Aesaea 46:4 - Pijin Bible

⁴ Ya, bae mi nao mi gohed fo lukaftarem yufala, go-go hea blong yufala hemi kamap waet. Mi nao mi mekem yufala, an bae mi lukaftarem yufala. Bae mi helpem yufala an sevem yufala tu.

Pijin Deuterocanon

⁴ Ya, bae mi nao mi gohed fo lukaftarem yufala, go-go hea blong yufala hemi kamap waet. Mi nao mi mekem yufala, an bae mi lukaftarem yufala. Bae mi helpem yufala an sevem yufala tu.

Aesaea 46:4 Iomraidhean Croise

Sams 48:14

“God ya, hemi God blong yumi. An bae hemi gadem yumi evritaem olowe nao.” (Singsing blong olketa long laen blong Kora.)

Sams 68:19

Yumi mas preisim Masta, hu hemi helpem yumi evri de long olketa trabol wea i kasem yumi. Hem nao God hu hemi sevem yumi.

Sams 71:18

Distaem mi olo finis, an hea blong mi hemi waet nao, plis God, yu no lusim mi. Plis yu stap wetem mi, taem mi talemaot paoa blong yu long evri pipol wea bae i bon kam bihaen long mi.

Sams 71:9

Nomata mi olo finis, plis yu no les long mi. Distaem mi wik finis, so plis yu no lusim mi.

Sams 92:14

Nomata olketa ya i olo finis, olketa strong olowe nomoa olsem olfala tri wea hemi strong an laef yet an hemi gohed yet fo garem plande frut.

Aesaea 41:4

?Hu nao hemi mekem olketa samting ya fo hapen? ?Hu nao hemi planem olketa samting long taem bifoa wol ya hemi stat? Mi Yawe nao mi stap kam fastaem long stat blong evrisamting, an bae mi stap yet taem evrisamting hemi finis. !Mi nao ya!

Aesaea 43:13

Ya, mi nao God hu mi stap fo evritaem olowe. No eniwan save ranawe from paoa blong mi, an no eniwan save sensim olketa samting wea mi duim.” Hem nao mesij blong Yawe.

Aesaea 43:25

“Mi Yawe nao mi God blong yufala. An mi nao mi fogivim yufala, an mi tekemaot olketa sin blong yufala falom wei blong mi. Bae mi no save tingim moa olketa sin blong yufala.

Aesaea 48:12

Yawe hemi tok moa olsem, “!Lisin kam long mi, yufala pipol blong Israel! Mi nao bin siusim yufala, mekem yufala kamap olketa pipol blong mi. Mi seleva nomoa mi God. An mi nao mi faswan bifoa evrisamting, an bae mi laswan tu bihaenem evrisamting.

Malakae 2:16

Hem ya toktok blong Yawe hu hemi God blong Israel. Hemi tok olsem, ?Mi barava heitem disfala wei wea man hemi divosim waef blong hem. Ya, diskaen wei wea man hemi mekem waef blong hem safa, hem nao mi barava heitem.? So, evriwan long yufala mas lukaftarem laef blong hem seleva, an no brekem promis blong hem.

Malakae 3:6

Yawe hu hemi garem evri paoa, hemi tok olsem, ?Mi Yawe nao mi no save sens long enitaem. Dastawe nao no enisamting hemi spoelem yufala finis.

Leta wea Pol hemi raetem go long sios long Rom 11:29

Bikos taem God hemi siusim eniwan an hemi givim gudfala samting long hem finis, bae hemi no save sensim tingting blong hem.

Diutronomi 1:31

an long drae eria. !Yufala lukim finis, olsem taem hemi tekem yumi kamaot from Ijip, no enisamting hemi spoelem yumi long rod kam kasem hia! Hemi lukaftarem yufala barava olsem wanfala dadi wea hemi karim smolfala pikinini blong hem.’

Hibrus 1:12

Bae yu rolemap olketa olsem wanfala sote, olsem wanfala man hemi sensim kaleko blong hem. Bat yu, bae yu stap semsem olowe nomoa, an bae yu no save dae enitaem.”

Hibrus 13:8

Jisas Kraes hemi semsem nomoa, stat kam bifoa an kam kasem distaem an go-go olowe.

Jemes 1:17

Evrisamting wea hemi gud tumas hemi save kamdaon from heven. God nao hemi givim kam olketa gudfala samting, an hemi no save sensim wei blong hem. Olketa samting long skae wea God hemi bin mekem fo saen kam, olketa save sens olowe, bat wei blong God, hemi no save sens.