Aesaea 3:14 - Pijin Bible

¹⁴ An distaem hemi stat nao fo jajem olketa bikman an olketa lida blong yumi pipol blong hem, wea hemi talemaot olketa samting agensim olketa olsem, “!Olketa! Oltaem nomoa yufala i spoelem olketa pipol blong mi long wei wea yufala gohed nomoa fo fulumapem haos blong yufala wetem olketa samting wea yufala stilim from olketa pua pipol. Hemi olsem wea yufala spoelem olketa plantesin long grep tri blong mi.

Pijin Deuterocanon

¹⁴ An distaem hemi stat nao fo jajem olketa bikman an olketa lida blong yumi pipol blong hem, wea hemi talemaot olketa samting agensim olketa olsem, “!Olketa! Oltaem nomoa yufala i spoelem olketa pipol blong mi long wei wea yufala gohed nomoa fo fulumapem haos blong yufala wetem olketa samting wea yufala stilim from olketa pua pipol. Hemi olsem wea yufala spoelem olketa plantesin long grep tri blong mi.

Aesaea 3:14 Iomraidhean Croise

Stori abaotem Job 22:4

God hemi no kotem yu an panisim yu bikos yu tinghae long hem.

Stori abaotem Job 24:14

Long tudak, olketa man fo kil i getap nao, an goaot fo kilim dae olketa pua pipol. Ya, olketa wakabaot long naet fo stil.

Stori abaotem Job 24:9

Olketa ravis pipol i tekem pikinini wea dadi blong hem i dae finis, nomata hem i susu yet long mami. Ya, olketa tekem pikinini blong olketa pua pipol, fo sensimbaek kaon blong olketa.

Stori abaotem Job 34:23

God hemi no wari fo makem taem wea olketa pipol save go long hem fo hemi jajem laef blong olketa.

Sams 10:9

Olketa ya i gohed fo haed an we-weit nomoa long ples blong olketa, olsem wanfala laeon. Olketa ya i gohed fo weit nomoa fo kasem olketa pua pipol long trap blong olketa.

Sams 14:4

Yawe hemi gohed fo tok olsem, “?Waswe, olketa ya i no save? ?Waswe, evri nogud pipol ya, i nating save nomoa ya? Olketa ya i spoelem olowe olketa pipol blong mi, an olketa nating prea long mi tu.”

Sams 143:2

Plis yu no kotem mi hu mi wakaman blong yu fo jajem mi, bikos no eniwan long disfala wol hemi stret fogud long ae blong yu.

Provebs 30:14

Samfala man i olsem wael animol, olketa laekem tumas fo mekful long pua pipol, olketa fit nomoa fo spoelem pipol hu garem hadtaem.

Aesaea 10:1

!Sore tumas long olketa lida blong Israel! Olketa mekem olketa lo wea hemi no stret an olketa rul blong olketa hemi barava had tumas.

Aesaea 10:2

Olketa duim diswan mekem olketa hu i pua an olketa wea trabol hemi kasem olketa, fo no garem olketa samting wea hemi barava blong olketa. Oltaem, olketa gohed nomoa fo stilim evrisamting blong olketa wido, an olketa mekful nomoa long olketa pikinini wea mami an dadi blong olketa i dae finis.

Aesaea 11:4

bat bae hemi jajem kot blong olketa pua pipol long stretfala wei. Ya, bae hemi meksua long kot wea olketa ya i tekembaek wanem hemi blong olketa. Long paoa long toktok blong hem bae hemi panisim olketa pipol long wol. An taem hemi tok nomoa bae olketa nogud pipol ya i dae nao.

Aesaea 14:30

Bae mi lukaftarem olketa pipol hu i barava pua mekem olketa save stap gud moa, olsem man wea hemi lukaftarem olketa sipsip blong hem. Bat bae mi sendem kam hadtaem blong hanggre fo kilim dae olketa famili blong yufala, mekem no eniwan long yufala hemi laef.

Aesaea 26:6

An olketa pipol wea narafala pipol i mekem olketa safa, an olketa hu i pua, bae i step long taon ya.

Aesaea 29:19

An olketa pua pipol hu i no garem biknem, bae i hapi tumas an selebret bikos Yawe nao hemi Holi God blong Israel.

Aesaea 30:12

Dastawe nao Holi God blong Israel hemi tok olsem, “Yufala les finis long mesij blong mi, an yufala bilivim wea disfala wei fo laea an raverave save gadem yufala.

Aesaea 5:7

Disfala plantesin long grep tri blong Yawe hu hemi garem evri paoa, hem nao olketa pipol blong Israel. Ya, yufala olketa pipol blong Jiuda i olsem wanfala plantesin wea hemi laekem tumas. Yawe hemi ekspektem yufala fo jajem stret olketa narafala pipol, bat yufala gohed nomoa fo kilim dae olketa pipol. Hemi ekspektem yufala fo falom stretfala wei, bat yufala gohed nomoa fo mekem olketa safa tumas.

Aesaea 58:4

Taem yufala lusim kaikai, yufala save kros kuiktaem tumas. An yufala save gohed nomoa fo raoa an fo faet tu. ?Waswe, yufala tingse diskaen wei fo lusim kaikai wetem kaen tingting olsem bae hemi save mekem mi laek fo lisin long olketa prea blong yufala? Nomoa nao.

Jeremaea 12:10

Olketa lida blong olketa narafala kantri i spoelem evri plantesin long grep blong mi, an step long olketa gaden blong mi. Gudfala graon blong mi ya, bae olketa spoelem finis, mekem hemi olsem drae eria nao.

Jeremaea 5:27

Olsem basket wea hemi fulap long bed, olketa haos blong olketa ravis man ya i fulap nomoa long olketa samting wea olketa bin tekem taem olketa trikim pipol. Hem nao olketa kamap ris an garem paoa.

Esikiel 18:12

Hemi gohed fo spoelem olketa puaman an gohed fo stil. An hemi save holembaek enisamting wea man hemi putum wetem hem, fo yusim fastaem wanfala samting blong hem. Taem disfala man hemi tekem kambaek wanem blong hem, hemi no save givim gobaek wanem man ya bin lusim wetem hem. Hemi gohed fo go long olketa hiden ples fo wosip antap long olketa hil, an hemi gohed fo wosipim olketa ravis kaving wea hemi barava nogud tumas.

Esikiel 20:35

Bae mi tekem yufala kam long drae eria wea olketa kantri i stap raonem, an long ples ya nao bae mi jajem yufala stret long ae blong yufala.

Esikiel 20:36

Bae mi jajem yufala olsem wea mi bin jajem olketa grani blong yufala bifoa long drae eria long Saenae. Hem nao mesij blong mi Lod Yawe.

Levitikas 25:14

So, sapos eniwan long yufala hemi laek fo salem lan go long nara man, o peim lan olsem, yufala mas no ravem yufala.

Levitikas 25:17

Yufala mas no raverave long eniwan blong yufala. Bat yufala mas tinghae long mi bikos mi nao Yawe, God blong yufala.”

Emos 2:7

Yufala hu i garem paoa, i olsem wea yufala step long olketa pua pipol, an yufala nao i stopem olketa fo no garem olketa gudfala samting. Wei blong yufala, wea man hemi durong wetem wanfala yang woman, an bihaen, dadi blong hem hemi slip moa wetem disfala sem woman, hemi barava nogud tumas. Disfala wei ya nao hemi spoelem finis nem blong mi.

Emos 4:1

(Profet) Yufala olketa ris woman long Samaria, yufala barava fat fogud olsem olketa buluka long Basan. Yufala mas lisin gudfala long disfala toktok. Oltaem yufala gohed fo tritim nogud olketa hu i no save faet, an yufala gohed fo daonem olketa pua pipol. An oltaem yufala tokstrong long olketa hasban blong yufala fo tekem kam staka waen fo yufala.

Maeka 2:1

(Profet) !Sore tumas long yufala hu i mekem nomoa olketa ravis plan taem yufala leidaon yet long bed! An long moning, yufala gohed fo duim nao olketa nogud plan blong yufala.

Maeka 2:2

Taem yufala laekem lan blong narafala man, yufala go tekem nomoa. An taem yufala laekem haos blong narafala man, yufala go tekem tu. Long disfala wei, yufala stilim nomoa olketa samting blong olketa pipol, an samtaem yufala stilim famili blong olketa tu.

Maeka 3:3

Hemi olsem wea yufala gohed fo kaikaim olketa. Ya, hemi olsem wea yufala gohed fo brekem bon blong olketa, an katem olketa long smolfala pisis, olsem wea man hemi katem mit fo putum long sospen.

Maeka 6:10

Long evri haos blong olketa nogud pipol, olketa garem plande gudfala samting wea olketa winim long wei wea hemi no stret. An long evri stoa blong olketa evriwan, olketa garem raverave skel an kap fo mesarem olketa samting. Wei ya hemi nogud tumas, an mi barava les long hem.

Matiu 21:33

Nao Jisas hemi sei moa, “Yufala lisin moa long narafala tokpiksa. Wanfala bikman hemi plantem wanfala plantesin blong grep tri. Hemi wakem wanfala fens raonem plantesin ya, an hemi mekem wanfala ples fo wakem waen long hem an wanfala hae gadhaos long hem tu. Bihaen nomoa, hemi letem samfala man fo haerem plantesin blong hem ya. An hemi go fo stap long nara ples.

Jemes 2:6

Bat yufala lukdaon tumas long olketa hu i pua. ?Waswe, hu nao save ravem yufala olowe an tekem yufala go long kot?