Aesaea 5:10 - Pijin Bible

¹⁰ Nomata tenfala eka long grep tri blong yufala, bat bae yufala kasem nomoa tuenti lita waen. An nomata tenfala baeg sid blong wit wea yufala plantem, bat bae yufala tekem nomoa wanfala baeg wit long hem.”

Pijin Deuterocanon

¹⁰ Nomata tenfala eka long grep tri blong yufala, bat bae yufala kasem nomoa tuenti lita waen. An nomata tenfala baeg sid blong wit wea yufala plantem, bat bae yufala tekem nomoa wanfala baeg wit long hem.”

Aesaea 5:10 Iomraidhean Croise

Eksodas 37:22

Olketa hamarem Spesol Frem ya wetem olketa flaoa an olketa brans long wanfala pis gol nomoa.

Aesaea 32:13

An bae yufala gohed fo sore an krae bikos olketa nilagras an olketa ravis gras i kavaremap finis lan blong olketa pipol blong mi, an yufala krae fo evri haos wea bifoa olketa pipol bin hapi tumas insaet.

Aesaea 7:23

“Long datfala taem, olketa gudfala plantesin long grep tri wea olketa garem bikfala seleni long hem, bae olketa nilagras an bus nomoa hemi grou long hem.

Jeremaea 48:33

Olketa gaden an frut tri blong Moab i nambawan, bat no eniwan hemi stap moa long hem hu hemi save singaot fo hapi. Mi mekem finis wea no eniwan save wakem waen. No eniwan nao hemi stap fo singsing long taem olketa waka. Pipol i singaot bikfala, bat i no fo hapi.

Joel 1:17

Olketa sid wea yufala plantem i dae evriwan, bikos graon hemi drae tumas. An no eni sid nao hemi stap mekem yufala save plantem moa. Olketa stoa haos fo putum olketa kaikai long hem i emti evriwan. Olketa evriwan i foldaon an kamap nogud tumas nao.

Levitikas 26:26

Bae barava hadtaem long hanggre hemi kasem yufala. An tenfala woman nomoa bae i save bekem evri bred blong olketa wantaem insaet long wanfala aven. An taem yufala divaedem lelebet bred ya, bae yufala hanggre nomoa.

Levitikas 27:16

“Sapos eniwan hemi promis fo givim mi wanfala pisgraon blong laen blong hem, den bihaen, hemi laek fo peimaot, oraet, prist mas wakemaot praes blong hem falom haomas sid blong bali wea olketa save plantem long hem. So praes blong hem hemi mas 50 silva seleni fo evri 200 kilo sid wea olketa save plantem long datfala pisgraon.

Hagae 1:6

Yufala gohed fo plantem staka kaikai long olketa gaden blong yufala, bat lelebet kaikai nomoa yufala garem. Yufala gohed fo kaikai, bat kaikai ya hemi no inaf fo yufala. Yufala gohed fo dringim waen, bat waen ya tu hemi no inaf fo mekem yufala hapi. Yufala garem kaleko, bat olketa kaleko ya hemi no inaf fo mekem yufala hot. Olketa wakaman i gohed fo wakahad fo garem seleni, bat seleni wea hemi tekem hemi no inaf. Hemi olsem seleni ya hemi lus long hol long basket blong olketa.?

Hagae 2:16

evritaem yufala go fo tekemaot olketa wit an bali long olketa gaden blong yufala, yufala tingse bae yufala garem 200 kilo, bat wea, yufala garem nomoa 100 kilo. An taem yufala go fo tekem waen long ples blong hem, yufala tingse bae yufala garem 100 lita, bat yufala garem nomoa 40 lita.

Diutronomi 28:38

“Nomata yufala plantem plande sid long olketa bikfala gaden, bae yufala no save tekem plande kaikai long hem, bikos olketa grashopa bae i kaikaim.

Diutronomi 28:39

Bae yufala plantem an lukaotem olketa plantesin blong grep, bat bae hemi no garem plande frut an yufala no save dring waen blong olketa, bikos olketa wom bae i kaikaim.