Aesaea 36:4 - Pijin Bible

⁴ Disfala komanda blong Asiria hemi tok olsem long trifala, “Yufala go talem Hesekaea wea Bikfala King blong Asiria nao, hemi tok olsem: ?Waswe nao tingting blong yu hemi stap strong olsem?

Pijin Deuterocanon

⁴ Disfala komanda blong Asiria hemi tok olsem long trifala, “Yufala go talem Hesekaea wea Bikfala King blong Asiria nao, hemi tok olsem: ?Waswe nao tingting blong yu hemi stap strong olsem?

Aesaea 36:4 Iomraidhean Croise

2 Kings 18:17

King Senakerib hemi stap yet long taon long Lakis, an hemi sendem komanda blong hem, an nara tufala nambawan bikman blong hem wetem plande soldia fo go long Jerusalem wea King Hesekaea hemi stap long hem. Olketa kam an stap long rod wea hemi go long ples wea olketa save wasim kaleko. Olketa stanap kolsap long ples wea wata hemi ran goaot long disfala pul long wata wea hemi antap.

2 Kings 18:5

Hesekaea hemi trastem Yawe, God blong Israel. No eni king long Jiuda wea hemi rul fastaem o bihaen long hem, hemi gud tumas olsem hem.

2 Kings 19:10

“Yufala tekem disfala mesij go long King Hesekaea blong Jiuda: !Yu mas no letem disfala god wea yu trastem fo laea long yu! Hemi talem dat King blong Asiria wetem ami blong hem bae i no save tekova long Jerusalem.

Sams 42:10

Olketa ravis toktok blong olketa hemi spoelem mi tumas nao. Oltaem olketa enemi i tokspoelem mi olsem, “?Wea nao God blong yu ya?”

Sams 42:3

Mi gohed fo krae long de an long naet, tias blong mi nomoa hemi olsem kaikai blong mi. Oltaem olketa enemi blong mi i mekfan long mi, an olketa tok olsem, “?Wea nao God blong yu ya?”

Provebs 16:18

Praod fastaem, bagarap bihaen. Bikhed fastaem, foldaon bihaen.

Jeremaea 48:14

“Olketa pipol blong Moab. ?Waswe nao yufala gohed fo tok olsem, ‘Mifala strongman fo faet, an mifala soldia wea mifala no save fraet’?

Daniel 4:30

An hemi tok olsem, “!Maewat! !Babilon hemi wanfala bikfala taon ya! Mi nao mi bildim bikfala taon ya blong mi, fo somaot bikfala paoa blong mi wea mi nao mi king, an mi garem hae nem, mekem olketa pipol save tinghae long mi.”

Jiud 1:16

Olketa pipol ya, olketa i pipol fo toktok enikaen agensim nara pipol oltaem. Olketa save falom olketa ravis tingting blong olketa seleva an olketa save tokpraod tumas tu, an olketa save suitim olketa nara pipol fo helpem olketa seleva nomoa.