Aesaea 48:3 - Pijin Bible

³ So Yawe nao hemi tok olsem long yufala, “Longtaem bifoa mi bin talemaot olketa samting wea bae hemi hapen. An seknomoa, mi mekem olketa fo hapen nao.

Pijin Deuterocanon

³ So Yawe nao hemi tok olsem long yufala, “Longtaem bifoa mi bin talemaot olketa samting wea bae hemi hapen. An seknomoa, mi mekem olketa fo hapen nao.

Aesaea 48:3 Iomraidhean Croise

Aesaea 29:5

“Bat bae hemi wos moa fo olketa enemi blong yufala. Bae olketa kamap olsem dast nomoa. Ya, bae olketa kamap olsem drae skin blong wit wea win hemi bloum go.

Aesaea 30:13

Dastawe nao disfala wei blong sin bae hemi kamap olsem wanfala bikfala wolston wea yufala tingse hemi save mekem yufala sef, bat hemi garem bikfala hol long hem an hemi redi nao fo foldaon. No longtaem nomoa bae hemi foldaon nao an hemi brek finis.

Aesaea 37:29

Bikos mi save dat yu praod tumas, an mi save dat yu tok kros tumas long mi, bae mi putum wanfala huk long nous blong yu, an wanfala pis aean long maos blong yu, mekem mi pulum yu gobaek long sem rod wea yu bin kam long hem.

Aesaea 37:7

!Yu no fraet! Bae mi tanem tingting blong hem, mekem hemi gobaek long kantri blong hem taem hemi herem wanfala ripot. An long dea nao, bae mi jes mekem olketa pipol fo kilim hem dae long naef fo faet.”

Aesaea 41:22

Yufala kam long hia an talem kam olketa samting wea bae hemi hapen, mekem mifala save makem taem wea bae olketa samting ya i hapen. Talem kam olketa samting wea hemi bin hapen bifoa, an talemaot kam mining blong olketa samting ya.

Aesaea 41:27

Mi nao mi faswan fo talemaot toktok ya long olketa pipol long Saeon wea hemi olsem, ‘!Olketa kam nao!’ An mi nao mi sendem wanfala man fo talemaot disfala gudnius blong mi.

Aesaea 42:9

!Yufala lukim! Olketa samting mi bin talem dat bae hemi hapen, hemi hapen tru nao. An distaem, bae mi talemaot long yufala abaotem olketa niufala samting, taem hemi no hapen yet.”

Aesaea 43:9

Yufala kolem evri pipol blong olketa narafala kantri fo hipap kam tugeta. ?Hu long olketa god blong olketa ya nao save talemaot olketa samting wea hemi hapen kam bifoa, an olketa samting wea hemi no hapen yet? ?An hu long olketa narafala god ya save talemaot fastaem, olketa samting wea hemi hapen distaem? Letem olketa narafala god ya i somaot dat evri toktok blong olketa hemi save tru.”

Aesaea 45:21

Yufala kam an talemaot olketa toktok blong yufala, olsem insaet long kot. Yufala save toktok tugeta fastaem fo stretem tingting blong yufala. ?Yufala tingse hu nao hemi talemaot olketa samting ya longtaem bifoa olketa jes hapen? ?Waswe, yufala no save? !Mi Yawe nao! Mi God hu mi stret olowe, an mi nao mi sevem yufala. !No eni narafala god moa hemi stap, wea hemi olsem mi!

Josua 21:45

Yawe hemi kipim evri promis wea hemi bin mekem wetem olketa grani blong olketa bifoa. Evri gudfala promis blong hem long olketa hemi kamap tru nao.