Aesaea 41:28 - Pijin Bible

²⁸ “Taem mi lukraon, no eniwan long olketa god ya hemi talem enisamting. Ya, no eniwan long olketa save ansarem olketa kuestin wea mi bin askem.

Pijin Deuterocanon

²⁸ “Taem mi lukraon, no eniwan long olketa god ya hemi talem enisamting. Ya, no eniwan long olketa save ansarem olketa kuestin wea mi bin askem.

Aesaea 41:28 Iomraidhean Croise

Aesaea 46:7

Olketa karim kaving god ya antap long solda blong olketa. Olketa stanemap long wanfala ples, an hemi stanap olowe long ples ya nao, bikos hemi no save muv seleva. An nomata eniwan hemi prea long god ya, bat hemi no save herem hem, an hemi no save helpem hem long taem blong trabol.

Aesaea 50:2

?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Aesaea 59:16

Hemi sapraes tumas fo lukim dat no eniwan nao save helpem olketa pipol wea olketa narafala pipol i bin mekem olketa safa. So, bikos Yawe hemi falom olowe nomoa stretfala wei blong hem fo kipim olketa promis blong hem, hemi yusim paoa blong hem fo sevem olketa pipol wea narafala pipol i mekem olketa safa.

Aesaea 63:5

Mi sapraes tumas fo lukim dat no eniwan hemi kam fo helpem mi. Bat kros blong mi nao hemi strongim mi, mekem mi seleva nomoa mi winim olketa enemi.

Aesaea 65:12

Bat bae mi nao mi mekem nogud samting fo hapen long yufala. Bae olketa enemi i kilim yufala dae long faet, bikos taem mi kolem yufala, yufala nating ansarem mi. An taem mi tok long yufala, yufala nating lisin long mi. Oltaem nomoa yufala les fo obeim mi, an yufala gohed nomoa fo duim olketa ravis samting.”

Daniel 5:8

Taem olketa waes man ya i kam an lukim raeting ya, no eniwan long olketa save ridim, o talemaot mining blong hem long king.