Aesaea 3:7 - Pijin Bible

⁷ Bat bae hemi tok olsem, “!Mi no garem kaleko o eni kaikai long haos blong mi! ?So hao nao bae mi stretem trabol blong yufala ya? Hemi nogud fo yufala siusim mi fo kamap lida blong yufala.”

Pijin Deuterocanon

⁷ Bat bae hemi tok olsem, “!Mi no garem kaleko o eni kaikai long haos blong mi! ?So hao nao bae mi stretem trabol blong yufala ya? Hemi nogud fo yufala siusim mi fo kamap lida blong yufala.”

Aesaea 3:7 Iomraidhean Croise

Jenesis 14:22

Bat Ebram hemi talem hem olsem, “Long ae blong Yawe ya, God ya hu hemi Antap Tumas, an hu hemi mekem skae an graon, mi mekem wanfala strong promis long nem blong hem,

Aesaea 58:12

Olketa taon blong yufala wea i bin nogud finis, olketa pipol blong yufala bae i bildimbaek moa antap long olketa olfala faondesin blong olketa. An bae evri pipol i save dat yufala nao i bildimbaek olketa bikfala wolston blong olketa taon ya, an wakembaek moa olketa haos ya an olketa rod wea i nogud tumas finis.”

Jeremaea 14:19

(Profet) O Yawe. ?Waswe, yu les finis long mifala olketa pipol blong yu long Jiuda? ?Waswe, yu heitem olketa pipol blong Saeon? ?Sapos nomoa, waswe nao yu gohed fo mekem trabol fo kasem mifala olsem, wea mifala kanduit kambaek gudfala moa? Mifala laekem nomoa fo stap gudfala long piis, bat no eni gudfala samting hemi hapen. Mifala laek fo taem hemi kamap wea olketa sik blong mifala hemi finis, bat bikfala trabol nomoa hemi kam kasem mifala, mekem mifala fraet fogud.

Lamentesin 2:13

!O Jerusalem blong mi! ?Wanem nao mi save talem long yu fo helpem yu? !O Jiuda blong mi! ?Hao nao mi save liftimap tingting blong yu? Trabol blong yu hemi barava bik tumas, an no eniwan save mekem yu gudbaek moa.

Esikiel 34:4

Yufala nating mekem olketa wea i wik fo kamap strong an gudbaek moa. An olketa wea i garekil, yufala nating putum bandes nomoa long evri soa blong olketa fo kamap gudbaek moa. Yufala nating lukaotem nomoa olketa wea i lus, fo tekem olketa kambaek. Yufala gohed nomoa fo mekem olketa safa.

Hosia 5:13

“Taem olketa blong Israel i lukim dat olketa seleva i wik tumas, olsem wea bikfala sik hemi kasem olketa, bae olketa go askem bikfala king blong kantri blong Asiria fo helpem olketa. Bat king ya bae hemi no save kiurim disfala sik. An taem olketa blong Jiuda i lukim dat olketa seleva i wik tumas, olsem wea olketa garem staka soa, bae olketa tu i go askem bikfala king blong Asiria fo helpem olketa. Bat king bae hemi no save hilim olketa soa ya.

Hosia 6:1

Olketa pipol i tok olsem, “!Olketa! !Yumi gobaek long Yawe! Hem nao hemi letem disfala sik fo kasem yumi, bat hemi save finisim nomoa sik ya from yumi. Hem nomoa hemi mekem yumi garem olketa soa ya, bat hemi save mekem yumi fo kamap gud moa.

Joel 1:16

Yumi bin lukim dat evri kaikai blong yumi hemi finis nao. An yumi no save hapi moa taem yumi go long Tambuhaos blong God fo wosip.

Diutronomi 32:40

Mi barava stap laef, an mi mekem wanfala strong promis olsem,