Aesaea 32:6 - Pijin Bible

⁶ Oltaem olketa krangge pipol i talemaot krangge toktok nomoa an plan fo duim nomoa olketa ravis samting. Olketa gohed fo falom olketa ravis wei an fo talemaot olketa laea toktok abaotem Yawe. Olketa nating fidim olketa pipol hu i hanggre o givim wata long olketa hu i barava dae fo wata.

Pijin Deuterocanon

⁶ Oltaem olketa krangge pipol i talemaot krangge toktok nomoa an plan fo duim nomoa olketa ravis samting. Olketa gohed fo falom olketa ravis wei an fo talemaot olketa laea toktok abaotem Yawe. Olketa nating fidim olketa pipol hu i hanggre o givim wata long olketa hu i barava dae fo wata.

Aesaea 32:6 Iomraidhean Croise

Sams 141:4

Plis yu helpem mi fo les long olketa samting wea hemi rong, an helpem mi fo no fren wetem olketa nogud pipol long olketa ravis wei. Ya, plis yu helpem mi mekem mi no kaikaim kaikai wea olketa hiden pipol i ofarem long god blong olketa.

Provebs 19:3

Krangge wei blong man spoelem laef blong hem seleva. So waswe nao hemi kros long Yawe?

Provebs 24:7

Waes tingting hemi dip tumas fo krangge man. Hemi no save tok gudfala long miting blong olketa bikman.

Aesaea 10:2

Olketa duim diswan mekem olketa hu i pua an olketa wea trabol hemi kasem olketa, fo no garem olketa samting wea hemi barava blong olketa. Oltaem, olketa gohed nomoa fo stilim evrisamting blong olketa wido, an olketa mekful nomoa long olketa pikinini wea mami an dadi blong olketa i dae finis.

Aesaea 10:6

Bae mi sendem olketa kam fo faetem yufala, bikos yufala les long mi. Bae mi letem olketa panisim yufala, bikos yufala mekem mi kros tumas. An bae olketa kam fo spoelem ples blong yufala, an fo stilim evrisamting blong yufala. An bae olketa step long yufala, olsem wea man hemi step nomoa long mad falom rod.

Aesaea 26:10

Nomata yu kaen long olketa nogud pipol, bae olketa no save lanem nomoa, hao fo falom stretfala wei blong yu. An nomata olketa stap long midol long olketa stretfala pipol, bae olketa gohed nomoa fo falom olketa nogud wei, an olketa nating luksave dat yu nao King hu hemi hae tumas.

Aesaea 3:15

Hemi barava no stret fo yufala spoelem olketa pipol blong mi, an disfala wei wea yufala step long olketa pua pipol, hemi olsem wei wea yufala skuisimaot wata from olketa grep o krasim wit fo mekem flaoa.” Hem nao mesij blong Lod Yawe hu hemi garem evri paoa.

Aesaea 31:2

Yufala mas save dat Yawe hemi waes tumas, an hemi no save sensim olketa promis blong hem fo spoelem olketa ravis pipol. Bae hemi mekem olketa trabol fo kasem evri pipol hu i trae fo helpem olketa ravis pipol ya an bae hemi panisim olketa.

Aesaea 59:13

Mifala bin agensim yu, an les long yu, an nating laek fo falom yu nao. Mifala lusim yu finis. Hem nao mifala lukdaon long olketa narafala pipol, an mifala gohed nomoa fo mekem olketa safa. Evri tingting blong mifala, an evri toktok blong mifala, hemi laea wan nomoa ya.

Aesaea 59:7

Oltaem yufala kuiktaem tumas fo falom wei blong sin an fo spoelem olketa pipol hu i no duim nomoa eni rong samting. Tingting blong yufala nao hemi ravis olowe, an wei fo spoelem narafala pipol hemi olsem bikrod blong yufala nomoa ya.

Aesaea 9:17

Dastawe nao Lod God hemi nating hapi long olketa yang pipol blong olketa, an hemi no sore long olketa wido an olketa pikinini wea mami an dadi blong olketa i lus, bikos olketa evriwan i les finis long hem. Olketa gohed nomoa fo duim olketa ravis samting, an oltaem olketa gohed fo talem olketa laea toktok. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Jeremaea 13:23

?Waswe, yufala tingim dat blak man save sensim kala long skin blong hem? ?Waswe, yufala ting bikfala wael puskat hemi save sensim olketa kala long bodi blong hem? Olketa ya no save mekem samting ya, an yufala tu wea oltaem yufala gohed fo mekem olketa ravis wei, yufala tu no save sensim wei blong yufala fo mekem olketa samting wea hemi stret.

Esikiel 34:18

Samfala long yufala i olsem wea olketa gohed fo kaikaim olketa gudfala gras, bat i no hapi nomoa long hem. Olketa gras wea olketa no kaikaim, olketa step long hem godaon long graon. Olketa dringim wata wea hemi klin, an wata wea olketa no dringim, olketa step long hem, an mekem hem doti long mad.

Daniel 12:10

Bae God hemi mekem plande pipol fo kamap stret an klin long ae blong hem. Bat pipol hu i nogud, bae i no save long olketa samting ya. Bae olketa gohed nomoa fo duim olketa ravis samting. Olketa waes pipol nomoa bae i luksave long olketa samting ya.

Emos 8:6

Nomata olketa wit wea hemi nogud finis, bae yumi apem praes blong olketa. Bae yumi peim kaon blong olketa pua pipol ya, an nomata man hu hemi kaonem nomoa tufala saet sandol, bae yumi peim tu kaon blong hem. Sapos yumi duim olsem, bae yumi save fosim olketa fo waka olsem slev fo yumi.?

Matiu 15:19

Bikos olketa samting wea hemi save kamaot long maen blong man, hemi olsem olketa ravis tingting wea hemi save mekem man fo kilim nara man dae, an fo brekem lo blong marit, an fo durong wetem eniwan, an fo stil, an fo talem olketa samting wea hemi no tru abaotem nara man, an fo stori nogud abaotem nara man.

Matiu 23:13

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala nao i stopem pipol fo no go insaet long kingdom long Heven. Yufala seleva no wari fo go insaet an yufala stopem tu olketa hu i traehad fo go insaet.

Jemes 1:27

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.

1 Samuel 24:13

!Yu save long olfala toktok olsem, ‘Olketa samting nogud, olketa man nogud nao i duim.’! !Mi no save duim enisamting nogud long yu!