Aesaea 45:9 - Pijin Bible

⁹ (Profet) !Olketa! !Sore tumas long yufala hu i raoa wetem God hu hemi mekem yufala! Yufala olsem wanfala pis pot wea hemi brek finis, an hemi semsem nomoa olsem olketa narafala pis pot long ravis hip. ?Waswe, yufala tingse graon wea man hemi wakem pot long hem, save tok olsem nomoa long man hu hemi mekem hem, “?Wanem nao yu wakem ya?” ?Waswe, yufala tingse hemi save tok olsem nomoa long man, “!Yu nating save nomoa hao fo mekem pot!”?

Pijin Deuterocanon

⁹ (Profet) !Olketa! !Sore tumas long yufala hu i raoa wetem God hu hemi mekem yufala! Yufala olsem wanfala pis pot wea hemi brek finis, an hemi semsem nomoa olsem olketa narafala pis pot long ravis hip. ?Waswe, yufala tingse graon wea man hemi wakem pot long hem, save tok olsem nomoa long man hu hemi mekem hem, “?Wanem nao yu wakem ya?” ?Waswe, yufala tingse hemi save tok olsem nomoa long man, “!Yu nating save nomoa hao fo mekem pot!”?

Aesaea 45:9 Iomraidhean Croise

Stori abaotem Job 10:9

Yu tingim fastaem, wea yu nao bin mekem mi long graon. ?Waswe, bae yu krasim mi, mekem mi kamap moa olsem dast?

Stori abaotem Job 33:13

?Waswe nao yu tokdaonem God, an talem dat hemi no ansarem komplen blong yu?

Stori abaotem Job 9:12

Hemi save tekem nomoa enisamting wea hemi laekem. An no eniwan save stopem hem. No eniwan save tok olsem long hem, “!Ei! ?Wanem nao yu duim?”

Stori abaotem Job 9:4

God hemi barava waes tumas, an hemi garem evri paoa. An no eniwan save agensim hem, an winim hem.

Provebs 21:30

Waes tingting, gudfala save, an nambawan plan, trifala evriwan no save win agensim Yawe.

Eklesiastes 6:10

Evrisamting wea hemi stap distaem, God nao hemi givim olketa nem long olketa. An yumi save tu abaotem pipol seleva, olsem, yumi no save raoa wetem God hu hemi strong moa winim yumi.

Aesaea 10:15

Bat Yawe hemi tok olsem, “?Waswe, aks hemi save daonem tri, o man hu hemi yusim? ?O soa nao hemi katem log, o man hu hemi holem? ?Waswe, stik nao save holem man, o man nao hemi holem stik?”

Aesaea 29:16

Bat disfala tingting blong yufala ya hemi tanem evrisamting rong nao ya. ?Wanem nao hemi hae moa, pot wea man hemi wakem, o man hu hemi wakem pot ya? ?Yufala tingse samting wea man nao hemi wakem hemi save tok olsem long man ya, “!Ei! !Yu no mekem mi!”? Hemi olsem pot ya nao hemi talem long man hu hemi wakem hem, “!Ei! !Yu barava no save long enisamting ya!”

Aesaea 45:10

!Sore tumas long yufala hu i save tok olsem long dadi o mami blong yufala, “?Waswe nao yutufala mekem mi olsem nomoa ya?”!

Aesaea 64:7

No eniwan long mifala nao hemi prea moa long yu, o hemi go moa long yu mekem yu helpem hem. Mifala gohed nomoa fo sin. Dastawe nao yu lusim mifala finis, an haedem fes blong yu from mifala.

Aesaea 64:8

Lod Yawe. Nomata hemi olsem, yu nao yu Dadi blong mifala. Mifala olsem graon, an yu olsem man hu hemi wakem pot long graon ya. Yu nao yu mekem mifala evriwan long han blong yu.

Jeremaea 18:6

“!Olketa pipol blong Israel! ?Waswe, yufala ting olsem mi no garem raet fo wakem yufala fitim wanem mi laekem, olsem wea man garem raet fo wakem pot long graon fitim wanem hemi laekem? Yufala ya i stap long han blong mi, barava olsem nao disfala graon hemi stap long han blong man fo wakem pot.

Jeremaea 36:29

An yu tok olsem long disfala king blong Jiuda, ‘Yawe nao hemi tok olsem: !King Jehoeakim! Yu bonem datfala buk, an yu gohed fo talem strong olsem, “?Waswe nao profet ya hemi raetem olketa toktok ya, wea king blong Babilonia bae hemi kam spoelem disfala lan, an hemi kilim olketa pipol blong ples ya, wetem olketa animol tu?”

Jeremaea 50:24

“Olketa pipol blong Babilonia. Mi redim wanfala trap fo yufala, an bifoa yufala save, trap ya hemi kasem yufala. Ya, mi kasem yufala olsem, bikos yufala bin gohed fo agensim mi Yawe.

Daniel 4:35

Evri pipol long wol, i olsem nating nomoa long ae blong hem. Ya, evri enjel long heven an evri pipol long wol i stap nomoa andanit long paoa blong hem. No eniwan long wol save agensim hem, an no eniwan save askem hem olsem, ‘?Wanem nao yu duim ya?’

1 Korin 10:22

?O waswe, yumi wande mekem Masta fo joles nomoa? ?An yumi tingse yumi nao strong winim hem? !Nating!