Aesaea 42:16 - Pijin Bible

¹⁶ Bae mi lidim olketa pipol blong mi hu i blaen fo falom olketa rod wea olketa nating save long hem. Bae mi mekem disfala tudak wea olketa stap insaet long hem fo kamap olsem delaet, an bae mi levolem olketa raf rod fo olketa. Hem nao olketa samting wea mi promis fo duim, an bae mi duim nao wanem mi bin promisim.

Pijin Deuterocanon

¹⁶ Bae mi lidim olketa pipol blong mi hu i blaen fo falom olketa rod wea olketa nating save long hem. Bae mi mekem disfala tudak wea olketa stap insaet long hem fo kamap olsem delaet, an bae mi levolem olketa raf rod fo olketa. Hem nao olketa samting wea mi promis fo duim, an bae mi duim nao wanem mi bin promisim.

Aesaea 42:16 Iomraidhean Croise

Sams 94:14

Yawe bae hemi no lusim olketa pipol blong hem. Ya, bae hemi no save lusim yumi olketa pipol blong hem.

Eklesiastes 1:15

Ya, enisamting wea hemi no stret, yumi no save stretem, an enisamting wea hemi no stap, yumi no save kaontem nao.

Eklesiastes 7:13

Yu mas tingting gudfala abaotem olketa samting wea God hemi duim. Sapos God hemi mekem wanfala samting fo hemi no stret, no eniwan save stretem moa.

Aesaea 26:7

Yawe, yu nao yu stret fogud. An oltaem yu gohed fo stretem wei blong olketa pipol blong yu, an yu gohed fo mekem laef blong olketa hemi smut olowe tu.

Aesaea 29:18

Long datfala taem, olketa hu i iapas bae i heresave long olketa toktok insaet long buk ya. An olketa hu i blaen an bin stap long tudak, bae i save lukluk moa.

Aesaea 29:24

Ya, olketa wea tingting blong olketa hemi olobaot tumas an olketa hu i save komplen, bae olketa save gudfala long mi an bae olketa obeim olketa tising blong mi.”

Aesaea 30:18

Bat Yawe hemi sore yet long yufala, an hemi kaen tumas. Oltaem hemi gohed fo duim olketa stretfala samting. An olketa hu i trastem hem nao i lake.

Aesaea 30:21

Nomata yufala tane go long lef o long raet, bae yufala save herem nomoa voes blong hem wea hemi tok kam olsem bihaen long yufala, “Rod blong mi nao ya. Yufala mas falom.”

Aesaea 32:3

Nao olketa save luksave moa, an olketa save heresave tu.

Aesaea 35:5

Long datfala taem, olketa hu i blaen bae i save lukluk moa, an olketa hu i iapas bae i save here-here moa.

Aesaea 35:8

Wanfala bikfala rod bae hemi stap long ples ya an bae olketa kolem, Holi Rod blong Yawe. Olketa nogud pipol an olketa krangge pipol bae i no wakabaot falom rod ya, bat olketa pipol hu i falom nomoa gudfala wei save falom Holi Rod blong Yawe.

Aesaea 40:4

Evri vali nao yufala mas kavarem, an evri maonten an hil nao yufala mas levolem, an olketa raf ples nao mas kamap levol.

Aesaea 41:17

“Olketa pipol blong mi i krae kam long mi fo help, olsem barava pua man hu hemi laekem tumas fo dring an hemi barava dae fo wata. An mi Yawe, hu mi God blong Israel, bae mi herem prea blong olketa, an mi no save lusim olketa.

Aesaea 41:3

Oltaem hemi ronem olketa, an no enisamting save stopem hem. Hemi go kuiktaem tumas, olsem wea hemi flae nomoa.

Aesaea 45:2

“Bae mi nao mi redim rod fo yu. Olketa had samting wea hemi olsem bikfala maonten wea hemi save stopem yu, bae mi nao mi levolem olketa daon. Bae mi brekem olketa bras geit long bikfala wolston long olketa taon, an bae mi katem olketa bikfala aean, wea olketa lokem long olketa geit ya.

Aesaea 45:7

Mi nao mi mekem delaet an tudak. Ya, mi tu mi save givim gudfala laef an mekem olketa trabol fo kasem pipol. Mi Yawe nao mi duim evrisamting ya.

Aesaea 48:17

Yawe nao, hu hemi Holi God blong Israel an hu hemi mekem yufala fri, hemi tok olsem, “Mi nao Yawe, an mi nao God blong yufala. Mi nao mi tisim yufala mekem yufala kamap gud. An mi lidim yufala long wei wea yufala mas falom.

Aesaea 52:12

Bat bae yufala no nid fo goaot kuiktaem, olsem wea yufala mas ranawe. Bikos Yawe hu hemi God blong yufala long Israel nao bae hemi lidim yufala, an bae hemi gadem yufala long evri saet.

Aesaea 54:13

Bae mi Yawe nao mi tisim yufala evriwan, an bae mi givim gudfala laef an piis long yufala.

Aesaea 58:10

an sapos yufala givim kaikai go long olketa hu i hanggre, an sapos yufala helpem olketa hu i garem trabol, bae mi helpem yufala. “Ya, sapos yufala duim olsem, bae mi mekem disfala tudak wea hemi stap raonem yufala fo kamap olsem delaet long midol long de.

Aesaea 62:12

Long datfala taem, bae pipol i kolem yufala olsem, “Olketa holi pipol blong God” an “Olketa pipol wea Yawe hemi bin mekem olketa fri”. An bae olketa kolem Jerusalem olsem, “Taon wea Yawe hemi laekem tumas” an “Taon wea Yawe hemi kambaek fo stap long hem”.

Hosia 2:14

Yawe hemi gohed fo tok olsem, “Distaem, bae mi tekem disfala woman blong mi gobaek moa long drae eria. An long ples ya nao, bae mi toktok gudfala long hem, mekem hemi ting kambaek moa long mi.

Hosia 2:6

“Bae mi tekem olketa ropnila, an mi wakem wanfala fens raonem disfala woman. Ya, bae mi wakem wanfala bikfala wolston raonem hem fo stopem hem, mekem hemi no save ranawe gobaek moa long olketa ravis wei blong hem.

Emos 5:8

Yawe nao hemi garem paoa. Hemi mekem olketa sta an hemi putum olketa long skae. Hemi mekem tudak fo kamap delaet, an hemi mekem de fo kamap naet. Hemi mekem wata fo goap long skae, an hemi mekem hem kamdaon moa long wol olsem ren. Hemi garem paoa olsem laetning fo spoelem finis olketa strong man blong disfala wol, an fo brekemdaon olketa strongfala sefples blong olketa fo haed long hem. !Ya, nem blong hem nao, Yawe!

Gudnius abaotem Jisas Kraes wea Luk hemi raetem 3:5

Evri vali yufala mas kavaremap, an evri maonten an hil yufala mas levolem evriwan. Olketa rod wea hemi kruket olobaot yufala mas stretem, an olketa rod wea hemi nogud tumas yufala mas mekem gud.

Aposol 26:18

Bae yu mas openem ae blong olketa, mekem olketa save lusim tudak an kam kasem laet, an mekem olketa kamaot from paoa blong Seitan an kam kasem paoa blong God. An taem olketa biliv long mi, bae God hemi save fogivim sin blong olketa, an bae olketa save joen wetem olketa wea God hemi bin siusim olketa finis.’

Efesas 5:8

Bifoa, yufala tu bin stap long tudak, bat distaem yufala blong Masta finis, an yufala stap long laet nao. So yufala mas gohed long wei blong pipol blong laet,

Hibrus 13:5

Yufala mas no lavem seleni tumas, bat yufala mas hapi nomoa long wanem yufala garem, bikos God hemi tok finis olsem, “Bae mi no lusim yu, o les long yu.”

Josua 3:4

Yumi no kasem disfala ples bifoa, so bae olketa som rod long yumi fo falom. Bat yufala mas no go kolsap long Tambu Boks ya. Yufala mas stap farawe from hem, samting olsem wan kilomita.”

1 Pita 2:9

Bat yufala ya, God hemi siusim yufala finis kamap pipol blong hem. Hemi mekem yufala olketa prist blong King, an olketa holi pipol blong hem. Yufala nao olketa pipol blong God, wea hemi siusim fo talemaot olketa gudfala waka wea hemi duim. God hemi kolem yufala finis, an yufala bin kamaot from tudak an kam insaet long gudfala laet blong hem.