Aesaea 43:5 - Pijin Bible

⁵ “!Yufala no fraet! Mi stap nomoa wetem yufala. Nomata olketa long laen blong yufala ya i stap farawe kam long ist, o long west, bae mi save tekem olketa nomoa fo kam hom.

Pijin Deuterocanon

⁵ “!Yufala no fraet! Mi stap nomoa wetem yufala. Nomata olketa long laen blong yufala ya i stap farawe kam long ist, o long west, bae mi save tekem olketa nomoa fo kam hom.

Aesaea 43:5 Iomraidhean Croise

Sams 106:47

Yawe, yu nao yu God blong mifala. Plis yu sevem mifala, an tekem mifala aot moa from han blong olketa hiden pipol. Plis yu tekem mifala gobaek long ples blong mifala. Long wei olsem bae mifala save tengkiu long yu, an mifala save preisim holi nem blong yu.

Sams 107:3

Hemi tekem yumi kambaek from olketa narafala kantri long ist an long west an long not an long saot, fo kambaek moa long lan blong yumi.

Aesaea 41:10

So yufala no fraet, an yufala no seksek. Mi nao God blong yufala, an mi stap wetem yufala. Bae mi mekem yufala strong, an bae mi helpem yufala. Ya, bae strongfala raet han blong mi hemi gadem yufala long stretfala wei.

Aesaea 41:14

Nomata yufala blong Israel i wik tumas, yufala mas no fraet, bikos bae mi helpem yufala.” Hem nao mesij blong Yawe, hu hemi Holi God blong Israel an hu hemi mekem yufala fri.

Aesaea 41:8

“Bat yufala olketa pipol blong Israel, hu i bon kam long laen blong fren blong mi Ebraham. Mi nao bin siusim yufala fo kamap wakaman blong mi.

Aesaea 41:9

Mi nao bin tekem yufala kam from evriwea long disfala wol. Hem nao mi tok olsem long yufala, ‘Yufala nao i wakaman blong mi.’ Mi nating les long yufala. Ya, mi nao mi siusim yufala.

Aesaea 43:1

Bat Yawe hu hemi mekem yufala olketa pipol blong Israel, hemi tok olsem, “Yufala no fraet, bikos mi nao mi mekem yufala fri. An mi nao mi kolem nem blong yufala. Yufala pipol blong mi ya.

Aesaea 43:2

Taem trabol hemi kasem yufala olsem wea yufala gotru long dipsi, bae mi stap wetem yufala. An taem yufala garem hadtaem olsem wea yufala gotru long riva wea hemi ran bikfala, bae hemi no save draonem yufala. Ya, taem trabol hemi kasem yufala olsem wea yufala gotru long faea, bae hemi no save bonem yufala.

Aesaea 49:12

Olketa pipol blong mi ya bae i kam from olketa farawe ples, olsem long not an long west, an from taon long Aswan wea hemi stap barava long saot blong Ijip.”

Aesaea 49:18

!Yufala luklukraon an lukim wanem hemi gohed fo hapen! !Olketa pipol blong yufala i hipap nao! !Olketa gohed fo kam hom nao! Mi Yawe nao mi talem disfala mesij long yufala: Mi mekem strongfala promis long yufala, bae yufala hapi tumas long olketa ya, olsem gele wea hemi redi fo marit, hemi hapi long olketa samting wea hemi werem fo mekem hemi luk barava spesol.

Aesaea 54:3

Bae yufala mas muvum olketa spialaen raonem graon blong yufala fo go aotsaet moa. Olketa pipol blong yufala bae i tekembaek olketa graon ya wea olketa narafala kantri i tekova long hem distaem. Olketa emti taon wea olketa pipol bin lusim, bae olketa pipol blong yufala i fulap moa long olketa.

Aesaea 54:7

Fo lelebet taem nomoa mi bin lusim yufala. Bat bae mi tekem yufala fo kambaek moa long mi bikos mi sore tumas long yufala.

Aesaea 61:9

Evri pipol blong olketa narafala kantri bae i savegud long olketa, an save tu long olketa hu bae i bon kam bihaen long olketa. Ya, evriwan hu i lukim olketa, bae i save dat mi Yawe nao mi blesim olketa.”

Aesaea 8:10

Yufala save gohed fo hipap tugeta an mekem olketa plan blong yufala, bat bae hemi no save hapen, bikos God hemi stap wetem mifala.

Jeremaea 23:7

“From samting ya nao, bae taem hemi kam wea man hemi no save tok olsem, ‘Mi mekem disfala strongfala promis long nem blong Yawe hu hemi laef an hu bin tekem olketa blong Israel aot from Ijip.’

Jeremaea 23:8

Bat bae olketa tok olsem, ‘Mi mekem disfala strongfala promis long nem blong Yawe hu hemi laef an hu bin tekem olketa blong Israel aot from datfala kantri long not an from olketa narafala kantri wea hemi fosim olketa fo go long hem.’ An bae olketa stap gudfala long lan blong olketa.” Hem nao mesij blong Yawe.

Jeremaea 29:14

Ya, bae yufala faendem mi, an bae mi tekemaot yufala from olketa kantri wea mi bin fosim yufala fo go long hem. Bae mi tekem yufala kambaek long disfala ples blong yufala.”

Jeremaea 3:18

Long datfala taem tu, olketa blong Jiuda wetem olketa blong Israel bae i joen tugeta long Jerusalem. Ya, bae olketa evriwan i lusim lan long not wea olketa bin fosim yufala fo stap long hem, an kambaek long lan wea mi bin givim finis long olfala grani blong yufala long bifoa.” Hem nao mesij blong Yawe.

Jeremaea 42:11

Distaem yufala fraetem king blong Babilonia, bat yufala mas no fraet. Mi bae mi stap wetem yufala, an sevem yufala from hem.

Jeremaea 51:46

Yufala mas no letem olketa nogud toktok fo mekem yufala fraet, o mekem tingting blong yufala i wikdaon. Evri yia, kaen toktok ya hemi goraon. Bat neks yia deferen toktok ya hemi goraon moa. Olketa pipol gohed fo tokabaotem faet long samfala ples, o wanfala king wea hemi faet agensim narafala king. Bat yufala mas no fraet from olketa toktok ya.

Joel 3:7

Bat, distaem bae mi tekem olketa aot moa from olketa ples wea yufala bin salem olketa go long hem. An bae mi duim semsamting long yufala, olsem wea yufala bin duim long olketa.

Maeka 2:12

Yawe hemi tok olsem, “Olketa blong Israel. Wanfala taem bae hemi kam, wea bae mi tekem olketa evriwan hu i bon kam bihaen long yufala an hu i laef yet, fo kam tugeta moa. An bae mi lukaftarem olketa olsem wea man fo lukaftarem sipsip hemi tekem kambaek olketa sipsip blong hem long fens blong olketa. Bae ples blong yufala hemi fulap moa long pipol, olsem wanfala ples wea hemi garem gudfala gras, wea plande sipsip i stap long hem.”

Sekaraea 8:7

?Mi talem yufala tru nao: Long olketa ples wea olketa enemi i fosim pipol blong mi fo go stap olobaot long hem, long ist an long west, bae mi sevem olketa ya.

Gudnius abaotem Jisas Kraes wea Luk hemi raetem 13:29

Bae olketa pipol olketa kam from evri ples long wol an bae olketa kam fo kaikai tugeta long bikfala fist insaet long kingdom blong God.

Gudnius abaotem Jisas Kraes wea Jon hemi raetem 10:16

Mi garem samfala sipsip tu wea olketa no stap yet insaet long disfala fens. Bae mi mas tekem olketa fo kam insaet tu, an bae olketa heremsave toktok blong mi. Long wei ya nao, bae olketa evri sipsip olketa stap tugeta long wanfala seksin nomoa, an wanfala man nomoa hemi lukaftarem olketa.

Diutronomi 30:3

Sapos hemi olsem, bae Yawe hemi kaen long yufala, an hemi save tekemaot yufala moa from olketa narafala ples wea hemi ronem yufala go long olketa ya.