Aesaea 41:12 - Pijin Bible

¹² Sapos yu trae fo faendem olketa enemi, bae yu no save faendem olketa. Ya, olketa hu i faet agensim yu, bae olketa lus finis.

Pijin Deuterocanon

¹² Sapos yu trae fo faendem olketa enemi, bae yu no save faendem olketa. Ya, olketa hu i faet agensim yu, bae olketa lus finis.

Aesaea 41:12 Iomraidhean Croise

Aesaea 17:14

Long naet, olketa mekem yumi fraet an seksek. Bat long moning, olketa lus finis nao. Hem nao wanem bae hemi hapen long olketa pipol hu i kam an spoelem ples blong yumi, an stilim tu evrisamting blong yumi.

Aesaea 29:8

Bae olketa soldia ya i olsem man wea hemi hanggre tumas an hemi drim wea hemi kaikai, bat taem hemi wekap kam hemi hanggre nomoa. Ya, bae olketa i olsem man wea hemi barava dae fo wata, an hemi drim wea hemi dring, bat taem hemi wekap kam hemi wik yet bikos hemi nating dring nomoa. Bae hemi olsem nao fo evri ami blong olketa kantri hu i faet agensim pipol blong Jerusalem.”

Aesaea 34:12

Bae no eniwan long laen blong king hemi stap, an no eni bikman long disfala kantri nao hemi stap fo siusim king.

Aesaea 49:25

“Bat mi Yawe nao mi talem long yufala olsem: !Olketa samting wea bae hemi hapen, hemi olsem nao! Bae mi tekemaot olketa samting wea olketa soldia i holem. An bae mi sevem olketa pipol wea olketa strongman i kipim. Ya, bae mi faetem olketa hu i faetem yufala, an bae mi sevem olketa pikinini blong yufala.

Sefenaea 3:19

Long datfala taem, bae mi panisim olketa hu i bin mekful long yufala. Olketa hu i no save wakabaot gudfala, bae mi sevem olketa. An pipol wea olketa bin fosim olketa fo go stap olobaot long narafala kantri, bae mi tekem kambaek olketa long barava ples blong olketa. Bae mi tekemaot sem blong olketa, an mekem pipol long evri ples i tokhae an tinghae long olketa.