Aesaea 3:16 - Pijin Bible

¹⁶ Yawe hemi gohed fo tok olsem, “!Olketa woman blong Jerusalem i barava praod tumas! Olketa wakabaot an liftimap fes blong olketa an olketa suingim bodi blong olketa an gohed fo satae go long olketa man an olketa taengem olketa samting long lek blong olketa fo hemi meknoes, mekem olketa man i lukluk long olketa.

Pijin Deuterocanon

¹⁶ Yawe hemi gohed fo tok olsem, “!Olketa woman blong Jerusalem i barava praod tumas! Olketa wakabaot an liftimap fes blong olketa an olketa suingim bodi blong olketa an gohed fo satae go long olketa man an olketa taengem olketa samting long lek blong olketa fo hemi meknoes, mekem olketa man i lukluk long olketa.

Aesaea 3:16 Iomraidhean Croise

Provebs 16:18

Praod fastaem, bagarap bihaen. Bikhed fastaem, foldaon bihaen.

Provebs 21:4

Wei fo bikhed, an haat praod tumas, tufala nogud samting ya i olsem laet blong ravis pipol.

Provebs 30:13

Samfala man i praod tumas, olketa tingdaonem evriwan.

Nambawan Singsing 3:11

!Kam, yufala woman blong maonten long Saeon! !Kam lukim King Solomon! Hemi werem kraon blong king wea mami blong hem hemi bin putum long hed blong hem, long de wea hemi marit, an hemi hapi an filgud tumas.

Aesaea 1:8

Distaem, Jerusalem wetem olketa pipol blong mi hu i stap long hem, hemi stap seleva olsem wanfala smolfala lif haos wea man hemi wakem long gaden blong hem. Jerusalem nao hemi olsem wanfala taon wea olketa enemi i raonem finis.

Aesaea 24:4

(Profet) Evriwea long wol bae graon hemi kamap barava drae, an evrisamting bae hemi grou wik an dae. Evri bikman long wol bae hemi kamap wik tumas.

Aesaea 3:1

(Profet) !Lisin kam, yufala blong Jerusalem an Jiuda! Lod Yawe hu hemi garem evri paoa, bae hemi tekemaot evrisamting wea yufala nidim fo laef olsem wata an kaikai.

Aesaea 3:17

From diswan, bae mi nao mi panisim olketa, wea bae mi mekem olketa soa fo kamap long hed blong olketa, an bae mi mekem olketa enemi fo aotem kaleko blong olketa, mekem evriwan save lukim olketa taem olketa i neket.”

Aesaea 3:18

(Profet) Long taem ya, bae Yawe hemi tekemaot olketa samting wea olketa werem long hed an long ia an long nous an long nek an long han an long fingga an long lek wea i mekem olketa fo praod tumas. An bae hemi tekemaot tu olketa barava naes kaleko an olketa longfala kaleko fo putum long hed an olketa kaleko wea olketa kavarem long fes blong olketa an olketa nambawan strap blong olketa an olketa paos blong olketa an olketa samting wea olketa werem fo mekem majik an olketa smolfala botol oel wea hemi smel naes tumas.

Aesaea 3:4

Yawe hemi tok olsem, “Bae mi mekem olketa yang boe fo kamap sif blong yufala, an olketa smolfala pikinini nomoa fo rul ovarem yufala.”

Aesaea 4:4

Bae Lod God hemi jajem olketa woman blong Jerusalem an hemi panisim olketa fo evri ravis samting wea olketa duim. Nao bae hemi wasim olketa fo mekem olketa kamap klin finis olsem wea hemi spoelem evri ravis samting blong olketa long faea.

Sefenaea 3:11

An yufala olketa pipol blong mi, long datfala taem, bae yufala no save sem long wei yufala bin agensim mi bifoa. Bikos bae mi tekemaot olketa hu i praod an bikhed, an bae yufala no agensim mi moa long holi maonten blong mi.

Matiu 21:5

“Talem olsem long olketa pipol long Saeon ‘Lukim, King blong yufala ya hemi kam long yufala nao. Hemi mekem hem seleva fo lou, wea hemi sidaon antap long wanfala dongki nomoa. Wanfala yang dongki nao hemi raed kam long hem.’”

Gudnius abaotem Jisas Kraes wea Luk hemi raetem 23:28

Nao Jisas hemi taneraon go long olketa an hemi sei, “!Olketa woman blong Jerusalem! Yufala no krae fo mi, bat yufala krae fo yufala seleva an fo olketa pikinini blong yufala.