Aesaea 48:14 - Pijin Bible

¹⁴ “!Yufala evriwan! Yufala kam tugeta, an lisin gudfala. No eniwan long olketa laea god ya save talemaot fastaem, wea fren blong mi wea mi bin siusim, bae hemi faet agensim olketa blong Babilonia long paoa blong mi. Ya, bae hemi duim wanem mi laekem hem fo duim.

Pijin Deuterocanon

¹⁴ “!Yufala evriwan! Yufala kam tugeta, an lisin gudfala. No eniwan long olketa laea god ya save talemaot fastaem, wea fren blong mi wea mi bin siusim, bae hemi faet agensim olketa blong Babilonia long paoa blong mi. Ya, bae hemi duim wanem mi laekem hem fo duim.

Aesaea 48:14 Iomraidhean Croise

Jenesis 49:1

Jekob hemi kolem olketa pikinini blong hem fo kam long hem, an hemi tok olsem long olketa, “Yufala kam kolsap long mi mekem mi talem yufala olketa samting wea bae hemi kasem yufala.

Jenesis 49:2

Yufala olketa pikinini blong mi Jekob, yufala kam kolsap long mi an lisin gudfala kam long mi Israel. Mi nao dadi blong yufala.”

Aesaea 13:19

Taon ya long Babilon, hemi luknaes tumas winim olketa narafala kapitol long wol, an olketa pipol blong ples ya i praod tumas long hem. Bat Yawe bae hemi barava spoelem taon ya, olsem wea hemi bin spoelem Sodom an Gomora bifoa.

Aesaea 21:9

!Seknomoa, olketa man long hos i kam nao! An wanfala long olketa hemi talemaot dat olketa enemi blong Babilonia i win finis, an kantri ya hemi kamap nogud tumas. Olketa kaving god blong Babilonia tu i foldaon an brek olobaot long graon.”

Aesaea 41:22

Yufala kam long hia an talem kam olketa samting wea bae hemi hapen, mekem mifala save makem taem wea bae olketa samting ya i hapen. Talem kam olketa samting wea hemi bin hapen bifoa, an talemaot kam mining blong olketa samting ya.

Aesaea 43:9

Yufala kolem evri pipol blong olketa narafala kantri fo hipap kam tugeta. ?Hu long olketa god blong olketa ya nao save talemaot olketa samting wea hemi hapen kam bifoa, an olketa samting wea hemi no hapen yet? ?An hu long olketa narafala god ya save talemaot fastaem, olketa samting wea hemi hapen distaem? Letem olketa narafala god ya i somaot dat evri toktok blong olketa hemi save tru.”

Aesaea 44:28

Nomata hemi wanfala hae king, mi nomoa mi talem King Saeras fo lukaftarem olketa pipol long nem blong mi, an bae hemi duim wanem mi laekem. Ya, bae hemi tokstrong long olketa pipol fo bildimbaek moa Jerusalem an Tambuhaos.”

Aesaea 44:7

No eniwan moa hemi olsem mi. No eni narawan moa save talemaot long mi evrisamting wea hemi hapen stat kam long taem wea wol ya hemi no stap yet go-go kasem en long wol. !Ya, no eniwan nao save duim!

Aesaea 45:13

Mi nao mi mekem King Saeras fo duim olketa samting ya wea mi laekem, an fo stretem olketa samting. Bae mi nao mi helpem hem long olketa samting wea bae hemi duim. An bae hemi wakembaek moa taon blong mi Jerusalem. Yufala pipol blong mi hu i waka olsem slev long narafala kantri, bae king ya nao hemi mekem yufala fo kamap fri. No eniwan hemi peim hem o givim eni gudfala samting long hem fo duim disfala samting.

Jeremaea 50:44

“Olsem laeon hemi goaot from ples blong hem kolsap long Jodan Riva, an wakabaot kam long gudfala ples wea olketa sipsip i stap long hem, long sem wei tu, mi bae mi kam, an seknomoa, bae mi mekem olketa blong Babilonia fo ranawe from lan blong olketa. Nao bae mi siusimaot wanfala man wea mi laek fo rul ovarem lan. !No eniwan hemi olsem mi! ?Hu nao save agensim mi? No eni man fo rul hemi garem paoa fo agensim mi.”

Gudnius abaotem Jisas Kraes wea Mak hemi raetem 10:21

Nao Jisas hemi luk go long man ya an hemi lavem hem tumas, so hemi talem hem olsem, “Wanfala samting nomoa yu mas duim. Yu mas go an salem evrisamting blong yu, an givim go seleni long olketa pua pipol. From diswan nao bae yu garem olketa risis moa long heven. An bihaen ya, yu save kam an falom mi.”