Aesaea 40:18 - Pijin Bible

¹⁸ ?Hu nao hemi olsem God? ?Waswe, eni kaving god hemi olsem God?

Pijin Deuterocanon

¹⁸ ?Hu nao hemi olsem God? ?Waswe, eni kaving god hemi olsem God?

Aesaea 40:18 Iomraidhean Croise

Stori abaotem Job 40:9

?Waswe, yu tingse yu strong olsem mi? ?Yu save tok bikfala nomoa olsem mi, wea voes blong mi hemi olsem tanda?

Sams 113:5

No eniwan hemi olsem Yawe hu hemi God blong yumi. Hemi King, an hemi sidaon long tron blong hem long antap,

Sams 89:6

Lod Yawe, no eniwan long heven hemi olsem yu. Ya, nomata olketa enjel, wei blong olketa hemi no gudfala nomoa olsem wei blong yu.

Sams 89:7

Yu nao yu God wea evri enjel long heven mas fraetem yu an mekhae long yu. Ya, yu nao yu hae tumas winim olketa evriwan. Dastawe nao olketa barava mekhae long yu.

Sams 89:8

Lod Yawe, yu nao yu God hu hemi garem evri paoa. No eniwan nao hemi garem paoa ya olsem yu. Lod Yawe, yu nomoa save kipim evri promis blong yu.

Eksodas 15:11

“Lod Yawe. ?Waswe, eni god moa hemi olsem yu? Nomoa nao. Yu barava holi tumas. An paoa blong yu evriwan i fraet long hem. Yu gohed fo mekem olketa mirakol, mekem pipol i mekhae long yu. No eni narafala god moa hemi olsem yu.

Eksodas 20:4

“Yufala mas no mekem eni tambu kaving blong enisamting long heven, o long wol, o long solwata, fo wosipim.

Eksodas 8:10

An king hemi ansa olsem, “Oraet, tumoro nao.” Mosis hemi tok olsem, “Hemi gud. Bae mi duim wanem yu laekem, mekem yu save nao dat no eni narafala god stap wea hemi olsem Yawe, God blong mifala.

Eksodas 9:14

Sapos nomoa, distaem bae mi barava spoelem yu, wetem olketa bikman blong yu, an olketa narafala pipol blong yu, mekem yufala save gudfala wea no eni God moa long wol ya hemi olsem mi.

Aesaea 40:25

Hem ya toktok blong God hu hemi holi tumas, “?Hu nao hemi olsem mi?”

Aesaea 44:6

Yawe hu hemi garem evri paoa nao, hemi King blong Israel an hemi mekem yufala fri. Hemi tok olsem, “Mi nomoa mi God. An mi nao mi faswan bifoa evrisamting, an bae mi laswan tu bihaenem evrisamting ya. Ya, no eni narafala god moa hemi stap.

Aesaea 46:5

“?Yufala tingse mi semsem wetem hu ya? ?Waswe, eni narafala god moa hemi olsem mi? !Barava nomoa nao!

Aesaea 46:9

Yufala mas tingim olketa samting wea hemi hapen kam bifoa. An yufala mas save dat mi nomoa mi God, an no eni narafala god moa hemi stap olsem mi.

Jeremaea 10:1

(Profet) !Lisin kam gudfala long disfala Mesij wea Yawe hemi talemaot long yufala pipol blong Israel!

Jeremaea 10:16

God blong yumi long laen blong Jekob hemi no olsem eni narafala god. Hem nomoa hemi mekem evrisamting long disfala wol, an hemi siusimaot yumi blong Israel fo kamap spesol pipol blong hem. Nem blong hem nao Yawe hu hemi garem evri paoa.

Jeremaea 10:6

O Yawe. No eni narafala god moa hemi olsem yu. Nem blong yu hemi hae tumas, an yu garem evri paoa.

Maeka 7:18

Yawe. No eni narafala god hemi olsem yu. Yu panisim olketa pipol blong yu, bat yu fogivim olketa hu i laef yet. Yu no save kros fo longtaem, bikos oltaem yu hapi nomoa fo somaot dat yu tinghevi tumas long mifala.

Aposol 17:29

An from yumi evriwan yumi olketa pikinini blong God, yumi mas no tingim dat God hemi olsem wanfala kaving long gol o long silva o long ston. Hemi no olsem samting wea han blong man an waes blong man i save mekem. Nomoa.

Diutronomi 33:26

Den Mosis hemi tok olsem moa long evriwan long Israel, “!No eni narafala god hemi olsem God blong yufala stretfala pipol blong Israel. Hemi save krosim skae fo helpem yufala, an hemi go long olketa klaod long bikfala paoa blong hem.

Diutronomi 4:15

Mosis hemi gohed fo tok olsem, “Long taem wea Yawe hemi toktok kam long olketa olo blong yufala insaet long faea long maonten long Horeb, olketa nating lukim hem long enisamting bat olketa herem nomoa toktok blong hem. So yufala mas keakea,

Kolosi 1:15

Kraes hu yumi save lukim, hemi wankaen wetem God hu yumi no save lukim. Hem nomoa hemi tru San Blong God, wea hemi hae moa winim evrisamting wea God hemi mekem.

Hibrus 1:3

Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

1 Samuel 2:2

No eniwan hemi holi olsem yu Lod Yawe, an no eni narafala god hemi olsem yu. Yu wanfala strong sefples blong mifala, an mifala no garem eni narawan wea hemi olsem yu.”