Aesaea 43:13 - Pijin Bible

¹³ Ya, mi nao God hu mi stap fo evritaem olowe. No eniwan save ranawe from paoa blong mi, an no eniwan save sensim olketa samting wea mi duim.” Hem nao mesij blong Yawe.

Pijin Deuterocanon

¹³ Ya, mi nao God hu mi stap fo evritaem olowe. No eniwan save ranawe from paoa blong mi, an no eniwan save sensim olketa samting wea mi duim.” Hem nao mesij blong Yawe.

Aesaea 43:13 Iomraidhean Croise

Stori abaotem Job 10:7

Yu save finis wea mi nating duim eni nogud samting. An yu save tu wea no eniwan save sevem mi from paoa blong yu.

Stori abaotem Job 34:29

?Waswe, sapos God hemi herem olketa, bat hemi no duim enisamting, hu nao hemi garem paoa fo talem dat hemi rong? ?Sapos God hemi haedem fes blong hem, hu nao save lukim hem? Bat hemi kontrolem olketa pipol an olketa kantri,

Stori abaotem Job 9:12

Hemi save tekem nomoa enisamting wea hemi laekem. An no eniwan save stopem hem. No eniwan save tok olsem long hem, “!Ei! ?Wanem nao yu duim?”

Sams 102:28

Bae yu lukaftarem gudfala olketa pikinini blong mifala. An olketa wea bae i bon kam long laen blong olketa, bae yu lukaftarem olketa tu. (Singsing blong Deved.)

Sams 50:22

“Yufala wea i no save tingim mi, yufala herem kam olketa samting ya. Sapos nomoa, bae mi spoelem yufala finis, an no eniwan bae hemi sevem yufala.

Sams 90:2

God, bifoa long taem wea yu wakem disfala wol an yu no mekem olketa maonten yet, yu bin stap olowe finis. Yu nao yu God, an bae yu gohed fo stap olowe nao.

Sams 93:2

Lod Yawe, bifoa yu mekem evrisamting long disfala wol, yu bin King finis Yu nao yu king hu hemi stap olowe.

Provebs 21:30

Waes tingting, gudfala save, an nambawan plan, trifala evriwan no save win agensim Yawe.

Provebs 8:23

Bifoa, bifoa kam, hemi mekem mi bifoa long stat blong evrisamting long wol.

Aesaea 14:27

Taem Yawe hu hemi garem evri paoa hemi mekem plan blong hem, no eniwan save stopem. An taem hemi liftimap han blong hem fo panisim olketa pipol ya, no eniwan save stopem hem tu.

Aesaea 41:4

?Hu nao hemi mekem olketa samting ya fo hapen? ?Hu nao hemi planem olketa samting long taem bifoa wol ya hemi stat? Mi Yawe nao mi stap kam fastaem long stat blong evrisamting, an bae mi stap yet taem evrisamting hemi finis. !Mi nao ya!

Aesaea 46:10

Longtaem bifoa yet, mi talemaot finis olketa samting wea hemi hapen. Longtaem bifoa, mi talemaot finis olketa samting wea bae hemi hapen bihaen. Mi talem finis dat olketa plan blong mi bae hemi kam tru, an bae mi duim evrisamting wea mi laekem.

Aesaea 46:4

Ya, bae mi nao mi gohed fo lukaftarem yufala, go-go hea blong yufala hemi kamap waet. Mi nao mi mekem yufala, an bae mi lukaftarem yufala. Bae mi helpem yufala an sevem yufala tu.

Aesaea 47:15

From taem wea yu yang nomoa, yu gohed fo duim bisnis wetem olketa ya. Bat olketa no save duim enisamting fo helpem yu. Bae olketa lusim yu an goawe nao. An no eniwan bae hemi stap fo sevem yu.”

Aesaea 48:16

“Yufala kam kolsap long mi, an lisin gudfala long wanem mi talem. Stat kam long bifoa yet, mi nating save tokhaed. Oltaem nomoa mi save mekem olketa toktok blong mi fo kamap tru.” (Profet) Lod Yawe hemi givim finis paoa blong hem long mi, an hemi sendem mi nao fo talemaot olketa toktok blong hem.

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Daniel 4:35

Evri pipol long wol, i olsem nating nomoa long ae blong hem. Ya, evri enjel long heven an evri pipol long wol i stap nomoa andanit long paoa blong hem. No eniwan long wol save agensim hem, an no eniwan save askem hem olsem, ‘?Wanem nao yu duim ya?’

Hosia 2:10

Ya, bae mi aotem olketa kaleko blong hem barava long ae blong olketa man ya wea hemi gohed fo go-go wetem olketa, an talemaot olketa ravis wei blong hem. No eniwan nao bae save sevem hem from paoa blong mi.

Hosia 5:14

Bae mi spoelem finis olketa pipol blong Israel, an bae mi spoelem tu olketa pipol blong Jiuda, olsem laeon hemi pisisim mit wea hemi kaikaim. Bae mi pisisim olketa evriwan, an lusim olketa. An taem mi tekem olketa aot, bae no eniwan nao save sevem olketa.

Maeka 5:2

Yawe hemi tok olsem, “Yufala blong vilij ya long Betlehem, long provins long Efrata long Jiuda. Vilij blong yufala hemi wanfala smolfala vilij nomoa long olketa taon wea i stap raonem yufala. Bat nomata olsem, bae mi mekem wanfala man long traeb blong yufala, fo rul ovarem Israel. Laen blong man ya, hemi wanfala impoten laen wea hemi barava stat kam longtaem bifoa.”

Habakuk 1:12

(Profet) Lod Yawe. Longtaem bifoa evrisamting hemi stat ka-kam kasem tude, yu nao yu God. Yu nomoa yu Holi God blong mi, an bae yu stap fo evritaem olowe. Yawe God blong mi, yu nao yu olsem strongfala Rok wea hemi sefples blong mi. Yu nao yu siusim olketa blong Babilonia an givim paoa long olketa fo panisim mifala.

Nambas 23:20

Yu save, hemi talem mi fo blesim olketa. Hemi blesim olketa finis, mi no save stopem blesing blong hem.

Gudnius abaotem Jisas Kraes wea Jon hemi raetem 8:58

Bat Jisas hemi tok olsem, “Mi talem yufala tru samting nao, taem Ebraham hemi no bon yet, Mi nao Mi Stap Olowe.”

Efesas 1:11

Evrisamting ya, God hemi duim falom plan an tingting blong hem seleva. God hemi falom tingting blong hem, wea hemi siusim yumi bifoa kam yet. Hemi bin siusim yumi fo kamap pipol blong hem wea yumi joen wetem Kraes.

Diutronomi 28:31

Bae olketa narafala man i kam kilim dae olketa buluka blong yufala taem yufala gohed fo lukim, bat bae yufala no save kaikaim mit blong hem. Bae olketa kam stilim dongki blong yufala, an bae olketa no givimbaek long yufala. Bae olketa enemi blong yufala i kam stilim olketa sipsip blong yufala, an bae no eni man save helpem yufala.

Diutronomi 32:39

Yufala mas save. !Mi nomoa mi God! !No eni narafala god hemi stap! Mi save mekem man hemi dae, an mi save mekem man hemi laef. Mi save mekem man hemi garekil, an mi save mekem hem gudbaek moa. No eniwan save stopem olketa samting wea mi duim.

1 Timoti 1:17

God nao hemi King olowe nomoa an hemi no save dae enitaem. No eniwan save lukim hem, bat hem nomoa hemi God. Letem evriwan mekhae long hem an preisim hem olowe, go-go hemi no save finis. Amen.

Hibrus 13:8

Jisas Kraes hemi semsem nomoa, stat kam bifoa an kam kasem distaem an go-go olowe.

Josua 2:2

Taem paramaon sif blong Jeriko hemi herem nius wea tufala man ya i kam insaet long taon fo luksave long ples ya,

Revelesin 1:8

God Masta blong yumi hu hemi garem evri paoa an hu hemi stap olowe bifoa, an hu hemi stap distaem, an hu bae hemi kam, hem nao hemi talem olsem, “Mi nao mi faswan bifoa evrisamting, an bae mi laswan tu bihaen evrisamting ya.”