Aesaea 29:20 - Pijin Bible

²⁰ Bat olketa pipol hu i mekem olketa narafala pipol safa, bae Yawe hemi spoelem olketa finis. Ya, olketa hu i tokspoelem olketa stretfala wei, bae olketa lus finis. An olketa hu i gohed fo duim olketa nogud samting,

Pijin Deuterocanon

²⁰ Bat olketa pipol hu i mekem olketa narafala pipol safa, bae Yawe hemi spoelem olketa finis. Ya, olketa hu i tokspoelem olketa stretfala wei, bae olketa lus finis. An olketa hu i gohed fo duim olketa nogud samting,

Aesaea 29:20 Iomraidhean Croise

Sams 10:18

An bae yu nao yu herem krae blong olketa ya, wetem olketa pikinini wea mami an dadi blong olketa i dae finis. Bae yu nao yu helpem olketa an yu jajem olketa long stretfala wei, mekem olketa pipol i no save mekem olketa fo fraet moa. (Singsing blong Deved.)

Provebs 21:24

Man praod tumas an tokspoelem pipol, nem blong hem, “bikhed”.

Aesaea 13:11

Yawe nao hemi tok olsem, “Bae mi panisim wol ya bikos hemi barava nogud tumas nao. An bae mi panisim olketa nogud pipol bikos olketa sin. Bae mi daonem olketa praod pipol, an bae mi spoelem finis evri praod wei blong olketa wea olketa save spoelem long olketa narafala pipol.

Aesaea 13:3

Bikos mi kros tumas long olketa ya, hem nao mi tokstrong long olketa strongfala soldia wea mi bin makem olketa fo faet, an olketa hapi tumas long biknem blong mi.”

Aesaea 29:5

“Bat bae hemi wos moa fo olketa enemi blong yufala. Bae olketa kamap olsem dast nomoa. Ya, bae olketa kamap olsem drae skin blong wit wea win hemi bloum go.

Aesaea 49:25

“Bat mi Yawe nao mi talem long yufala olsem: !Olketa samting wea bae hemi hapen, hemi olsem nao! Bae mi tekemaot olketa samting wea olketa soldia i holem. An bae mi sevem olketa pipol wea olketa strongman i kipim. Ya, bae mi faetem olketa hu i faetem yufala, an bae mi sevem olketa pikinini blong yufala.

Aesaea 51:13

?Waswe, yufala fogetem mi nao? Mi nomoa mi mekem yufala. Mi nao mi putum skae long barava ples blong hem, an mi nao mi mekem disfala wol ya. ?Waswe nao yufala fraetem tumas olketa hu i gohed fo mekem yufala safa an olketa hu i redi fo spoelem yufala? Kros blong olketa ya bae hemi no save kasem yufala.

Aesaea 59:4

No eniwan long yufala hemi falom stretfala wei fo jajem pipol. Taem yufala go long kot, yufala save tumas hao fo yusim olketa laea toktok, mekem yufala win. Oltaem yufala gohed fo falom olketa plan wea yufala mekem fo spoelem olketa narafala pipol.

Daniel 7:7

Taem mi gohed fo lukluk yet, mekfoa animol hemi kamaot. Hemi strong fogud, an hemi barava luk nogud tu. An sapos eniwan hemi lukim, bae hemi fraet tumas. Hemi garem olketa bikfala tit long aean an hemi gohed fo pisisim kaikai blong hem. An olketa haf kaikai wea i stap long graon, hemi gohed fo step long olketa. Hemi barava deferen from trifala animol ya fastaem, bikos hemi garem tenfala hon.

Maeka 2:1

(Profet) !Sore tumas long yufala hu i mekem nomoa olketa ravis plan taem yufala leidaon yet long bed! An long moning, yufala gohed fo duim nao olketa nogud plan blong yufala.

Maeka 2:3

Hem nao Yawe hemi tok olsem, “Mi planem nao fo mekem bikfala trabol fo kasem yufala, an bae yufala no garem eni wei fo ranawe. Bae disfala trabol hemi mekem yufala fo no save haemapem yufala seleva olsem yufala duim distaem.”

Gudnius abaotem Jisas Kraes wea Luk hemi raetem 16:14

Olketa Farasi olketa herem diswan an olketa gohed fo tokspoelem Jisas nao, bikos olketa ya olketa lavem seleni tumas ya.

Gudnius abaotem Jisas Kraes wea Luk hemi raetem 23:11

So Herod an olketa soldia blong hem, olketa stat fo mekfan long Jisas an fo tokdaonem hem. Bihaen, olketa mekem hem fo werem wanfala nambawan kaleko olsem kaleko blong king, an olketa sendem hem gobaek moa long Paelat.

Gudnius abaotem Jisas Kraes wea Luk hemi raetem 23:35

Olketa pipol olketa stanap long ples ya an olketa lukluk go nomoa, bat olketa lida blong olketa Jiu olketa gohed fo mekfan long Jisas, an olketa sei olsem, “!Maewat! Hemi sevem olketa nara pipol finis. So sapos hemi tru wea hem nao disfala Mesaea wea God hemi siusim, letem hem sevem hem seleva.”

Gudnius abaotem Jisas Kraes wea Luk hemi raetem 6:7

An olketa Farasi an olketa tisa blong Lo, olketa barava lukluk falom Jisas nao, fo faendemaot sapos hemi mekem man ya fo gudbaek moa long Sabat de, mekem olketa save ripotem hem.

Revelesin 12:10

Nao mi herem moa wanfala voes long heven, wea hemi singaot olsem, “Distaem, God blong yumi hemi sevem yumi nao, an hemi somaot dat hemi garem paoa fo rul olsem King. An disfala Mesaea blong hem, hemi somaot dat hemi garem paoa ovarem evrisamting. Hemi olsem, bikos disfala man fo tokagensim olketa Kristin, olketa bin raosim hem finis from heven. Bifoa ya, nomata de an naet, hemi save tokagensim olketa long frant long God.