Aesaea 28:20 - Pijin Bible

²⁰ Bae yufala olsem man wea hemi trae fo slip long bed wea hemi sotfala tumas, o trae fo kava long blangket wea hemi smolfala tumas.

Pijin Deuterocanon

²⁰ Bae yufala olsem man wea hemi trae fo slip long bed wea hemi sotfala tumas, o trae fo kava long blangket wea hemi smolfala tumas.

Aesaea 28:20 Iomraidhean Croise

Aesaea 10:3

?Wanem nao bae yufala duim taem Yawe hemi panisim yufala? ?Wea nao bae yufala go taem hemi sendem kam olketa enemi blong yufala from farawe kantri fo kam faetem yufala? ?Hu nao bae yufala lukaotem fo helpem yufala? ?An long wea nao bae yufala haedem olketa seleni blong yufala?

Aesaea 64:6

Mifala evriwan nao i sin. Nomata olketa stretfala samting wea mifala duim, oltaem hemi barava nogud nomoa olsem ravis. From diswan nao, mifala olsem nomoa drae lif wea win hemi bloum go.

Esikiel 42:5

Disfala fas stori long daon hemi stap stret long bikfala open eria ya, an mektu stori hemi stap go insaet lelebet, an mektri stori long antap hemi stap go moa bihaen, insaet long ples ya. So olketa stori long daon i bik lelebet winim olketa stori antap. Olketa duim olsem bikos disfala stori long antap hemi stap go insaet moa, an hemi kavarem haf blong disfala open ples long insaet. Olketa narafala haos wea i stap aotsaet long Tambuhaos, olketa garem olketa pos fo holem olketa floa wea hemi antap, bat disfala haos long not saet hemi no garem eni pos long hem.