Aesaea 37:24 - Pijin Bible

²⁴ Mi nao Masta blong yu, bat yu bin sendem olketa pipol blong yu fo tekem mesij fo tok nogud agensim mi. Yu bin tokpraod olsem, ‘Long olketa kaat blong mi fo faet mi bin go antap long olketa maonten, olsem bikfala maonten ya long Lebanon. Mi bin katemdaon olketa nambawan sida tri an olketa nambawan paen tri tu. Mi bin kasem tu olketa maonten wea hemi hae fogud, an ples wea olketa tri i plande tumas long hem.

Pijin Deuterocanon

²⁴ Mi nao Masta blong yu, bat yu bin sendem olketa pipol blong yu fo tekem mesij fo tok nogud agensim mi. Yu bin tokpraod olsem, ‘Long olketa kaat blong mi fo faet mi bin go antap long olketa maonten, olsem bikfala maonten ya long Lebanon. Mi bin katemdaon olketa nambawan sida tri an olketa nambawan paen tri tu. Mi bin kasem tu olketa maonten wea hemi hae fogud, an ples wea olketa tri i plande tumas long hem.

Aesaea 37:24 Iomraidhean Croise

Sams 20:7

Samfala pipol i gohed fo trastem ami blong olketa, an samfala pipol moa i gohed fo trastem olketa samting fo faet, bat yumi ya, yumi trastem nomoa Yawe hu hemi God blong yumi.

Eksodas 15:9

“Enemi blong mifala i tok olsem, ‘!Bae mi aftarem olketa! !Bae mi kasholem olketa! Bae mi kilim olketa dae long naef fo faet, an bae mi barava winim olketa. Bae mi divaedem evrisamting blong olketa ya long olketa pipol blong mi, an bae mi kipim olsem wea mi laekem.’

Aesaea 10:18

Bae faea ya hemi barava bonem olketa gudfala tri an olketa gaden wea hemi garem plande kaikai. Faea ya bae hemi spoelem evri ples long kantri blong king, olsem sik hemi save mekem man wik go-go hemi dae.

Aesaea 10:33

Bat Lod Yawe hu hemi garem evri paoa hemi daonem olketa hu i garem bikfala nem an olketa hu i strong olsem tri wea man hemi katemdaon.

Aesaea 10:34

Ya, God hu hemi strong tumas hemi daonem olketa evriwan olsem wea man hemi katemdaon olketa bikfala tri long bus wetem aks. Nomata olketa bikfala sida tri ya blong Lebanon, bat hemi katemdaon tu.

Aesaea 14:8

Ya, hemi olsem wea olketa paen tri an olketa sida tri blong Lebanon i hapi tumas tu fo herem nius ya an olketa tok olsem, ‘!Bikos yufala foldaon finis, no eniwan moa hemi stap fo katem mifala daon!’

Aesaea 29:17

No longtaem, olketa bikfala bus long lan long Lebanon bae hemi kamap gudfala graon fo wakem gaden. An olketa ples wea gudfala gaden hemi stap long hem, bae hemi kamap bikfala bus.

Aesaea 36:9

Bat nomata olsem, ami blong yufala hemi wik tumas, an yufala kanduit winim wanfala smolfala ofisa long ami blong mi. An nomata yu dipen long Ijip fo sendem kam olketa kaat fo faet, an olketa soldia fo faet long hos, bae yu no save winim mi.

Aesaea 37:4

Yu nao profet blong Yawe hu hemi laef. King blong Asiria nao hemi sendem komanda ya fo tokspoelem God blong yumi. Maet Yawe hemi herem olketa nogud toktok ya an bae hemi panisim olketa. Plis yu prea go long hem fo yumi hu i laef yet.”

Jeremaea 22:6

“Hem nao Yawe hemi talem abaotem disfala haos blong king blong Jiuda. Hemi tok olsem: Disfala haos hemi luknaes tumas olsem ples long Gilead, an olketa maonten long Lebanon wea i garem plande tri long hem. Bat nomata olsem, bae mi mekem hem fo kamap olsem drae eria, wea hemi no eniwan save stap long hem.

Jeremaea 22:7

Bae mi sendem kam olketa man fo spoelem haos ya. Bae olketa tekem kam olketa aks an katemdaon olketa bikfala pos olketa bin wakem long nambawan timba blong sida tri, an torowem go long faea.

Jeremaea 46:8

Hem nao Ijip. Olketa ya blong Ijip i kamap strongfala tumas, olsem Nael Riva taem hemi flad, an hemi kavaremap olketa ples. Olketa tok olsem, ‘Bae paoa blong mifala hemi kamap strong, an bae mifala winim evri ples long wol ya. Bae mi spoelem olketa taon, an kilim olketa pipol dae.

Esikiel 21:2

“Man blong graon. Luk go long Jerusalem an tok agensim Tambuples ya long hem. Yu mas talemaot profesi agensim olketa long lan blong Israel olsem,

Daniel 4:30

An hemi tok olsem, “!Maewat! !Babilon hemi wanfala bikfala taon ya! Mi nao mi bildim bikfala taon ya blong mi, fo somaot bikfala paoa blong mi wea mi nao mi king, an mi garem hae nem, mekem olketa pipol save tinghae long mi.”