Aesaea 38:14 - Pijin Bible

¹⁴ Mi krae an krae. Bat krae blong mi hemi wik nomoa, olsem wik voes blong kurukuru. An taem mi luk goap long heven, ae blong mi hemi kamap soa tu. O Masta. !Plis yu helpem mi! Trabol hemi kasem mi nao.

Pijin Deuterocanon

¹⁴ Mi krae an krae. Bat krae blong mi hemi wik nomoa, olsem wik voes blong kurukuru. An taem mi luk goap long heven, ae blong mi hemi kamap soa tu. O Masta. !Plis yu helpem mi! Trabol hemi kasem mi nao.

Aesaea 38:14 Iomraidhean Croise

Stori abaotem Job 17:3

God, plis yu mekem promis fo helpem mi. Mi no garem eniwan nao fo peimaot mi fo mekem mi fri.

Stori abaotem Job 30:29

Ating voes blong mi hemi krae nogud olsem voes blong wael dog. Ating mi stap seleva nomoa olsem bikfala bed blong drae eria.

Sams 119:82

Mi bin we-weit fo wanem yu promisim long mi go-go mi taet nao. ?Wataem nao bae yu helpem mi?

Sams 143:7

!Lod Yawe, plis yu ansarem mi distaem! Mi kolsap fo barava givap nao. Plis yu no lusim mi, nogud nao mi dae.

Sams 55:2

Yu lisin kam long mi, an yu ansarem mi. Mi wikdaon finis nao, bikos mi wari tumas.

Sams 69:3

Mi gohed fo kolem yu fo helpem mi, go-go mi taet fogud nao, an trot blong mi hemi soa tu. Mi lukluk go long yu fo kam an helpem mi, go-go ae blong mi hemi soa nao.

Aesaea 59:11

Mifala fraet tumas, an mifala filnogud tumas tu. Oltaem nomoa, mifala barava laekem yu fo sevem mifala, bat hemi nating hapen.

Lamentesin 4:17

Yumi tu lukluk had fo eniwan kam helpem yumi. Olsem sekiuriti antap long taoa, yumi weitem disfala kantri wea hemi fren blong yumi fo kam, bat hemi no save help nomoa.

Esikiel 7:16

An eniwan wea i laef yet, bae olketa ranawe go antap long olketa maonten, an bae olketa krae long sore fo olketa sin blong olketa, olsem krae blong kurukuru wea i stap long vali.

Neiham 2:7

Olketa kasholem kuin an tekemaot olketa kaleko blong hem fo meksem long hem. Olketa karim hem goaot, an olketa wakamere blong hem i krae fogud, olsem kurukuru. Olketa gohed fo hitim sest blong olketa, bikos olketa sore tumas.

Neiham 2:8

Olketa pipol blong Nineve i gohed fo ranawe from taon ya, olsem wata wea hemi ran kamaot from wanfala pul wea hemi brek. An taem olketa bikman i tokstrong long olketa fo stop, no eniwan nao hemi lisin.

Hibrus 7:22

Bikos God hemi mekem disfala strongfala promis, yumi save dat Jisas nao hemi mekem wanfala niu spesol agrimen wetem yumi, wea hemi gud moa winim olwan ya.