Aesaea 44:7 - Pijin Bible

⁷ No eniwan moa hemi olsem mi. No eni narawan moa save talemaot long mi evrisamting wea hemi hapen stat kam long taem wea wol ya hemi no stap yet go-go kasem en long wol. !Ya, no eniwan nao save duim!

Pijin Deuterocanon

⁷ No eniwan moa hemi olsem mi. No eni narawan moa save talemaot long mi evrisamting wea hemi hapen stat kam long taem wea wol ya hemi no stap yet go-go kasem en long wol. !Ya, no eniwan nao save duim!

Aesaea 44:7 Iomraidhean Croise

Aesaea 19:12

!King! ?Wea nao olketa waes man blong yu mekem olketa save talem yu wanem nao plan wea Yawe hu hemi garem evri paoa, hemi mekem fo Ijip?

Aesaea 41:22

Yufala kam long hia an talem kam olketa samting wea bae hemi hapen, mekem mifala save makem taem wea bae olketa samting ya i hapen. Talem kam olketa samting wea hemi bin hapen bifoa, an talemaot kam mining blong olketa samting ya.

Aesaea 41:23

Talem kam olketa samting wea bae hemi kamap bihaen, mekem mifala save dat yufala nao i god tru. !Kaman! !Yufala duim samting! Yufala mekem mifala fraet an seksek. Hem nao bae mifala save dat yufala nao i god tru.

Aesaea 41:26

?Hu long yufala nao hemi talem dat bae disfala samting save hapen, mekem mifala save dat hemi tru? !Nating nao! !No eniwan long yufala hemi talem eni toktok abaotem, an no eniwan hemi herem yufala talem enisamting!

Aesaea 41:4

?Hu nao hemi mekem olketa samting ya fo hapen? ?Hu nao hemi planem olketa samting long taem bifoa wol ya hemi stat? Mi Yawe nao mi stap kam fastaem long stat blong evrisamting, an bae mi stap yet taem evrisamting hemi finis. !Mi nao ya!

Aesaea 43:12

Mi bin talemaot finis olketa samting wea bae hemi hapen, an mi bin gohed finis fo sevem yufala. No eni narafala god save duim enisamting olsem. Yufala nao i witnes blong mi, fo talemaot dat mi seleva nomoa mi God.

Aesaea 43:9

Yufala kolem evri pipol blong olketa narafala kantri fo hipap kam tugeta. ?Hu long olketa god blong olketa ya nao save talemaot olketa samting wea hemi hapen kam bifoa, an olketa samting wea hemi no hapen yet? ?An hu long olketa narafala god ya save talemaot fastaem, olketa samting wea hemi hapen distaem? Letem olketa narafala god ya i somaot dat evri toktok blong olketa hemi save tru.”

Aesaea 45:21

Yufala kam an talemaot olketa toktok blong yufala, olsem insaet long kot. Yufala save toktok tugeta fastaem fo stretem tingting blong yufala. ?Yufala tingse hu nao hemi talemaot olketa samting ya longtaem bifoa olketa jes hapen? ?Waswe, yufala no save? !Mi Yawe nao! Mi God hu mi stret olowe, an mi nao mi sevem yufala. !No eni narafala god moa hemi stap, wea hemi olsem mi!

Aposol 17:26

Stat kam long wanfala man nomoa, God hemi mekem evri pipol long wol an hemi mekem olketa fo stap long evri ples long disfala wol. Hem seleva hemi bin makem olketa ples blong olketa fo stap an hemi bin makem taem blong olketa.

Diutronomi 32:8

God hu hemi hae tumas, hemi givim lan long olketa deferen pipol fo stap long hem. Hemi makem olketa ples blong olketa laen blong olketa narafala pipol. An hemi makemaot spialaen blong olketa kantri blong olketa narafala pipol falom namba blong olketa god.