravis wei blong yufala, yufala lisin kam long mi!

Maeka 3:2

Bat yufala barava les long stretfala wei ya, an yufala laekem tumas fo falom nomoa olketa ravis wei. Yufala gohed fo ravem olketa pipol blong mi, olsem wea yufala aotem skin blong pipol wea i laef yet, an gohed fo pisisim an aotem mit from bon blong olketa.

Habakuk 1:4

Pipol no falom olketa tising blong yu, an olketa nating falom stretfala wei blong yu fo jaj. Olketa nogud pipol i gohed fo sensim stretfala wei ya fo ravis wei. Hem nao olketa gohed fo tekova from olketa stretfala pipol.

Malakae 2:17

(Profet) Olketa toktok blong yufala mekem Yawe fo les. Bat yufala gohed fo ask olsem, ??Hao nao olketa toktok blong mifala mekem hem les?? Bikos yufala talem dat Yawe hemi hapi nomoa long man hu hemi duim olketa ravis samting. An yufala gohed fo tok olsem, ??Waswe nao disfala God no jajem pipol long stretfala wei??

Malakae 3:15

An yufala gohed fo talem dat olketa praod pipol nao i hapi, an olketa nogud pipol i garem gudfala laef. Yufala talem tu dat mi no panisim nomoa olketa hu i agensim mi.?

Gudnius abaotem Jisas Kraes wea Luk hemi raetem 16:15

So Jisas hemi talem olketa olsem, “Yufala save traehad fo mekem olketa pipol fo tinghae long yufala, bat God hemi save nomoa long maen blong yufala. Bikos wanem yufala olketa pipol i tingse hemi bikfala samting tumas, long ae blong God hemi olsem samting nating nomoa ya.”

Diutronomi 25:1

“Taem tufala man i raoa, tufala mas go long kot fo stretem. Nao jaj bae hemi talemaot hu nao hemi stret, an hu nao hemi fitim fo garem panis.

2 Pita 2:1

Bifoa, plande laea profet nao olketa kamap long olketa pipol blong Israel. An long sem wei tu, bae olketa laea tisa kamap long yufala. Bae olketa talemaot olketa laea tising wea i save spoelem biliv blong yufala. An nomata Masta hemi sevem olketa from sin, bae olketa tanem baeksaet blong olketa moa long hem. An from olketa samting ya nao, bae olketa spoelem olketa seleva kuiktaem nomoa.