Aesaea 33:3 - Pijin Bible

³ Voes blong yu hemi olsem tanda, an taem olketa blong evri narafala kantri i herem yu, bae olketa ranawe. Ya, taem yu somaot bikfala paoa blong yu, bae olketa fraet an ranawe.

Pijin Deuterocanon

³ Voes blong yu hemi olsem tanda, an taem olketa blong evri narafala kantri i herem yu, bae olketa ranawe. Ya, taem yu somaot bikfala paoa blong yu, bae olketa fraet an ranawe.

Aesaea 33:3 Iomraidhean Croise

Sams 46:6

Olketa narafala kantri i raoa, an rul blong olketa king i stat fo foldaon. Taem God hemi singaot kam, wol ya hemi kamap olsem wata nating.

Sams 59:11

God, yu Masta blong mifala, an yu gohed fo gadem mifala mekem no eni trabol save kasem mifala. Plis yu no kilim olketa dae, nogud olketa pipol blong mi i fogetem hao yu bin panisim olketa pipol ya. Bat plis yu yusim paoa blong yu, fo mekem olketa evriwan i ranawe an lus finis.

Sams 68:2

Hemi gud tumas sapos God hemi ronemaot olketa ya, olsem smok wea win hemi bloum go. Ya, hemi gud tumas sapos olketa enemi ya i lus finis long ae blong God, olsem kandol wea hemi kamap olsem wata nating insaet long bikfala faea.

Aesaea 21:15

Olketa pipol ya i ranawe from olketa man hu i holem naef fo faet, wea i redi fo kilim olketa dae. An olketa ranawe olobaot, from olketa pipol hu i taetem finis olketa bou fo sutim olketa, an olketa ranawe from faet long taem wea olketa save dat olketa kolsap dae nao.

Aesaea 33:4

!Yufala olketa pipol! Taem yufala ranawe, bae olketa enemi i kam kuiktaem fo tekem evrisamting ya wea yufala bin winim long faet, olsem wea olketa grashopa i kaikaim evrisamting long olketa gaden.

Jeremaea 25:30

Yawe hemi gohed fo tok long mi olsem, “Jeremaea. Yu talemaot disfala profesi agensim olketa: Yawe hemi singaot bikfala from heven olsem laeon, an voes blong hem hemi here olsem saon blong bikfala tanda. Bae hemi saot bikfala agensim olketa long lan blong hem. Bae hemi singaot olsem pipol hu i step long grep fo wakem waen, agensim evri pipol long wol.

Jeremaea 25:31

An noes ya bae hemi kasem evri ples long wol, bikos Yawe hemi talemaot olketa ravis samting blong evri pipol long wol, an bae hemi jajem olketa an barava finisim olketa man nogud.” Hem nao mesij blong Yawe.