Aesaea 29:21 - Pijin Bible

²¹ olsem olketa hu i talem laea toktok agensim olketa narafala pipol long kot, an olketa hu i laea mekem stretfala man save lus long kot, olketa ya nao bae Yawe hemi barava panisim olketa.

Pijin Deuterocanon

²¹ olsem olketa hu i talem laea toktok agensim olketa narafala pipol long kot, an olketa hu i laea mekem stretfala man save lus long kot, olketa ya nao bae Yawe hemi barava panisim olketa.

Aesaea 29:21 Iomraidhean Croise

Sams 127:5

Sapos yumi garem plande pikinini, bae yumi save hapi, bikos taem olketa enemi blong yumi i tekem yumi go long kot, bae olketa nating save winim yumi. (Olketa singim disfala singsing taem olketa goap fo fist long Jerusalem.)

Provebs 28:21

Hemi no stret fo jaj hemi saetem wanfala man long kot, bat lelebet kaikai nomoa hemi save grisim samfala jaj.

Aesaea 10:1

!Sore tumas long olketa lida blong Israel! Olketa mekem olketa lo wea hemi no stret an olketa rul blong olketa hemi barava had tumas.

Aesaea 32:7

Wei blong olketa man fo laea hemi barava ravis tu, an oltaem nomoa olketa planem fo spoelem olketa pua pipol, nomata olketa garem raet long olketa samting wea hemi barava blong olketa.

Aesaea 5:20

!Sore tumas long yufala hu i talem dat olketa nogud samting hemi gud an olketa gudfala samting hemi nogud! Tingting blong yufala hemi nogud tumas nao. !Yufala tingse tudak hemi laet an laet hemi tudak, an yufala tingse olketa suit samting hemi saoa an olketa saoa samting hemi suit!

Aesaea 5:23

Long taem blong kot yufala mekem olketa pipol hu i duim olketa nogud samting fo go fri bikos olketa peim yufala fo duim diswan. An yufala mekem olketa stret pipol fo go long prisin taem yufala jajem olketa long kot.

Aesaea 59:15

Distaem, no eniwan nao hemi stret. Bat sapos eniwan hemi lusim olketa ravis wei blong hem, bae olketa narafala pipol nao i spoelem hem.” (Profet) Yawe hemi lukim dat wei blong pipol hemi nating stret, an hemi no hapi long hem.

Jeremaea 18:18

Olketa pipol i tok olsem, “Olketa. Yumi mas mekem plan agensim profet ya. Bae olketa prist i stap olowe fo tisim yumi, an olketa waesman i stap olowe fo givim gudfala tingting long yumi, an olketa profet blong yumi tu i stap fo talemaot long yumi olketa profesi. So yumi mas agensim Jeremaea ya an tokspoelem hem, an yumi mas no lisin long olketa toktok blong hem.”

Jeremaea 36:29

An yu tok olsem long disfala king blong Jiuda, ‘Yawe nao hemi tok olsem: !King Jehoeakim! Yu bonem datfala buk, an yu gohed fo talem strong olsem, “?Waswe nao profet ya hemi raetem olketa toktok ya, wea king blong Babilonia bae hemi kam spoelem disfala lan, an hemi kilim olketa pipol blong ples ya, wetem olketa animol tu?”

Esikiel 13:19

Yufala gohed nomoa fo spoelem nem blong mi long ae blong olketa pipol blong mi, an yufala tekem lelebet kaikai nomoa fo pei blong yufala. Yufala gohed fo laea long olketa pipol blong mi, nao olketa gohed fo bilivim yufala nomoa. Hemi olsem wea yufala kilim dae olketa hu mas no dae, an olketa hu i mas dae, yufala kipim olketa laef nomoa.

Malakae 3:5

Yawe hu hemi garem evri paoa, hemi tok olsem, ?Bae mi kam fo jajem yufala, an kuiktaem nomoa mi talemaot hu long yufala nao hemi duim olketa ravis samting. Hem nao olketa hu i mekem majik, an olketa hu i brekem lo blong marit, an olketa hu i laea long kot, an olketa masta hu i ravem pei blong wakaman, an olketa hu i mekful long olketa wido an olketa pikinini wea mami an dadi blong olketa i dae finis, an mekful long olketa strensa. Evriwan hu i duim olketa nogud samting olsem i nating tinghae long mi.?

Matiu 22:15

Nao taem olketa Farasi olketa lusim disfala Tambuhaos ya, olketa tokabaotem wei fo askem samfala kuestin fo trikim Jisas.

Matiu 26:15

An hemi askem olketa olsem, “?Sapos mi givim Jisas go long han blong yufala, wanem nao bae yufala givim long mi?” Nao olketa kaontem tetifala seleni an olketa givim long hem.

Aposol 3:14

Jisas hemi holi tumas an hemi barava stret long ae blong God, bat yufala nating laekem hem nomoa. An yufala nao i singaotem Paelat fo letem go fri nara man hu hemi bin kilim dae plande pipol.

Jemes 5:6

Yufala ya, yufala bin jajem nogud olketa hu i no duim eni rong samting. An yufala bin kilim dae olketa tu, bat olketa no trae fo faet agensim yufala.

Jajis 12:6

oraet olketa talem hem fo sei “Jibolet”. Bat sapos hemi tok olsem, “Sibolet” olketa holem an kilim hem dae. Olketa duim olsem bikos olketa save dat traeb blong Efrem i no save talem stret, “Jibolet”. An long datfala taem, olketa kilim dae 42,000 man long traeb blong Efrem.