Aesaea 3:2 - Pijin Bible

^2-3 Bae hemi tekemaot tu olketa sif blong ami, wetem olketa strongman fo faet an olketa soldia, an olketa bikman blong gavman, olketa jaj an profet an advaesa, an olketa majik man wetem olketa kleva man, an olketa man hu i save hao fo wakem olketa gudfala samting.

Pijin Deuterocanon

^2-3 Bae hemi tekemaot tu olketa sif blong ami, wetem olketa strongman fo faet an olketa soldia, an olketa bikman blong gavman, olketa jaj an profet an advaesa, an olketa majik man wetem olketa kleva man, an olketa man hu i save hao fo wakem olketa gudfala samting.

Aesaea 3:2 Iomraidhean Croise

1 Kronikols 9:1

Hem nao olketa rekod long olketa nem blong evriwan blong Israel wea olketa bin raetem long buk abaotem olketa king blong Israel. Bikos pipol blong Jiuda i no tinghevi long God, ami blong Babilonia i bin fosim olketa blong Jiuda go long Babilonia.

Sams 74:9

Evri saen fo somaot paoa blong yu long mifala hemi nomoa nao. Distaem no eni profet nao hemi stap, an no eniwan long mifala nao hemi save wataem nao bae trabol ya hemi finis.

Esikiel 17:12

“Yu mas askem olsem long olketa pipol ya hu i agensim mi, ‘?Waswe, yufala no save long mining blong disfala parabol?’ Yu talem olketa dat mi tok olsem long olketa: King blong Babilonia hemi go long Jerusalem, an hemi tekem king blong yufala wetem olketa bikman, an kam wetem long Babilonia.

Esikiel 17:13

Hemi tekem wanfala man wea hemi memba long laen blong king, an hemi mekem wanfala strongfala agrimen wetem hem, fo tufala kantri blong tufala bae save stap gudfala an no faet. An hemi fosim man ya fo mekem wanfala strongfala promis fo kipim disfala agrimen. Hemi fosim tu olketa lida blong yufala fo lusim lan ya,

Esikiel 8:12

Nao Yawe hemi tok olsem long mi, “Man blong graon. ?Waswe, yu lukim nao disfala samting wea olketa lida blong Israel ya i gohed fo duim haed? Olketa evriwan i gohed fo haed insaet long tambuples blong hem from olketa pipol, fo wosipim olketa kaving god blong hem. Olketa tok olsem, ‘Yawe hemi no save lukim yumi ya. Hemi lusim finis disfala lan blong yumi.’ ”

Esikiel 9:5

Mi herem Yawe hemi tok olsem long siksfala man ya, “Yufala mas falom disfala man fo go raon insaet long taon ya an kilim dae olketa pipol ya. Yufala mas no sore long eniwan an no letem eniwan fo hemi laef.

Emos 2:3

Bae mi kilim dae king blong olketa wetem evri bikman blong olketa.? Hem nao toktok blong Yawe.