Aesaea 40:22 - Pijin Bible

²² !Yawe nao hemi mekem evrisamting ya! Hem nao hemi rul ovarem disfala wol olsem king hu hemi sidaon long tron blong hem. An long ae blong hem olketa pipol i smol an wik olsem olketa grashopa nomoa. Ya, hemi mekem skae wea hemi waed tumas, olsem man hemi putumap wanfala haostent fo stap long hem.

Pijin Deuterocanon

²² !Yawe nao hemi mekem evrisamting ya! Hem nao hemi rul ovarem disfala wol olsem king hu hemi sidaon long tron blong hem. An long ae blong hem olketa pipol i smol an wik olsem olketa grashopa nomoa. Ya, hemi mekem skae wea hemi waed tumas, olsem man hemi putumap wanfala haostent fo stap long hem.

Aesaea 40:22 Iomraidhean Croise

Jenesis 1:6

God hemi tok moa olsem, “Hemi mas garem wanfala samting olsem bikfala ruf fo stap long midol, fo divaedem wata ya, mekem haf blong hem bae hemi stap antap long hem an narafala haf blong hem bae hemi stap andanit long hem.”

Stori abaotem Job 22:14

Yu tingse, taem hemi wakabaot long skae, hemi no save lukim yumi, bikos bikfala klaod hemi satem hem.

Stori abaotem Job 26:7

Hemi putum skae blong not long wanfala emti ples, an hemi mekem disfala wol stap long ples wea no enisamting i holem hem.

Stori abaotem Job 36:29

No eniwan hemi save hao nao olketa klaod ya i muv. An no eniwan hemi save hao nao tanda hemi bosta long skae long ples wea God hemi stap long hem.

Stori abaotem Job 37:18

?Waswe, long taem olsem, yu save helpem God fo putumap skae long antap olsem wanfala glas wea hemi saen?

Stori abaotem Job 9:8

Hem seleva nomoa hemi mekem olketa samting wea i stap long skae, an hemi step long olketa wev fo mekem dipsi i kuaet.

Sams 104:2

an laet wea hemi stap raonem yu hemi somaot bikfala paoa blong yu ya. Yu bin putumap skae olsem wanfala haostent,

Sams 18:11

Hemi mekem tudak fo haedem hem, an mekem blak klaod blong ren fo stap raonem hem.

Sams 19:4

nomata olsem, toktok blong olketa hemi goaot finis long evri pipol long wol ya, an toktok blong olketa hemi go-go kasem evri ples long wol nao. God hemi mekem ples blong san antap long skae.

Sams 2:4

Yawe hu hemi King hemi gohed fo stap long heven an hemi gohed fo la-laf long olketa ravis plan blong olketa ya.

Sams 29:10

Nomata olketa wata i ran bikfala, Yawe hemi gohed fo rulim olketa. Hemi King an bae hemi gohed fo rul olowe nao.

Provebs 8:27

Mi stap finis bifoa hemi putum skae long barava ples blong hem, an hemi makem ples wea skae hemi kasem long solwata.

Aesaea 19:1

(Profet) Hem ya profesi abaotem Ijip. Hemi olsem: Yawe hemi go long Ijip antap long wanfala klaod wea hemi go kuiktaem. Taem hemi kasem Ijip, olketa laea god i seksek tumas. An olketa pipol blong Ijip tu i fraet fogud.

Aesaea 37:16

“!O Yawe hu yu garem evri paoa! Yu nao God blong mifala long Israel, an bikos yu nao yu king, yu sidaon long tron midol long tufala enjel. Yu nomoa yu tru God, an yu rul ovarem evri kingdom long disfala wol. Yu nao yu mekem skae an disfala graon.

Aesaea 40:15

Long God, evri kantri long wol hemi olsem samting nating nomoa. Ya, evri kantri hemi olsem wanfala drop long wata nomoa, an evri aelan hemi olsem dast nomoa.

Aesaea 40:17

Long ae blong God, evri kantri long wol ya hemi olsem samting nating nomoa. Ya, long hem, evri pipol i olsem samting nating tu.

Aesaea 42:4

Bae tingting blong hem hemi no save wikdaon an hemi no save givap enitaem, go-go kasem taem wea bae hemi mekem stretfala wei blong mi fo stap long wol. An olketa pipol long olketa farawe kantri, bae i weit fo herem tising blong hem.”

Aesaea 42:5

(Profet) Yawe nao hemi God hu hemi putumap skae olsem wanfala haostent. Hem nao hemi mekem graon long disfala wol an kavarem wetem evri gudfala samting. Hemi givim laef fo evri pipol long disfala wol. Yawe nao hemi tok olsem long wakaman blong hem,

Aesaea 44:24

Yawe nao, hu hemi mekem yufala insaet long bele blong mami blong yufala, an hemi mekem yufala fo kamap fri, hemi tok olsem, “Mi nao Yawe an mi nao mi mekem evrisamting. Mi seleva nao mi mekem skae an evrisamting wea hemi stap long hem. An taem mi mekem disfala wol, no eniwan hemi helpem mi.

Aesaea 51:13

?Waswe, yufala fogetem mi nao? Mi nomoa mi mekem yufala. Mi nao mi putum skae long barava ples blong hem, an mi nao mi mekem disfala wol ya. ?Waswe nao yufala fraetem tumas olketa hu i gohed fo mekem yufala safa an olketa hu i redi fo spoelem yufala? Kros blong olketa ya bae hemi no save kasem yufala.

Aesaea 66:1

Yawe nao hemi tok moa olsem, “Heven nao hemi tron wea mi sidaon long hem fo rul, an wol nao hemi ples wea mi putum lek blong mi long hem. ?Waswe, yufala tingse yufala save mekem wanfala haos fo mi stap long hem? ?Yufala tingse yufala save mekem wanfala ples fo mi res long hem? Nomoa nao.

Jeremaea 10:12

God hemi mekem disfala wol long paoa blong hem nomoa. Long waes blong hem, hemi putum wol ya fo stap strong, an long save blong hem, hemi putum skae long ples blong hem.

Sekaraea 12:1

Wanfala profesi: Hem ya nao Mesij blong Yawe abaotem Israel. Yawe hu hemi mekem skae an disfala wol, an givim laef long man, hemi tok olsem,