Aesaea 37:30 - Pijin Bible

³⁰ “King Hesekaea. Wanfala saen fo yu hemi olsem: Disfala yia bae yufala kaikaim olketa kaikai wea hemi grou seleva nomoa long olketa olfala gaden blong yufala. An neks yia bae yufala kaikaim olketa kaikai wea hemi grouap kam bihaen. Bat long mektri yia, bae yufala save wakem moa gaden fo tekem kaikai long hem, an bae yufala save plantem olketa grep fo kaikaim frut blong hem.

Pijin Deuterocanon

³⁰ “King Hesekaea. Wanfala saen fo yu hemi olsem: Disfala yia bae yufala kaikaim olketa kaikai wea hemi grou seleva nomoa long olketa olfala gaden blong yufala. An neks yia bae yufala kaikaim olketa kaikai wea hemi grouap kam bihaen. Bat long mektri yia, bae yufala save wakem moa gaden fo tekem kaikai long hem, an bae yufala save plantem olketa grep fo kaikaim frut blong hem.

Aesaea 37:30 Iomraidhean Croise

2 Kings 19:29

“King Hesekaea. Wanfala saen fo yu hemi olsem: Disfala yia bae yufala kaikaim olketa kaikai wea hemi grou seleva nomoa long olketa olfala gaden blong yufala. An neks yia bae yufala kaikaim olketa kaikai wea hemi grouap kam bihaen. Bat long mektri yia, bae yufala save wakem moa gaden fo tekem kaikai long hem, an bae yufala save plantem olketa grep fo kaikaim frut blong hem.

2 Kings 20:9

Nao profet hemi tok moa olsem long king, “Bae Yawe hemi mekem wanfala saen fo yu, fo somaot dat bae hemi kipim promis blong hem. ?Waswe, yu laek fo lukim sado long olketa step, hemi muv go? ?Oraet, distaem yu laekem sado ya fo muv gohed tenfala step, o yu laekem hemi muv gobaek tenfala step?”

Eksodas 3:12

So God hemi tok olsem, “Yu no fraet. Bae mi stap wetem yu. An saen fo somaot dat mi sendem yu, hemi olsem: taem yu lidim olketa aot from Ijip, bae yufala kam long disfala maonten fo wosipim mi.”

Aesaea 38:7

Nao profet hemi tok moa olsem long king, “Bae Yawe hemi mekem wanfala saen fo yu, fo somaot dat bae hemi kipim promis blong hem.

Aesaea 65:21

Bae olketa pipol save bildim olketa haos blong olketa, an olketa seleva nao bae i stap insaet. An bae no eniwan save tekova moa long olketa haos ya. An bae olketa save plantem olketa plantesin long grep, an olketa seleva tu bae i dringim waen long hem. Olketa narafala pipol no save kam moa fo tekem from olketa. Olketa pipol wea mi siusim hu i stap long ples ya, bae i laef fo longtaem, olsem olketa tri wea hemi stap fo longtaem. Olketa samting wea olketa seleva i wakahad long hem, bae olketa seleva tu save yusim an hapi long hem.

Aesaea 7:11

Mi tok olsem, “King Ehas. Yawe hemi God blong yumi, an hemi gud tumas sapos yu askem hem fo somaot wanfala saen long yu. Hemi save som saen fo kamdaon from skae o fo kamap from graon.”

Aesaea 7:14

Bae yufala lukim wanfala gele hu hemi babule, an hemi bonem wanfala pikinini boe. An bae hemi kolem hem Imanuel.

Levitikas 25:11

Long disfala Yia, yufala mas no plantem olketa kaikai. An long disfala Yia olketa kaikai wea i grou seleva long olketa olfala gaden blong yufala, yufala mas no tekemaot fo kipim seleva o fo salem. An yufala mas no go karimaot olketa frut blong grep long olketa plantesin blong yufala fo kipim seleva o fo salem.