Aesaea 34:11 - Pijin Bible

¹¹ Bae olketa wael bed olsem olketa deferen kaen aol an olketa blak reven tu i stap long ples ya, an bae ples ya hemi kamap ples blong olketa nao. Bae Yawe hemi spoelem Idom finis fo hemi olsem taem wea hemi no wakem yet disfala wol.

Pijin Deuterocanon

¹¹ Bae olketa wael bed olsem olketa deferen kaen aol an olketa blak reven tu i stap long ples ya, an bae ples ya hemi kamap ples blong olketa nao. Bae Yawe hemi spoelem Idom finis fo hemi olsem taem wea hemi no wakem yet disfala wol.

Aesaea 34:11 Iomraidhean Croise

2 Samuel 8:2

Nao Deved hemi go faetem pipol blong Moab, an hemi winim olketa. Den hemi tekem olketa soldia blong Moab, an hemi mekem olketa fo leidaon long graon. Hemi yusim wanfala rop fo makem hu nao long olketa hemi mas dae. Long evri trifala man, hemi kilim tufala man dae, an hemi letem wanfala laef. Bihaen long taem ya, olketa blong Moab i stap andanit long paoa blong hem, an olketa gohed fo peim taks long hem.

2 Kings 21:13

Bae mi panisim yufala, olsem wea mi panisim olketa pipol blong Samaria wetem King Ehab an laen blong hem. Bae mi aotem yufala evriwan fo mekem ples ya hemi klin fogud, olsem wea man hemi wasim plet fo mekem hemi klin gudfala, an hemi stap.

Sams 102:6

Mi olsem fis wea man hemi torowem go long drae lan. Mi stap seleva nao, an no eniwan hemi kam fo helpem mi.

Aesaea 14:23

Bae mi mekem taon ya fo kamap wanfala bikfala krik, an bae hemi kamap ples blong olketa aol tu. An bae mi tekem wanfala brum wea hemi naf fo brumum aot evrisamting, mekem ples ya hemi emti finis.” Hem nao mesij blong Yawe hu hemi garem evri paoa.

Aesaea 24:10

Long taon ya, evrisamting hemi olobaot nao. An evriwan i lokem olketa seleva insaet long olketa haos fo haed.

Aesaea 34:17

Hem nao hemi divaedem olketa graon long ples ya fo olketa evriwan. Bae olketa stap olowe long ples ya, an olketa pikinini wea i bon kam bihaen long olketa bae i stap olowe nao long kantri ya.

Lamentesin 2:8

Yawe hemi garem strongfala tingting fo brekemdaon olketa wolston blong Jerusalem. Hemi makem finis olketa wolston ya, an somaot paoa blong hem fo spoelem olketa. Olketa foldaon finis olsem man wea hemi barava wik, mekem hemi sore an krae.

Emos 7:8

Hemi askem mi olsem, ?Emos. ?Waswe, yu save long disfala samting wea mi holem?? An mi tok olsem, ?Ya, wanfala ledlaen ya.? Hemi tok moa olsem long mi, ?Mi yusim disfala samting fo somaot long olketa pipol blong mi, wea wei blong olketa hemi nating stret, olsem wolston wea hemi no stret. Mi no save sensim tingting blong mi nao, bae mi mas panisim olketa.

Sefenaea 2:14

Ples ya bae hemi kamap ples blong olketa sipsip, an buluka, an olketa narafala animol bae res long hem tu. Olketa aol bae i slip long olketa olfala haos blong taon ya, an sidaon long olketa windo an singaot. Olketa bikfala blak bed bae i sidaon long olketa lada blong olketa haos ya an krae. Olketa gudfala timba blong evri haos long ples ya, bae i kamap nogud.

Revelesin 18:2

Hemi singaot bikfala olsem, “Biktaon long Babilon wea hemi garem paoa tumas, hemi foldaon finis. Hemi barava nogud nao, an distaem hemi kamap ples blong olketa devol. Hemi ples blong olketa ravis devol an olketa ravis bed wea i nogud tumas.