Aesaea 38:12 - Pijin Bible

¹² Mi tingse laef blong mi hemi finis nao, olsem wea man hemi tekemaot haostent blong hem. Ya, mi tingse laef blong mi hemi finis nao, olsem wea man hemi wakem wanfala pis kaleko, an waka blong hem hemi finis nao, bihaen hemi katem long masin an rolemap. O Yawe. Long de an naet, yu finisim laef blong mi nao.

Pijin Deuterocanon

¹² Mi tingse laef blong mi hemi finis nao, olsem wea man hemi tekemaot haostent blong hem. Ya, mi tingse laef blong mi hemi finis nao, olsem wea man hemi wakem wanfala pis kaleko, an waka blong hem hemi finis nao, bihaen hemi katem long masin an rolemap. O Yawe. Long de an naet, yu finisim laef blong mi nao.

Aesaea 38:12 Iomraidhean Croise

Stori abaotem Job 14:2

Hemi grou kuiktaem olsem flaoa, an hemi dae kuiktaem tu olsem flaoa. Laef blong hem i save lus kuiktaem nomoa olsem sado.

Stori abaotem Job 17:1

Laef blong mi hemi nogud nao, an dae blong mi hemi kam kolsap nao. Grev blong mi hemi redi finis.

Stori abaotem Job 4:20

Man save laef gudfala nomoa long moning, bat hemi save dae kuiktaem nomoa bifoa hemi kasem ivining. An no eniwan hemi save long hem nao.

Stori abaotem Job 6:9

Mi laekem hem fo kilim mi dae. Mi laekem hem fo katemaot laef blong mi.

Sams 102:11

Laef blong mi hemi kolsap fo finis nao olsem sado long ivining wea hemi kolsap fo lus. Ya, mi olsem nomoa gras wea hemi drae finis.

Sams 119:23

Nomata olketa bikman i sidaon fo mekem plan agensim mi, bae mi gohed fo lanem an falom nomoa olketa lo blong yu.

Sams 31:22

Mi fraet fogud, bikos mi tingse yu bin ronem mi aot finis from yu. Bat yu herem nomoa taem mi krae kam long yu fo yu helpem mi.

Sams 90:5

Yu mekem mifala dae kuiktaem nomoa. Ya, mifala stap fo lelebet taem olsem wanfala drim nomoa. Mifala olsem nomoa gras wea hemi grou olobaot.

Aesaea 1:8

Distaem, Jerusalem wetem olketa pipol blong mi hu i stap long hem, hemi stap seleva olsem wanfala smolfala lif haos wea man hemi wakem long gaden blong hem. Jerusalem nao hemi olsem wanfala taon wea olketa enemi i raonem finis.

Aesaea 13:20

Bae no eniwan hemi stap moa long ples ya. Nomata olketa blong Arab i nating save putumap haostent long dea nao. An bae olketa pipol fo lukaftarem sipsip i no save tekem moa olketa sipsip blong olketa long dea.

2 Korin 5:1

Yumi save dat taem disfala bodi blong yumi long wol hemi dae, bae yumi go stap long niu bodi wea God bae hemi givim long yumi long heven. God nao hemi mekem disfala niu bodi, an diswan hemi save stap evritaem olowe nomoa.

2 Korin 5:4

Yumi stap yet long disfala bodi blong yumi long wol, an yumi karihevi an filnogud long hem. Bat yumi no laek fo lusim disfala bodi. Nomoa. Yumi laekem tumas disfala bodi blong heven fo kam kavarem yumi, mekem disfala niu bodi blong laef bae hemi sensim evrisamting blong dae.

Hibrus 1:12

Bae yu rolemap olketa olsem wanfala sote, olsem wanfala man hemi sensim kaleko blong hem. Bat yu, bae yu stap semsem olowe nomoa, an bae yu no save dae enitaem.”

Jemes 4:14

!Sei olketa, no eniwan save wanem nao bae hemi hapen long hem tumoro! Laef blong yumi, hemi olsem smok nomoa wea hemi save kamaot fo lelebet taem, an bihaen hemi lus moa.