Aesaea 32:13 - Pijin Bible

¹³ An bae yufala gohed fo sore an krae bikos olketa nilagras an olketa ravis gras i kavaremap finis lan blong olketa pipol blong mi, an yufala krae fo evri haos wea bifoa olketa pipol bin hapi tumas insaet.

Pijin Deuterocanon

¹³ An bae yufala gohed fo sore an krae bikos olketa nilagras an olketa ravis gras i kavaremap finis lan blong olketa pipol blong mi, an yufala krae fo evri haos wea bifoa olketa pipol bin hapi tumas insaet.

Aesaea 32:13 Iomraidhean Croise

Sams 107:34

An hemi mekem olketa graon fo fulap long solt wea no enisamting save grou long hem. Hemi mekem olsem bikos pipol hu i stap long ples ya, wei blong olketa hemi ravis fogud.

Aesaea 22:2

Yufala bisi tumas evriwea long taon ya, an yufala meknoes tumas tu bikos yufala gohed fo mekem fist. Bat yufala nating tingim nomoa olketa pipol blong yumi wea i dae finis. Olketa no dae nomoa long faet.

Aesaea 23:7

Taea ya hemi barava olfala taon blong yufala, an olketa pipol hu i stap long ples ya i hapi olowe. Bifoa, olketa lida blong taon ya i gohed fo mekem ples blong olketa long olketa narafala kantri wea hemi stap farawe. ?Bat waswe nao taon ya hemi kamap nogud olsem?

Aesaea 23:9

Yawe hu hemi garem evri paoa nao hemi mekem plan fo finisim bikfala praod wei blong yufala, an fo daonem yufala from olketa wei wea yufala tinghae nomoa long yufala seleva. Hemi duim diswan fo mekem yufala sem.

Aesaea 24:11

Olketa pipol i go evriwea long taon ya, an singaot falom olketa rod fo waen, bikos disfala hapi taem blong olketa bifoa, hemi barava finis nao.

Aesaea 27:10

Wolston raonem bikfala taon ya, bae hemi brekdaon finis, an bae taon ya hemi luk olsem drae eria wea no eniwan hemi stap long hem. An taon ya bae hemi kamap wanfala ples blong olketa buluka fo kaikai an slip long hem. An bae olketa finisim evri lif blong olketa tri long ples ya.

Aesaea 34:13

Olketa nilagras an ropnila nomoa bae hemi grou insaet long haos blong king an insaet long olketa strongfala sefples. Olketa wael dog an olketa aol nomoa bae i kam fo stap insaet long olketa taon ya.

Aesaea 5:10

Nomata tenfala eka long grep tri blong yufala, bat bae yufala kasem nomoa tuenti lita waen. An nomata tenfala baeg sid blong wit wea yufala plantem, bat bae yufala tekem nomoa wanfala baeg wit long hem.”

Aesaea 5:6

Bae mi letem olketa nilagras fo grou long ples ya, an bae mi stopem ren fo no foldaon long plantesin ya. Bae mi mekem ples ya fo kamap olsem drae eria.”

Aesaea 55:13

Bae olketa gudfala tri nao i grou long olketa ples wea olketa ropnila i grou long hem distaem. An bae olketa nambawan tri nao i grou long olketa ples wea hemi fulap long nilagras distaem. Olketa samting ya hemi wanfala saen wea bae hemi stap olowe, mekem yufala no fogetem olketa samting wea mi Yawe nao bin duim.”

Aesaea 6:11

Mi askem hem, “?Masta, hao long nao bae hemi stap olsem?” An hemi sei, “Bae hemi stap olsem go-go kasem taem wea olketa taon long Israel i emti an nogud tumas. Ya, bae hemi stap olsem go-go kasem taem wea lan blong yufala hemi nogud tumas

Aesaea 7:23

“Long datfala taem, olketa gudfala plantesin long grep tri wea olketa garem bikfala seleni long hem, bae olketa nilagras an bus nomoa hemi grou long hem.

Jeremaea 33:4

“Hem nao Yawe God blong Israel, hemi tokabaotem olketa haos long Jerusalem wetem olketa haos blong king blong Jiuda wea olketa bin brekemdaon fo strongim wolston wetem olketa stik an ston ya, mekem hemi had fo ami blong Babilonia i klaeap kam insaet long taon fo faet. Hemi tok olsem:

Jeremaea 39:8

Long semtaem ya, long Jerusalem, olketa blong Babilonia i bonem haos blong king, wetem olketa haos blong olketa narafala pipol, an olketa brekemdaon bikfala wolston blong taon tu.

Hosia 10:8

Olketa tambu ples long Bet-Aven, wea olketa wosipim olketa laea god ya, bae i kamap nogud tumas, bikos diswan nao hemi nambawan sin blong Israel. Olketa olta long ples ya, bae ropnila an nilagras nao hemi kavaremap finis. An bae olketa tok olsem long olketa maonten, “!Kavaremap mifala!” An bae olketa tok olsem long olketa hil, “!Foldaon kam antap long mifala!”

Hosia 2:3

Sapos hemi no lusim disfala ravis wei blong hem, bae mi brekem olketa kaleko blong hem an aotem, mekem hemi gohed fo neket nomoa olsem taem wea hemi jes bon. Bae mi mekem hem fo olsem wanfala drae eria wea hemi nating garem enisamting long hem, an bae hemi olsem man wea hemi barava dae fo wata.

Hosia 9:6

Nomata samfala long olketa i laef yet bihaen taem wea disfala bikfala trabol hemi kamap, bat bae olketa blong Ijip i hipimap olketa tugeta nomoa, fo berem olketa long Memfis wea hemi kapitol blong Ijip. An evri ples wea olketa bin stap long hem bifoa wetem evri gudfala samting blong olketa wea olketa wakem long silva, bae bikfala bus an olketa ropnila nao hemi kavaremap.