Aesaea 30:7 - Pijin Bible

⁷ Bat olketa no save helpem yufala. Olketa long Ijip i tingse olketa nao i strong olsem bikfala si snek ya Rehab. Bat Yawe hemi kolem olketa, Yusles, bikos olketa jes sidaon nating nomoa an nating garem eni paoa fo helpem yufala.”

Pijin Deuterocanon

⁷ Bat olketa no save helpem yufala. Olketa long Ijip i tingse olketa nao i strong olsem bikfala si snek ya Rehab. Bat Yawe hemi kolem olketa, Yusles, bikos olketa jes sidaon nating nomoa an nating garem eni paoa fo helpem yufala.”

Aesaea 30:7 Iomraidhean Croise

Stori abaotem Job 9:13

Sapos God hemi kros, hemi no stopem kros blong hem. Nomata olketa enemi hu i saet wetem disfala jaean krokodael Rehab, God hemi mekem olketa fo foldaon frant long hem.

Sams 87:4

God hemi tok olsem, “Taem mi kaontem olketa kantri wea olketa pipol long hem i save long mi, bae mi kaontem pipol long Ijip wetem Babilonia, an olketa pipol long Filistia, an olketa blong Taea, an Itiopia. Olketa ya nao bae mi kaontem olketa wetem yufala long Jerusalem, olsem wea yufala i wantok nomoa.”

Sams 89:10

Yu bin spoelem an kilim dae disfala bikfala snek long solwata wea olketa kolem Rehab. Ya, yu bin winim olketa enemi blong yu long bikfala paoa blong yu.

Eksodas 14:13

Bat Mosis hemi tok olsem long olketa, “!Yufala no fraet! Yufala mas stanap strong an lukim olketa samting wea tude, bae Yawe hemi duim fo sevem yufala. Bae yufala no save lukim moa olketa pipol blong Ijip ya enitaem.

Provebs 25:19

Taem trabol hemi kam, sapos yu trastem man hu i no tinghevi long yu, hemi olsem tit blong yu i pein, o yu garekil long lek.

Aesaea 10:3

?Wanem nao bae yufala duim taem Yawe hemi panisim yufala? ?Wea nao bae yufala go taem hemi sendem kam olketa enemi blong yufala from farawe kantri fo kam faetem yufala? ?Hu nao bae yufala lukaotem fo helpem yufala? ?An long wea nao bae yufala haedem olketa seleni blong yufala?

Aesaea 2:22

Yufala mas no putum trast blong yufala wansaet long olketa pipol, bikos olketa save dae nomoa ya. Olketa i samting nating nomoa an no save helpem yufala.

Aesaea 20:6

Long taem ya olketa pipol hu i stap long saetsi blong Filistia, bae i tok olsem, ‘!Yufala lukim! Yumi gohed fo dipen long olketa fo helpem yumi, an yumi save ran go long olketa fo sevem yumi from ami blong disfala king long Asiria, bat olketa winim finis Ijip an Kus. ?Hao nao bae yumi save ranawe from disfala ami?’ ”

Aesaea 28:12

Hemi laekem tumas fo givim res long olketa evriwan, an fo mekem olketa hapi moa, bat olketa barava les fo lisin long hem.

Aesaea 30:15

Lod Yawe hu hemi Holi God blong Israel, hemi gohed fo tok olsem, “Sapos yufala bin lusim olketa ravis wei blong yufala an stap kuaet nomoa long laef blong mi, bae mi sevem yufala. Ya, sapos yufala bin trastem mi an stap kuaet long wei blong mi, bae mi mekem yufala strong. !Bat yufala les fo duim diswan!

Aesaea 30:5

Bat nomata olsem, bae yufala sem fogud bikos Ijip no save helpem yufala nao. Ya, bae hemi no save sevem yufala, an olketa enemi bae i spoelem yufala fogud.”

Aesaea 36:9

Bat nomata olsem, ami blong yufala hemi wik tumas, an yufala kanduit winim wanfala smolfala ofisa long ami blong mi. An nomata yu dipen long Ijip fo sendem kam olketa kaat fo faet, an olketa soldia fo faet long hos, bae yu no save winim mi.

Aesaea 51:9

(Profet) !Yawe! !Plis yu wekap an helpem mifala! !Yusim paoa blong yu fo sevem mifala, olsem wea yu bin duim bifoa! Yu nao yu kilim dae disfala bikfala si snek ya, wea olketa kolem Rehab, an yu katem long olketa smolfala pisis.

Aesaea 7:4

Yu mas tok olsem long hem, ‘!King Ehas! !Yu mas no wari o fraet! Tingting blong yu mas no wikdaon. !Yu lisin kam! Yu no fraetem tufala king ya Resin wetem Peka. Kros blong tufala fo yu hemi olsem smok blong tufala pis sakol wea hemi kolsap dae nao.

Jeremaea 37:7

“Mi Yawe hu mi God blong Israel, mi tok olsem: Yu go an talem king ya blong Jiuda hu hemi sendem yu kam long mi, ‘Ami blong Ijip wea hemi bin lusim Ijip fo kam helpem yufala, bae hemi no save kasem disfala ples an hemi gobaek long Ijip.

Lamentesin 3:26

Hemi gud sapos yumi stap kuaet, an we-weitem fo hemi kam sevem yumi.

Hosia 5:13

“Taem olketa blong Israel i lukim dat olketa seleva i wik tumas, olsem wea bikfala sik hemi kasem olketa, bae olketa go askem bikfala king blong kantri blong Asiria fo helpem olketa. Bat king ya bae hemi no save kiurim disfala sik. An taem olketa blong Jiuda i lukim dat olketa seleva i wik tumas, olsem wea olketa garem staka soa, bae olketa tu i go askem bikfala king blong Asiria fo helpem olketa. Bat king bae hemi no save hilim olketa soa ya.