Aesaea 30:10 - Pijin Bible

¹⁰ Oltaem olketa pipol ya i save tok olsem long olketa profet blong mi, ‘!Yufala profet mas stop fo lukim olketa spesol drim! !Yufala mas stop fo somaot disfala stretfala wei long mifala! !Yufala mas talemaot nomoa wanem mifala laek fo herem! Ya, mifala laek fo herem nomoa olketa naes toktok.

Pijin Deuterocanon

¹⁰ Oltaem olketa pipol ya i save tok olsem long olketa profet blong mi, ‘!Yufala profet mas stop fo lukim olketa spesol drim! !Yufala mas stop fo somaot disfala stretfala wei long mifala! !Yufala mas talemaot nomoa wanem mifala laek fo herem! Ya, mifala laek fo herem nomoa olketa naes toktok.

Aesaea 30:10 Iomraidhean Croise

1 Kings 21:20

Nao taem king hemi lukim Elaeja, hemi tok olsem, “Sei, enemi blong mi, hemi faendem mi finis.” An Profet hemi ansa olsem, “Ya, mi faendem yu nao, bikos yu gohed nomoa fo duim olketa samting wea hemi barava nogud tumas long ae blong Yawe.

1 Kings 22:27

Yu talem tufala fo putum hem long prisin. Tufala mas fidim hem long drae bred an wata nomoa. Tufala mas kipim hem long prisin go-go mi kambaek from faet.”

2 Kronikols 16:10

Disfala toktok hemi mekem King Asa fo kros tumas long profet. Hemi kros fogud, so hemi putum profet ya long prisin. An stat long datfala taem, hemi gohed fo spoelem samfala pipol blong hem.

2 Kronikols 25:16

Taem profet hemi gohed fo toktok, king hemi sei long hem, “!Sarap yu! !Mi no mekem yu wanfala advaesa blong mi! !Sapos yu no stap kuaet, bae mi kilim yu dae!” Oraet, profet hemi stop bat las samting hemi sei hemi olsem, “Mi save dat God hemi mekem plan finis fo spoelem yu, bikos yu duim olketa samting ya, an yu no save herem toktok blong mi.”

Stori abaotem Job 41:3

?Sapos yu save kasholem hem, waswe, yu tingse bae hemi askem yu fo letem hem go fri? ?O, yu tingse bae hemi krae long yu fo yu sore long hem?

Aesaea 28:15

Oltaem nomoa yufala talem dat yufala bin mekem agrimen wetem Dae, an yufala mekem tu promis long Grev. Hem nao yufala tingse wea yufala no save dae sapos bikfala trabol hemi kasem yufala, bikos yufala trastem olketa laea toktok an tingse olketa trik blong yufala nao fo kipim yufala sef.

Aesaea 29:10

Yawe hemi mekem yufala redi nao fo barava dip slip. Olketa profet nao i olsem ae blong yufala, bat Yawe nao hemi satem disfala ae.

Aesaea 5:20

!Sore tumas long yufala hu i talem dat olketa nogud samting hemi gud an olketa gudfala samting hemi nogud! Tingting blong yufala hemi nogud tumas nao. !Yufala tingse tudak hemi laet an laet hemi tudak, an yufala tingse olketa suit samting hemi saoa an olketa saoa samting hemi suit!

Jeremaea 11:21

Yawe hemi tok long mi olsem, “Olketa man blong Anatot hu i laekem tumas fo kilim yu, olketa gohed fo tok long yu olsem, ‘!Yu mas stop fo no talemaot moa olketa profesi long nem blong Yawe! An sapos yu gohed fo duim olsem, bae mifala kilim yu dae.’ Dastawe nao mi Yawe hu mi garem evri paoa, mi tok olsem abaotem olketa:

Jeremaea 23:17

Olketa gohed fo suitim olketa hu i heitem mi. Olketa talem olsem, ‘Bae yufala stap gudfala.’ An long olketa hu i bikhed tumas fo falom tingting blong olketa seleva, olketa tok olsem, ‘No eni trabol bae hemi save kasem yufala.’

Jeremaea 26:11

Nao olketa prist an olketa profet i tok olsem long olketa lida ya wetem olketa narafala pipol, “!Disfala man mas dae! Yufala evriwan herem finis wea hemi gohed fo talemaot nogud profesi agensim biktaon blong yumi.”

Jeremaea 29:27

?Bat waswe nao yu no duim olsem long Jeremaea, disfala man blong Anatot, hu hemi gohed fo toktok long yufala olsem hemi wanfala profet?

Jeremaea 36:29

An yu tok olsem long disfala king blong Jiuda, ‘Yawe nao hemi tok olsem: !King Jehoeakim! Yu bonem datfala buk, an yu gohed fo talem strong olsem, “?Waswe nao profet ya hemi raetem olketa toktok ya, wea king blong Babilonia bae hemi kam spoelem disfala lan, an hemi kilim olketa pipol blong ples ya, wetem olketa animol tu?”

Jeremaea 38:4

Nao olketa bikman ya i go lukim king, an tok olsem long hem, “!Disfala man mas dae! Olketa toktok blong hem hemi gohed fo mekem tingting blong olketa soldia blong yumi wea i stap yet long taon wetem olketa narafala pipol tu, fo wikdaon. Hemi no trae fo helpem olketa pipol ya, hemi laek fo spoelem olketa nomoa.”

Jeremaea 5:31

Taem olketa profet i talemaot profesi blong olketa, olketa laea nomoa. Olketa prist gohed fo duim olketa samting wea olketa laekem nomoa. An yufala pipol blong mi i barava laekem tumas disfala wei blong olketa. ?Bat taem mi finisim olketa samting ya, wanem nao bae yufala duim?” Hem nao mesij blong Yawe.

Emos 2:12

Yawe hemi tok moa olsem, ?Bat yufala nao i fosim olketa Nasiraet ya fo dringim waen, nomata hemi tambu fo olketa dringim. Ya, yufala stopem tu olketa profet blong mi fo no talemaot olketa toktok blong mi.

Emos 7:13

Yu mas no talemaot moa profesi blong yu long Betel, bikos ples ya hemi tambuples blong king fo mekem wosip.?

Maeka 2:11

(Profet) Sapos wanfala man fo laea an fo trikim pipol, hemi kam long yufala an hemi tok olsem, “Mi talem stret long yufala. No longtaem, bae ples blong yumi hemi fulap fogud long waen an bia,” hem nao kaen man wea yufala hapi tumas long hem.

Maeka 2:6

Yufala gohed fo tokstrong long mi olsem, “!Ei! !Yu mas no tokstrong agensim mifala olsem! Hemi nogud fo yu gohed fo tokstrong abaotem olketa samting ya olowe. God hemi no save mekem mifala fo sem.”

Gudnius abaotem Jisas Kraes wea Jon hemi raetem 7:7

Olketa pipol blong disfala wol olketa no agensim yufala, bat mi nao olketa agensim mi, bikos mi talemaot dat wei blong olketa hemi ravis.

Gudnius abaotem Jisas Kraes wea Jon hemi raetem 8:45

Bat mi ya, mi talem yufala tru samting, dastawe nao yufala no wande fo bilivim mi.

Aposol 4:17

Bat nogud diskaen tising hemi go kasem plande pipol moa. Yumi mas tokstrong long tufala an wonem tufala fo no talem olketa pipol abaotem Jisas.”

Aposol 5:28

“Mifala bin tokstrong tumas long yufala fo no tisim eniwan abaotem disfala man ya. Bat yufala mekem disfala tising blong yufala fo go kasem evriwea long Jerusalem nao. An yufala traehad tu fo talemaot dat mifala nao i bin kilim dae disfala man ya.”

Leta wea Pol hemi raetem go long sios long Rom 16:18

Olketa pipol olsem, olketa no waka wetem Kraes Masta blong yumi, bat olketa falom nomoa ravis tingting blong olketa seleva. Olketa save yusim suit toktok an olketa save laea nomoa fo trikim olketa pipol hu i no savegud long wei blong olketa.

Galesia 4:16

?Waswe, yufala kamap enemi blong mi nao bikos mi talem tru samting long yufala?

2 Timoti 4:3

Bikos bae yumi kasem taem olketa pipol no wande lisin long tru tising, bae olketa falom tingting blong olketa seleva nomoa. Bae olketa lukaotem olketa tisa olobaot, mekem olketa save herem nomoa tising wea olketa seleva laekem tumas fo herem.

2 Timoti 4:4

An bae olketa lusim tru tising an tane go fo lisin nomoa long olketa laea stori.

Revelesin 11:7

Nao taem tufala talemaot toktok blong God finis, disfala wael animol bae hemi kamaot long hol ya wea hemi barava dip tumas, an bae hemi faetem tufala. An bae hemi winim tufala an kilim tufala dae.

1 Samuel 9:9

Sol hemi tok olsem, “Oraet, hemi gud. Yumitufala go long disfala man fo lukim spesol drim.” Hemi tok olsem bikos long taem ya, olketa pipol save kolem eni profet olsem man fo lukim spesol drim. An taem olketa wande faendemaot samting long God, olketa save sei, “Yumi go long man fo lukim spesol drim.” Oraet, tufala go nao long taon wea man blong God hemi stap long hem.