Aesaea 35:1 - Pijin Bible

¹ Wanfala taem wea bae hemi kam, olketa drae eria bae i hapi tumas, an plande flaoa bae hemi grou long ples wea no eniwan hemi stap long hem.

Pijin Deuterocanon

¹ Wanfala taem wea bae hemi kam, olketa drae eria bae i hapi tumas, an plande flaoa bae hemi grou long ples wea no eniwan hemi stap long hem.

Aesaea 35:1 Iomraidhean Croise

Sams 48:11

So hemi gud fo mifala evriwan long Saeon i hapi. Yu jajem evri pipol long stretfala wei. Dastawe, hemi gud fo mifala evriwan long olketa taon long Jiuda i hapi.

Sams 96:12

!Olketa gaden, yufala wetem evrisamting wea i stap long yufala, yufala mas hapi! Ya, evri tri long bus mas hapi an singaot fo preisim Yawe taem hemi ka-kam. Ya, bae hemi ka-kam fo rulim olketa pipol blong wol long gudfala wei wea hemi stret fogud.

Sams 97:8

Lod Yawe, olketa pipol long Saeon an olketa pipol long olketa taon long Jiuda i hapi tumas, bikos yu bin stretem olketa trabol blong olketa.

Nambawan Singsing 2:1

Mi ya mi olsem nomoa wael flaoa wea hemi grou long bikfala flat eria long Saron. Ya, mi olsem nomoa naes flaoa, wea hemi grou insaet long olketa vali.

Aesaea 25:9

Long taem ya, bae olketa pipol i tok olsem, “!Hem nao Yawe hu hemi God blong yumi! Yumi bin trastem hem, an hemi sevem yumi. Yumi mas barava hapi, bikos hem nao hemi sevem yumi.”

Aesaea 27:10

Wolston raonem bikfala taon ya, bae hemi brekdaon finis, an bae taon ya hemi luk olsem drae eria wea no eniwan hemi stap long hem. An taon ya bae hemi kamap wanfala ples blong olketa buluka fo kaikai an slip long hem. An bae olketa finisim evri lif blong olketa tri long ples ya.

Aesaea 27:6

Long taem wea bae hemi kam, Israel bae hemi grou olsem wanfala tri wea rut blong hem hemi godaon insaet long gudfala graon, an hemi garem staka flaoa, an disfala wol bae hemi fulap long olketa frut blong hem.

Aesaea 29:17

No longtaem, olketa bikfala bus long lan long Lebanon bae hemi kamap gudfala graon fo wakem gaden. An olketa ples wea gudfala gaden hemi stap long hem, bae hemi kamap bikfala bus.

Aesaea 35:6

Olketa wea lek blong olketa hemi dae, bae i save jam olobaot moa olsem dia. An olketa wea i no save toktok, bae i hapi an singaot bikfala. Olketa springwata an olketa riva bae i ran insaet long drae eria ya.

Aesaea 4:2

(Profet) Long taem wea evrisamting ya bae hemi hapen, bae Yawe hemi mekem Brans blong hem fo kamap niufala moa an Yawe bae hemi liftimap nem blong hem. Olketa pipol blong Israel hu i stap yet bae i hapi bikos bae Yawe hemi mekem graon ya fo kamap gudfala wea olketa gaden blong olketa i garem plande kaikai.

Aesaea 40:3

(Profet) Mi herem wanfala voes wea hemi singaot kam olsem, “!Yufala mas redim rod long drae eria fo Yawe! !Ya, yufala mas stretem rod fo God blong yumi!

Aesaea 42:11

Bikfala drae eria, wetem olketa taon wea i stap long yu, yufala mas preisim Yawe. Olketa pipol blong Kedaa long ist, yufala mas preisim hem. Olketa pipol blong taon long Sela, yufala mas go antap long hil, an singaot bikfala. Ya, talemaot bikfala wea yufala hapi tumas.

Aesaea 43:19

!Yufala lukim! Mi duim barava niufala samting. Samting ya hemi gohed fo hapen nao, an yufala save lukim distaem. Mi mekem wanfala rod fo gotru long drae eria, an olketa riva fo ran gotru long olketa emti ples.

Aesaea 51:3

Bikos mi duim olketa samting ya nao, yufala mas save dat bae mi somaot sore blong mi long yufala pipol blong Israel wetem olketa ples blong yufala wea i foldaon finis long pisis. Nomata olketa lan long yufala hemi kamap wanfala drae eria, bae mi mekem hemi kamap wanfala nambawan gaden, olsem Gaden ya long Iden. Olketa pipol hu i stap long olketa ples ya bae i hapi olowe, an bae olketa singsing fo preisim mi, an fo talem tengkiu long mi.

Aesaea 6:11

Mi askem hem, “?Masta, hao long nao bae hemi stap olsem?” An hemi sei, “Bae hemi stap olsem go-go kasem taem wea olketa taon long Israel i emti an nogud tumas. Ya, bae hemi stap olsem go-go kasem taem wea lan blong yufala hemi nogud tumas

Aesaea 7:21

“Long datfala taem, no eniwan save plantem moa eni gaden. Wanfala man save kipim nomoa wanfala smolfala buluka an tufala nanigot.

Esikiel 36:35

An bae olketa pipol ya i tok olsem, ‘!Man! Bifoa disfala lan hemi kamap nogud ya. Bat distaem, hemi kamap olsem gaden long Iden nao, wea hemi garem olketa gudfala samting long hem. An olketa taon ya, olketa enemi bin brekemdaon bifoa, an stilim evrisamting from olketa, an lusim nomoa bihaen. Bat distaem, olketa pipol blong ples ya i kam fo stap moa long olketa taon ya, an mekem moa olketa wolston blong raonem olketa.’