Aesaea 44:11 - Pijin Bible

¹¹ Diskaen pipol hu i wosipim olketa yusles kaving olsem, bae olketa sem fogud. Olketa hu i wakem olketa kaving olsem, olketa i man nomoa ya, an olketa nating garem eni paoa. Hemi gud tumas fo olketa mas kam tugeta long kot blong mi. Bae olketa fraet tumas an sem fogud.

Pijin Deuterocanon

¹¹ Diskaen pipol hu i wosipim olketa yusles kaving olsem, bae olketa sem fogud. Olketa hu i wakem olketa kaving olsem, olketa i man nomoa ya, an olketa nating garem eni paoa. Hemi gud tumas fo olketa mas kam tugeta long kot blong mi. Bae olketa fraet tumas an sem fogud.

Aesaea 44:11 Iomraidhean Croise

1 Kings 18:40

Nao Profet Elaeja hemi tok olsem, “!Yufala kasholem evri profet blong Baal, an yufala no letem eniwan fo ranawe!” So olketa kasholem olketa evriwan, an Elaeja an olketa tekem olketa profet ya godaon long vali long Kison Riva, an kilim dae olketa evriwan long dea.

Sams 97:7

Evriwan hu i wosipim olketa tambu kaving an tokpraod long olketa narafala god, bae olketa barava sem fogud, bikos olketa narafala god ya i baodaon nomoa fo wosipim Yawe.

Aesaea 1:29

Bae hemi mekem yufala fo sem fogud bikos yufala wosipim olketa narafala god andanit long olketa tambu ok tri an long tambu gaden blong yufala.

Aesaea 42:17

Bat olketa narafala pipol hu i trastem olketa kaving god, an talem dat hem nao god blong olketa, bae i luk krangge an barava sem fogud.”

Aesaea 44:9

(Profet) Olketa pipol hu i gohed fo wakem olketa kaving god fo wosipim, olketa ya i nating fitim enisamting nao. An olketa kaving ya wea olketa wakem, i barava yusles tu. Olketa pipol hu i wosipim olketa narafala god ya, i blaen an krangge. Bae olketa barava sem fogud.

Aesaea 45:16

Evriwan hu i mekem olketa kaving god, bae olketa luk krangge an sem fogud.

Aesaea 65:13

Dastawe nao Lod Yawe hemi tok olsem, “Bae olketa wakaman blong mi i kaikai, bat bae yufala hanggre nomoa. Bae olketa wakaman blong mi i dring, bat bae yufala dae nomoa fo wata. Bae olketa wakaman blong mi i hapi tumas, bat bae yufala i sem fogud.

Jeremaea 10:14

Evri pipol i krangge. Evri pipol no garem save. Olketa man fo wakem samting long gol, mas sem fogud, bikos olketa god wea olketa wakem, i laea god nomoa. Olketa no garem laef no.

Jeremaea 51:17

Evri pipol i krangge. Evri pipol no garem save. Olketa man fo wakem samting long gol, mas sem fogud, bikos olketa god wea i wakem, i laea god nomoa. Olketa no garem laef long olketa.

Hosia 13:2

Distaem, olketa blong Israel i falom wei blong traeb blong Efrem, an gohed fo sin olowe nomoa agensim Yawe. Olketa gohed nomoa fo wakem kaving long olketa laea god long silva fo wosipim. Olketa kaving ya, man nomoa hemi wakem falom save blong hem. Olketa pipol long olketa narafala kantri raonem olketa i tok olsem, “Olketa blong Israel i kilim pipol dae fo sakrifaesim go long god blong olketa, an kisim olketa kaving god long man buluka nomoa.”

Diutronomi 4:28

An long datfala taem, yufala bae wosipim olketa tambu kaving wea pipol nomoa i wakem. Olketa kaen kaving long timba o ston i nating save lukluk, o herehere, o kaikai, o smelem enisamting.